Ram Charan Peddi Twitter Review Telugu: ఈ వేసవి కాలంలో బాక్సాఫీస్ దాహాన్ని తీర్చేందుకు మెగా పవర్ స్టార్ రామ్ చరణ్ 'పెద్ది' చిత్రంతో ప్రేక్షకుల ముందుకు వచ్చారు. జూన్ 4 అంటే ఇవాళ థియేటర్లలో పెద్ది మూవీ రిలీజ్ కానుంది.
కానీ, జూన్ 3 రాత్రి నుంచే తెలుగు రాష్ట్రాలతో పాటు ఓవర్సీస్లోనూ పెద్ది ప్రీమియర్ షోలు ప్రారంభమయ్యాయి. బాలీవుడ్ బ్యూటీ జాన్వీ కపూర్ హీరోయిన్గా ఏఆర్ రెహమాన్ సంగీతంతో 'ఉప్పెన' డైరెక్టర్ బుచ్చిబాబు సాన తెరకెక్కించిన ఈ స్పోర్ట్స్ యాక్షన్ ఎమోషనల్ డ్రామాపై సోషల్ మీడియా వేదికగా టాక్ ఏంటో పెద్ది ట్విట్టర్ రివ్యూలో తెలుసుకుందాం.
ఇంటర్వెల్ బ్లాస్టింగ్.. ఫస్టాఫ్ ఎలా ఉందంటే?
పెద్ది సినిమా ప్రథమార్ధంపై సోషల్ మీడియాలో ఎక్కువ శాతం సానుకూల స్పందన కనిపిస్తోంది. సాధారణ కథాంశంతోనే సినిమా మొదలైనప్పటికీ, రామ్ చరణ్ ఇంట్రడక్షన్ సీన్స్ థియేటర్లలో ఫ్యాన్స్కు పూనకాలు తెప్పించాయని నెటిజన్లు చెప్తున్నారు.
ప్రీ-ఇంటర్వెల్ నుంచి ఇంటర్వెల్ వరకు వచ్చే ట్విస్ట్లు, యాక్షన్ ఎపిసోడ్స్ సినిమాకు పెద్ద అసెట్గా నిలిచాయట. ఇంటర్వెల్ బ్లాక్లో చరణ్ పవర్ఫుల్ పర్ఫార్మెన్స్, ఆయన బాడీ బిల్డింగ్ లుక్ నెక్ట్స్ లెవల్లో ఉన్నాయని ప్రేక్షకులు ట్వీట్ చేస్తున్నారు.
పాటల విషయానికి వస్తే, ఏఆర్ రెహమాన్ స్వరపరిచిన 'రయ్ రయ్ రారా', 'చికిరి చికిరి' సాంగ్స్లో రామ్ చరణ్ మాస్ డాన్స్ స్టెప్పులు మెస్మరైజ్ చేశాయి. హీరోయిన్ జాన్వీ కపూర్ గ్లామర్ మాస్ ఆడియన్స్కు ఐ-ఫీస్ట్లా నిలిచింది. అయితే, ఫస్టాఫ్లో లవ్ ట్రాక్ అంతగా వర్కవుట్ కాలేదని, స్క్రీన్ప్లే అక్కడక్కడ కాస్త నెమ్మదించిందని కొందరు సినీ విశ్లేషకులు అభిప్రాయపడుతున్నారు.
సెకండాఫ్లో ఎమోషనల్ రోలర్ కోస్టర్.. ఢిల్లీ ఫైట్స్!
ద్వితీయార్ధంలో కథ ఢిల్లీకి షిఫ్ట్ అవుతుంది. సెకండాఫ్ ప్రారంభంలో సినిమా కొంత నెమ్మదిగా సాగినప్పటికీ, చివరి 40 నిమిషాలు మాత్రం ప్రేక్షకులను సీట్లలో కూర్చోనివ్వకుండా చేస్తుందని టాక్.
{{/usCountry}}ద్వితీయార్ధంలో కథ ఢిల్లీకి షిఫ్ట్ అవుతుంది. సెకండాఫ్ ప్రారంభంలో సినిమా కొంత నెమ్మదిగా సాగినప్పటికీ, చివరి 40 నిమిషాలు మాత్రం ప్రేక్షకులను సీట్లలో కూర్చోనివ్వకుండా చేస్తుందని టాక్.
