Samantha On Career Struggles Pregnancy: టాలీవుడ్ స్టార్ బ్యూటీ సమంత రూత్ ప్రభు గత కొన్నేళ్లుగా వ్యక్తిగతంగా, వృత్తిపరంగా ఎన్నో తీవ్రమైన ఒడిదుడుకులను ఎదుర్కొన్నారు. వాటన్నింటినీ అధిగమించి ఇప్పుడు సామ్ తన జీవితంలో అత్యంత సంతోషకరమైన దశలోకి అడుగుపెట్టారు.
మా ఇంటి బంగారం సక్సెస్ మీట్
సమంత నటించిన తాజా చిత్రం 'మా ఇంటి బంగారం' బాక్సాఫీస్ వద్ద భారీ విజయాన్ని అందుకోవడమే కాకుండా, వ్యక్తిగత జీవితంలోనూ ఒక మధురమైన వార్త చెప్పారు. ప్రముఖ దర్శకుడు రాజ్ నిడిమోరుతో వివాహం తర్వాత సమంత మొదటిసారి తల్లి కాబోతుంది. హైదరాబాద్లో జరిగిన 'మా ఇంటి బంగారం' సక్సెస్ మీట్లో సమంత తన జీవితంలోని కష్టసుఖాలను పంచుకుంటూ భావోద్వేగానికి లోనయ్యారు.
మా ఇంటి బంగారం చిత్రంలో నటించడం ఒక నటిగా తనకు పెద్ద రిస్క్ అని సమంత పేర్కొన్నారు. ఒకే రకమైన పాత్రలకు పరిమితం కాకుండా, కొత్తగా నిరూపించుకోవాలనే ఉద్దేశంతోనే ఈ ఛాలెంజ్ను స్వీకరించినట్లు ఆమె తెలిపారు. ప్రస్తుతం తన వివాహం, ప్రెగ్నెన్సీ, సినిమా విజయంపై ఇండస్ట్రీతో పాటు అభిమానులు అభినందనలు కురిపిస్తుండటంపై సమంత స్పందించారు.
ఘోరమైన పతనం చూశాను
"ఈ రోజు నా ట్రిపుల్ సక్సెస్పై అందరూ నన్ను అభినందిస్తున్నారు. కానీ, నేను కెరీర్లో అత్యంత ఘోరమైన పతనాన్ని చూశాను. చాలా మంది నన్ను పక్కన పెట్టేశారు, నా పని అయిపోయిందని రాశారు. సమంత చాప్టర్ క్లోజ్, ఇక ఆమెను హీరోయిన్గా చూడటం కష్టమని ప్రచారం చేశారు" అని సమంత అన్నారు.
"ఆ మాటలు నన్ను కుంగదీయలేదు. కానీ, కొంతకాలం పాటు అదే నిజమన్నట్లుగా వాతావరణం కనిపించింది. వ్యక్తిగతంగా నేను ఎప్పుడూ పోరాడే మనిషిని. అందుకే దీన్ని ఒక సవాల్గా తీసుకుని నా సర్వస్వం పెట్టి కష్టపడ్డాను. నాకు అందరూ అద్భుతంగా మద్దతు ఇచ్చారు" అని సమంత పాత జ్ఞాపకాలను గుర్తుచేసుకున్నారు.
అనారోగ్యం, మూడేళ్ల విరామంపై స్పష్టత
{{/usCountry}}"ఆ మాటలు నన్ను కుంగదీయలేదు. కానీ, కొంతకాలం పాటు అదే నిజమన్నట్లుగా వాతావరణం కనిపించింది. వ్యక్తిగతంగా నేను ఎప్పుడూ పోరాడే మనిషిని. అందుకే దీన్ని ఒక సవాల్గా తీసుకుని నా సర్వస్వం పెట్టి కష్టపడ్డాను. నాకు అందరూ అద్భుతంగా మద్దతు ఇచ్చారు" అని సమంత పాత జ్ఞాపకాలను గుర్తుచేసుకున్నారు.
అనారోగ్యం, మూడేళ్ల విరామంపై స్పష్టత
{{/usCountry}}ఒకప్పుడు ఏడాదికి కనీసం మూడు సినిమాలతో ప్రేక్షకులను పలకరిస్తూ, అందులో ఒక బ్లాక్బస్టర్ సాధించే రేసులో ఉన్న సమంత.. హఠాత్తుగా మూడేళ్ల పాటు వెండితెరకు దూరం కావాల్సి వచ్చింది. ఈ సుదీర్ఘ విరామంపై ఒక విలేకరి ప్రశ్నించగా, ఆమె మనసులోని భయాలను బయటపెట్టారు.
2022లో సమంత 'మయోసైటిస్' అనే తీవ్రమైన ఆటో ఇమ్యూన్ డిజార్డర్ బారిన పడ్డారు. దీనివల్ల కఠినమైన ఆహార నియమాలు, క్రమశిక్షణతో కూడిన జీవనశైలిని పాటించాల్సి వచ్చింది.
శాకుంతలం, ఖుషి కలెక్షన్స్
2023లో విడుదలైన 'శాకుంతలం' (ప్రపంచవ్యాప్తంగా రూ. 11 కోట్ల వసూళ్లు), 'ఖుషి' (ప్రపంచవ్యాప్తంగా రూ. 76 కోట్ల వసూళ్లు) చిత్రాల తర్వాత సామ్ లాంగ్ బ్రేక్ తీసుకున్నారు. ఆపై 2024లో వచ్చిన 'సిటాడెల్: హనీ బన్నీ' ఓటీటీ సిరీస్లో మాత్రమే కనిపించారు.
"రేసులో ఉన్న నేను హఠాత్తుగా మూడేళ్ల పాటు అనారోగ్య సమస్యలతో బాధపడుతూ, సినిమాలు లేకుండా ఖాళీగా ఉండాల్సి వచ్చింది. అలాంటి సమయంలో ఎవరైనా సరే ఏం జరిగినా నమ్ముతారు. అది బలహీనమైన క్షణం. అప్పుడు మనపై మనకే అనుమానం వస్తుంది" అని సమంత పేర్కొన్నారు.
ఇలాంటి పతనాలు వస్తాయి
"ఏది సాధ్యం, ఏది నిజం అని ప్రశ్నించుకుంటాం. ప్రతి ఒక్కరి జీవితంలోనూ ఇలాంటి పతనాలు వస్తాయి. అయితే ఆ బాధలోనే ఉండిపోవాలా లేక దాన్ని అధిగమించి ముందుకు రావాలా అనేది మనమే నిర్ణయించుకోవాలి" అని సమంత వివరించారు.
ప్రస్తుతం సమంత నటించిన 'మా ఇంటి బంగారం' చిత్రం విడుదలైన వారం రోజులు కూడా కాకముందే ప్రపంచవ్యాప్తంగా రూ. 50 కోట్లకు పైగా వసూలు చేసి దూసుకుపోతోంది.