Top OTT Releases: ఈ వారం టాప్ 6 ట్రెండింగ్ సినిమాలు-తెలుగు నుంచి ఇంగ్లీష్ వరకు-రెండు ఓటీటీల్లోనే స్ట్రీమింగ్-మస్ట్ వాచ్!

Top OTT Releases: ఓటీటీలో ఈ వారం సందడి మామూలుగా లేదు. ఇప్పుడు డిజిటల్ స్ట్రీమింగ్ లో ట్రెండింగ్ లో ఉన్న టాప్ 6 మూవీస్ ఇక్కడున్నాయి. రెండు ఓటీటీల్లో కలిపి ఈ 6 సినిమాలు స్ట్రీమింగ్ అవుతుండటం విశేషం. మరి ఈ ట్రెండింగ్ మూవీస్ పై ఓ లుక్కేయండి. వీకెండ్ కు మంచి ఎంటర్ టైన్మెంట్ గ్యారెంటీ!

Top OTT Releases: ఈ వారం ఓటీటీ లవర్స్‌కు పండగే అని చెప్పాలి. వినోదాల విందును అందించడానికి సరికొత్త సినిమాలు డిజిటల్ ప్లాట్‌ఫామ్స్‌లో ప్రత్యక్షమయ్యాయి. ప్రత్యేకించి ఈ వారం రిలీజ్ అయిన సినిమాల్లో టాప్ 6 మూవీస్ రెండు ప్రధాన ఓటీటీ దిగ్గజాలైన నెట్‌ఫ్లిక్స్ (Netflix), అమెజాన్ ప్రైమ్ వీడియో (Prime Video) లలో అందుబాటులో ఉండటం విశేషం. తెలుగు, తమిళం, మలయాళం, కన్నడ, హిందీ, ఇంగ్లీష్ భాషల్లో స్ట్రీమింగ్ అవుతున్న ఆ టాప్ 6 ఓటీటీ రిలీజ్‌ల డీటెయిల్స్ ఇక్కడ ఉన్నాయి.

మండాడి (Mandaadi)

ఈ వారం టాప్ 6 ట్రెండింగ్ సినిమాలు-తెలుగు నుంచి ఇంగ్లీష్ వరకు-రెండు ఓటీటీల్లోనే స్ట్రీమింగ్-మస్ట్ వాచ్!

• ఓటీటీ ప్లాట్‌ఫామ్: నెట్‌ఫ్లిక్స్ (Netflix)

• భాషలు: తమిళం, తెలుగు, కన్నడ, మలయాళం, హిందీ

• కథ: తమిళనాడు తీరప్రాంతం బ్యాక్‌డ్రాప్‌లో, సాంప్రదాయ పడవ పందేల నేపథ్యంలో సాగే స్పోర్ట్స్ యాక్షన్ డ్రామా ఇది. ఫిషింగ్ కెప్టెన్ తన పాత శత్రుత్వాలను ఎదుర్కొంటూ, పడవ పందెంలో గెలిచి తన గ్రామానికి ఎలా న్యాయం చేకూర్చాడనేదే కథ.

• ఎందుకు చూడాలి?: నటుడు సూరి కామెడీ పాత్రల నుంచి పవర్‌ఫుల్ హీరోగా మారిన తీరు, సముద్రంపై చిత్రీకరించిన అద్భుతమైన యాక్షన్ సన్నివేశాల కోసం ఈ సినిమాను తప్పక చూడాలి. అంతే కాకుండా తెలుగు హీరో సుహాస్ పీక్ విలనిజం పండించాడు.

ఎపిక్ (EPIC)

• ఓటీటీ ప్లాట్‌ఫామ్: నెట్‌ఫ్లిక్స్ (Netflix)

• భాషలు: తెలుగు, తమిళం, కన్నడ, మలయాళం, హిందీ

• కథ: మధ్యతరగతి కుటుంబానికి చెందిన ఒక విద్యార్థి తన తల్లిదండ్రుల అంచనాలను అందుకోవడానికి లండన్ వెళ్తాడు. అక్కడ చదువుతో పాటు ప్రేమ, బ్రేకప్, తన సొంత గుర్తింపు కోసం అతను పడే తపన చుట్టూ ఈ రోమాంటిక్ కామెడీ డ్రామా తిరుగుతుంది.

• ఓటీటీ ప్లాట్‌ఫామ్: నెట్‌ఫ్లిక్స్ (Netflix)

• భాష: మలయాళం

• కథ: ఒక ప్రమాదంలో భర్తను కోల్పోయిన అలీనా అనే మహిళ కారుణ్య నియామకం కింద పోలీస్ ఫోర్స్‌లో చేరుతుంది. పోలీస్ స్టేషన్‌లో జరిగిన ఒక ఊహించని లాకప్ డెత్ క్రైమ్‌ను కవర్ చేయడానికి, విచారణను ఎదుర్కోవడానికి జరిగే మైండ్ గేమ్స్ తో ఈ ఇన్వెస్టిగేటివ్ థ్రిల్లర్ సాగుతుంది.