{{/usCountry}}నైట్ క్రికెట్ మ్యాచ్ సీన్స్, పహిల్వాన్ ఫైట్ సీక్వెన్సులు థియేటర్లను ఊపేశాయని ఫ్యాన్స్ సంబరాలు చేసుకుంటున్నారు. క్లైమాక్స్ సన్నివేశాల్లో రామ్ చరణ్ నటన అందరినీ ఏడిపించేలా ఉందంటూ మెగా అభిమానులు పోస్టులు పెడుతున్నారు.
"పెద్ది ఒక స్వచ్ఛమైన సినిమాటిక్ మాస్టర్ పీస్. రామ్ చరణ్ యాక్టింగ్ పీక్స్లో ఉంది, ఆన్లైన్ నెగిటివ్ రివ్యూలు నమ్మకండి" అని ఒక మెగా అభిమాని రాసుకొచ్చారు. మరోవైపు, పెద్ది సినిమా నిడివి 3 గంటలకు పైగా ఉండటం, కొన్ని చోట్ల రోటీన్ కమర్షియల్ ఫార్మాట్ అనుసరించడం మైనస్ పాయింట్లుగా మారాయని సగటు సినిమా లవర్స్ చెప్తున్నారు. హిందీ బెల్ట్లో ఈ చిత్రానికి బజ్ కాస్త తక్కువగా ఉండటంతో అక్కడ బాక్సాఫీస్ వద్ద ఎలాంటి వసూళ్లు సాధిస్తుందనేది ఆసక్తికరంగా మారింది.
నటీనటుల ప్రదర్శన.. టెక్నికల్ వాల్యూస్
రామ్ చరణ్ ఈ సినిమాను తన భుజాలపై మోసారనడంలో ఎలాంటి సందేహం లేదు. అప్పలసూరి పాత్రలో జగపతి బాబు నటన అద్భుతంగా ఉందని, ఆయన క్యారెక్టర్ చాలా ఎమోషనల్ డెప్త్తో సాగుతుందని టాక్ వినిపిస్తోంది.
శివ రాజ్కుమార్, దివ్యేందు శర్మ, బోమన్ ఇరానీ తమ పాత్రల పరిధి మేర చక్కగా నటించారు. ఏఆర్ రెహమాన్ అందించిన బ్యాక్గ్రౌండ్ స్కోర్ (BGM) సినిమాను మరో లెవల్కు తీసుకెళ్లింది. వృద్ధి సినిమాస్ బ్యానర్పై వెంకట సతీష్ కిలారు నిర్మాణ విలువలు చాలా రిచ్గా ఉన్నాయి.
తమిళ సెన్సార్ రిపోర్ట్ ప్రకారం ఈ చిత్రం ఒక 'కల్ట్ క్లాసిక్' కానుందని ప్రముఖ సినీ క్రిటిక్ రమేశ్ బాలా పేర్కొన్నారు. అయితే స్క్రీన్ప్లే, ఎడిటింగ్పై డైరెక్టర్ బుచ్చిబాబు ఇంకాస్త శ్రద్ధ పెట్టాల్సింది అనే కామెంట్స్ కూడా వస్తున్నాయి.
ఉమైర్ సంధు నెగెటివ్ రివ్యూ
కొన్ని లోపాలు ఉన్నప్పటికీ, రామ్ చరణ్ నటన, రెహమాన్ మ్యూజిక్ కోసం పెద్ది చిత్రాన్ని థియేటర్లలో హ్యాపీగా చూడవచ్చు. జీరో సోల్తో ఉన్న అందమైన బాడీ అని, మాస్ ఎంటర్టైనర్ను ఎలా తెరకెక్కించాలో తెలుగు డైరెక్టర్స్ మర్చిపోయారని, రామ్ చరణ్ ఛార్మ్ ముగిసిపోయిందని అని నెగెటివ్ రివ్యూ ఇచ్చారు ఫిల్మ్ క్రిటిక్గా చెప్పుకునే ఉమైర్ సంధు.