Obsession Box Office Collection Beats Dhurandhar 2 Michael: ప్రపంచ సినిమా రంగానికి 2026 ఏడాది ఒక సువర్ణ అధ్యాయంగా నిలిచింది. మన దేశం నుంచి వచ్చిన స్పై యాక్షన్ థ్రిల్లర్ 'ధురంధర్ 2' సంచలన విజయంతో పాటు హాలీవుడ్‌లో 'మైఖేల్', 'ప్రాజెక్ట్ హెయిల్ మేరీ', 'ది సూపర్ మారియో గెలాక్సీ మూవీ' వంటి భారీ చిత్రాలు థియేటర్ల వద్ద కాసుల వర్షం కురిపిస్తున్నాయి.
నాలుగు చిత్రాలు కలిపి
ఈ నాలుగు చిత్రాలు కలిపి ప్రపంచవ్యాప్తంగా దాదాపు 2.5 బిలియన్ డాలర్ల (రూ. 23 వేల 847 కోట్ల 22 లక్షలు)కు పైగా వసూలు చేశాయి. అయితే, కలెక్షన్ల పరంగా ఇవి టాప్‌లో ఉన్నా, పెట్టిన పెట్టుబడికి వచ్చిన లాభాల శాతాన్ని (Return on Investment) లెక్కగడితే మాత్రం వీటన్నింటినీ ఒక చిన్న హారర్ సినిమా వెనక్కి నెట్టేసింది.
బాక్సాఫీస్‌ను వణకిస్తున్న 'అబ్సెషన్'
థియేటర్లలో ఇంకా విజయవంతంగా నడుస్తున్న ఆ చిత్రం ఇప్పటికే వంద రెట్ల లాభాలను దాటేసి ట్రేడ్ వర్గాలను సైతం ముక్కున వేలేసుకునేలా చేస్తోంది. హాలీవుడ్ రైటర్ కమ్ డైరెక్టర్ కర్రీ బార్కర్ స్వతంత్రంగా తెరకెక్కించిన హారర్ థ్రిల్లర్ చిత్రం 'అబ్సెషన్' (Obsession) ఈ ఏడాది అంతర్జాతీయ సినిమా చరిత్రలోనే అతిపెద్ద సక్సెస్ స్టోరీగా నిలిచింది.
కేవలం 750 వేల డాలర్ల (మన కరెన్సీలో సుమారు రూ. 7.15 కోట్లు) అత్యల్ప బడ్జెట్‌తో రూపొందిన అబ్సెషన్ సినిమా మే 15న థియేటర్లలోకి వచ్చింది. విడుదలైన పది రోజుల్లోనే ఊహించని రీతిలో పుంజుకుంటూ ఏకంగా 80 మిలియన్ డాలర్ల (సుమారు రూ. 750 కోట్లు) కలెక్షన్స్ రాబట్టింది. అంటే పెట్టిన పెట్టుబడిపై 10,000 శాతానికి పైగా లాభాలను అర్జించి ఈ ఏడాది అత్యంత లాభదాయకమైన చిత్రంగా రికార్డు సృష్టించింది.
హాలీవుడ్ దిగ్గజాలకు చుక్కలు
సాధారణంగా పెద్ద సినిమాలకు మొదటి వీకెండ్ తర్వాత వసూళ్లు తగ్గుతాయి. కానీ, అబ్సెషన్ చిత్రానికి రోజురోజుకూ ఆదరణ పెరుగుతోంది. నార్త్ అమెరికాలో మొదటి వీకెండ్ 16 మిలియన్ డాలర్లు రాగా, రెండో వీకెండ్ వచ్చేసరికి అది 22 మిలియన్ డాలర్లకు పెరగడం విశేషం.
{{/usCountry}}సాధారణంగా పెద్ద సినిమాలకు మొదటి వీకెండ్ తర్వాత వసూళ్లు తగ్గుతాయి. కానీ, అబ్సెషన్ చిత్రానికి రోజురోజుకూ ఆదరణ పెరుగుతోంది. నార్త్ అమెరికాలో మొదటి వీకెండ్ 16 మిలియన్ డాలర్లు రాగా, రెండో వీకెండ్ వచ్చేసరికి అది 22 మిలియన్ డాలర్లకు పెరగడం విశేషం.