• ఎందుకు చూడాలి?: పార్వతి తిరువోతు తన కెరీర్‌లో మొదటిసారి పవర్‌ఫుల్ కాప్ పాత్రలో నటించిన సీట్ ఎడ్జ్ క్రైమ్ థ్రిల్లర్ ఇది. లూప్‌హోల్స్, గ్రిప్పింగ్ స్క్రీన్‌ప్లే థ్రిల్లర్ లవర్స్‌కు గూస్‌బంప్స్ తెప్పిస్తుంది.

వీడియో (Video)

• ఓటీటీ ప్లాట్‌ఫామ్: అమెజాన్ ప్రైమ్ వీడియో (Prime Video)

• భాషలు: కన్నడ, తమిళం, తెలుగు, మలయాళం, హిందీ

• కథ: బెంగళూరుకు చెందిన ఒక వ్లాగర్స్ బృందం భారతదేశంలోని అత్యంత భయానకమైన ప్రాంతాన్ని అన్వేషిస్తూ హఠాత్తుగా అదృశ్యమవుతుంది. మూడు నెలల తర్వాత ఒక జంటకు దొరికిన ఆ వ్లాగర్స్ కెమెరా ఫుటేజ్ ఆధారంగా వారికి అసలు ఏమైందనే భయంకరమైన నిజాలు వెలుగులోకి వస్తాయి.

• ఎందుకు చూడాలి?: ధీక్షిత్ శెట్టి ప్రధాన పాత్రలో నటించిన ఈ ఫౌండ్-ఫుటేజ్ హారర్ థ్రిల్లర్ నైట్ టైమ్ ఒంటరిగా కూర్చుని హారర్ థ్రిల్లర్స్ చూసేవాళ్లకు మైండ్ బ్లోయింగ్ ఎక్స్‌పీరియన్స్ ఇస్తుంది.

ఆవారాపన్ 2 (Awarapan 2)

• ఓటీటీ ప్లాట్‌ఫామ్: అమెజాన్ ప్రైమ్ వీడియో (Prime Video)

• భాష: హిందీ

• కథ: అండర్‌వరల్డ్, క్రైమ్, ఒక పవర్‌ఫుల్ లవ్ స్టోరీ బ్యాక్‌డ్రాప్‌లో సాగే రగ్డ్ యాక్షన్ ఎంటర్‌టైనర్. సమాజంలోని చీకటి కోణాలు, గ్యాంగ్‌స్టర్ల మధ్య జరిగే ఆధిపత్య పోరు, ప్రతీకారం చుట్టూ ఈ సీక్వెల్ కథ సాగుతుంది.

• ఎందుకు చూడాలి?: ఇంటెన్స్ ఎమోషన్స్, మాస్ యాక్షన్ ఎలిమెంట్స్, అద్భుతమైన మ్యూజికల్ స్కోర్ ఇష్టపడే బాలీవుడ్ కంటెంట్ లవర్స్ అస్సలు మిస్ కాకూడని చిత్రం ఇది.

స్పైడర్ మ్యాన్: బ్రాండ్ న్యూ డే

• ఓటీటీ ప్లాట్‌ఫామ్: అమెజాన్ ప్రైమ్ వీడియో (ప్రస్తుతం రెంట్ పద్ధతిలో)

• భాషలు: ఇంగ్లీష్, తమిళం, తెలుగు, కన్నడ, మలయాళం, హిందీ

• కథ: ప్రపంచం మొత్తం పీటర్ పార్కర్ ఐడెంటిటీని మరచిపోయిన 4 ఏళ్ల తర్వాత సాగే కథ. ఒంటరిగా జీవిస్తూ ఫుల్ టైమ్ స్పైడర్ మ్యాన్‌గా బాధ్యతలు నిర్వర్తించే పీటర్, ఒక అదృశ్య శక్తుల ముప్పు నుంచి తన నగరాన్ని కాపాడుకోవడానికి చేసే పోరాటమే ఈ మార్వెల్ సినిమా.

• ఎందుకు చూడాలి?: టామ్ హాలండ్ సరికొత్త అవతారంలో కనిపించిన ఈ మూవీ మార్వెల్ సినిమాటిక్ యూనివర్స్ (MCU)లో 38వ చిత్రం. ఇంటర్నేషనల్ రేంజ్ విజువల్స్, ఎమోషనల్ యాక్షన్ డ్రామాను అందిస్తుంది. ఇది ప్రపంచవ్యాప్తంగా రూ.20 వేల కోట్లకు పైగా కలెక్షన్లు సాధించింది.