Ranbir Kapoor Vastu Building Lease And Rent: బాలీవుడ్ స్టార్ హీరో రణ్బీర్ కపూర్ ముంబై రియల్ ఎస్టేట్ మార్కెట్లో ఒక సంచలన డీల్ కుదుర్చుకున్నారు. ముంబైలోని అత్యంత విలాసవంతమైన ప్రాంతమైన బాంద్రా వెస్ట్, పాలి హిల్లో ఉన్న తన పాత అపార్ట్మెంట్ 'వాస్తు'ను ఆయన లీజుకు ఇచ్చారు. ఈ ఫ్లాట్కు నెలకు ఏకంగా రూ. 11 లక్షల అద్దె లభించనుంది.
వాస్తు బిల్డింగ్లోని ఏడో అంతస్తులో
రియల్ ఎస్టేట్ డాక్యుమెంట్ల రిజిస్ట్రేషన్ ద్వారా ఈ ఆసక్తికరమైన వివరాలు వెలుగులోకి వచ్చాయి. ప్రస్తుతం ముంబైలో సెలబ్రిటీల ఇళ్లకు ఉన్న డిమాండ్ను ఈ ఒప్పందం మరోసారి నిరూపించింది. 'వాస్తు' బిల్డింగ్లోని ఏడో అంతస్తులో ఉన్న ఈ లగ్జరీ ఫ్లాట్ 2,460 చదరపు అడుగుల విస్తీర్ణంలో ఉంది. దీనిని రామాయణం హీరో రణ్బీర్ కపూర్ 2016లో రూ. 35 కోట్లకు కొనుగోలు చేశారు.
బాలీవుడ్ బాద్షా షారుఖ్ ఖాన్ భార్య, ప్రముఖ ఇంటీరియర్ డిజైనర్ గౌరీ ఖాన్ ఈ ఇంటిని అద్భుతంగా తీర్చిదిద్దారు. ఆదిత్య శుక్లా అనే వ్యక్తి ఐదేళ్ల కాలపరిమితికి ఈ ఫ్లాట్ను అద్దెకు తీసుకున్నారు. ఇందుకోసం రూ. 45 లక్షల భారీ సెక్యూరిటీ డిపాజిట్ చెల్లించారు. ఒప్పందం ప్రకారం ప్రతి ఏటా అద్దె 5 శాతం పెరుగుతుంది. ఈ లీజు అగ్రిమెంట్ మే 19, 2026న అధికారికంగా రిజిస్టర్ అయింది.
రూ. 250 కోట్ల పూర్వీకుల బంగళాలోకి కాపురం
రణ్బీర్ కపూర్, అలియా భట్ దంపతులు తమ పాత ఫ్లాట్ను ఖాళీ చేసి, కొత్తగా ముస్తాబైన తమ పూర్వీకుల నివాసం 'కృష్ణ రాజ్' బంగళాలోకి కాపురం మార్చారు. ముంబై పాలి హిల్లోనే ఉన్న ఈ కోటీశ్వరుల ఇల్లు సుమారు రూ. 250 కోట్ల విలువైనదిగా అంచనా. షారుఖ్ ఖాన్ 'మన్నత్', అమితాబ్ బచ్చన్ 'జల్సా' సరసన నిలిచే అత్యంత ఖరీదైన సెలబ్రిటీ హోమ్స్ జాబితాలో ఇది చేరింది.
రణ్బీర్ తాత కృష్ణ రాజ్ కపూర్ జ్ఞాపకార్థం ఈ బంగళాకు ఆ పేరు పెట్టారు. దాదాపు 80 ఏళ్ల క్రితం నిర్మించిన ఈ ఆస్తిని 1980లో రిషి కపూర్, నీతూ కపూర్ దక్కించుకున్నారు. గత కొన్నేళ్లుగా సాగిన దీని పునర్నిర్మాణ పనులు 2025లో పూర్తయ్యాయి. 2020లో లుకేమియాతో కన్నుమూసిన దివంగత నటుడు రిషి కపూర్ జ్ఞాపకార్థం ఈ కొత్త ఇంట్లో ఒక ప్రత్యేకమైన గదిని కూడా రూపొందించారు.
అయోధ్యలో భూమి..
{{/usCountry}}రణ్బీర్ తాత కృష్ణ రాజ్ కపూర్ జ్ఞాపకార్థం ఈ బంగళాకు ఆ పేరు పెట్టారు. దాదాపు 80 ఏళ్ల క్రితం నిర్మించిన ఈ ఆస్తిని 1980లో రిషి కపూర్, నీతూ కపూర్ దక్కించుకున్నారు. గత కొన్నేళ్లుగా సాగిన దీని పునర్నిర్మాణ పనులు 2025లో పూర్తయ్యాయి. 2020లో లుకేమియాతో కన్నుమూసిన దివంగత నటుడు రిషి కపూర్ జ్ఞాపకార్థం ఈ కొత్త ఇంట్లో ఒక ప్రత్యేకమైన గదిని కూడా రూపొందించారు.
అయోధ్యలో భూమి..
{{/usCountry}}రణ్బీర్ కపూర్ పెట్టుబడులు కేవలం ముంబైకే పరిమితం కాలేదు. ఇటీవల ఆయన ఆధ్యాత్మిక నగరం అయోధ్యలో కూడా ఒక లగ్జరీ ప్లాట్ను కొనుగోలు చేశారు. 'ది హౌస్ ఆఫ్ అభినందన్ లోధా' సంస్థకు చెందిన 'ది సరయూ' ప్రాజెక్టులో రూ. 3.31 కోట్లు వెచ్చించి 2,134 చదరపు అడుగుల భూమిని సొంతం చేసుకున్నారు.
సరయూ నదీ తీరంలో 75 ఎకరాల్లో నిర్మిస్తున్న ఈ మెగా ప్రాజెక్టులో ప్రముఖ లీలా హోటల్స్ గ్రూప్ ఒక ఫైవ్ స్టార్ వెజిటేరియన్ లగ్జరీ హోటల్ను కూడా ఏర్పాటు చేస్తోంది. ప్రస్తుతం రణ్బీర్ కపూర్ ఇండియన్ సినిమా చరిత్రలోనే అత్యంత భారీ బడ్జెట్తో తెరకెక్కుతున్న 'రామాయణం' చిత్రంలో నటిస్తున్నారు.
'రామాయణం' సినిమాతో బిజీ
దాదాపు రూ. 4,000 కోట్ల బడ్జెట్తో రెండు భాగాలుగా వస్తున్న ఈ ప్రతిష్టాత్మక చిత్రంలో ఆయన శ్రీరాముడిగా నటిస్తుండగా, టాలీవుడ్ స్టార్ బ్యూటీ సాయి పల్లవి సీతగా చేస్తోంది. కన్నడ స్టార్ యశ్ రావణాసురుడిగా, సన్నీ డియోల్ హనుమంతుడిగా కనిపిస్తున్నారు. అటు రియల్ ఎస్టేట్ డీల్స్, ఇటు భారీ పాన్-ఇండియా ప్రాజెక్టులతో రణ్బీర్ కపూర్ కెరీర్ ఇండస్ట్రీలో హాట్ టాపిక్గా మారింది.