{{/usCountry}}పరిమిత థియేటర్లలో విడుదలైనప్పటికీ ఓవర్సీస్ మార్కెట్లోనూ ఈ చిత్రం 21 మిలియన్ డాలర్లు సాధించి 100 మిలియన్ డాలర్ల మార్కు వైపు దూసుకెళ్తోంది. ఒకవేళ ఈ చిత్రం వంద మిలియన్ల మార్కును దాటితే.. గతంలో సంచలనం సృష్టించిన 'పారానార్మల్ యాక్టివిటీ', 'ది బ్లెయిర్ విచ్ ప్రాజెక్ట్' చిత్రాల తర్వాత వన్ మిలియన్ డాలర్ల కంటే తక్కువ బడ్జెట్‌తో ఆ మైలురాయిని అందుకున్న మూడో చిత్రంగా చరిత్రకెక్కుతుంది.
'ధురంధర్ 2' కంటే ఎక్కువ లాభాలు!
ఈ చిత్రం సాధించిన లాభాల శాతంతో పోలిస్తే భారీ బడ్జెట్ చిత్రాల వసూళ్లు చాలా తక్కువని చెప్పాలి. హాలీవుడ్ చిత్రం 'మైఖేల్' ఇప్పటివరకు 788 మిలియన్ డాలర్లు వసూలు చేసినా అది బడ్జెట్ కంటే కేవలం 5 రెట్లు మాత్రమే ఎక్కువ.
అలాగే బాలీవుడ్‌లో సంచలనం సృష్టించిన 'ధురంధర్ 2' చిత్రం 200 మిలియన్ డాలర్లు సాధించి తన బడ్జెట్‌కు 17 రెట్ల లాభాన్ని తెచ్చింది. ఒక చైనీస్ స్పోర్ట్స్ కామెడీ చిత్రం తన బడ్జెట్‌కు 16 రెట్లు లాభాలను సాధించింది. కానీ, అబ్సెషన్ ఏకంగా 100 రెట్లకు పైగా వసూళ్లను రాబట్టి ఈ మెగా బడ్జెట్ చిత్రాలన్నింటినీ అతి సులభంగా దాటేసింది.
అబ్సెషన్ కథ
టొరంటో ఇంటర్నేషనల్ ఫిల్మ్ ఫెస్టివల్‌లో ప్రీమియర్ ప్రదర్శన పొందిన ఈ అబ్సెషన్ చిత్ర కథాంశం ప్రేక్షకులను థియేటర్లలో సీట్ల అంచున కూర్చుండేలా చేస్తోంది. మైఖేల్ జాన్‌స్టన్ ఇందులో బెయిర్ అనే మ్యూజిక్ స్టోర్ ఉద్యోగిగా నటించాడు. అతడికి ఒక అతీత శక్తులున్న వింత బొమ్మ దొరుకుతుంది.
తన చిన్ననాటి స్నేహితురాలు నిక్కీ (ఇండీ నవరెట్) తనతో ప్రేమలో పడాలని ఆ బొమ్మను కోరుకుంటాడు. ఆ కోరిక తీరినప్పటికీ, దాని వల్ల అతడి జీవితంలో ఎలాంటి భయంకరమైన పరిణామాలు ఎదురయ్యాయనేదే ఈ సినిమా కథ.
భయంకరమైన మలుపులు
"భయంకరమైన మలుపులతో సాగే ఈ చిత్రం ప్రేక్షకులకు ఒక సరికొత్త థ్రిల్‌ను ఇస్తుంది" అని చిత్ర యూనిట్ పేర్కొంది. చిన్న సినిమాల్లో బలమైన కంటెంట్, భయపెట్టే కథనం ఉంటే బాక్సాఫీస్ వద్ద ఎలాంటి వండర్స్ క్రియేట్ చేయవచ్చో అబ్సెషన్ చిత్రం మరోసారి నిరూపించింది.