Venkatramaiah Gari Taluka Review In Telugu And Rating: కుటుంబ విలువలు, రూటెడ్ విలేజ్ సెంటిమెంట్తో ప్రేక్షకుల ముందుకు వచ్చిన న్యూ తెలుగు ఫ్యామిలీ ఎమోషనల్ డ్రామా చిత్రమే 'వెంకట్రామయ్య గారి తాలూకా'. గతంలో 'బలగం' వంటి చిత్రాలను ఆదరించిన తెలుగు ప్రేక్షకులను టార్గెట్ చేస్తూ, పల్లెటూరి నేపథ్యంలో సాగే ఒక ఎమోషనల్ కథను దర్శకుడు సతీష్ ఆవాల ఎంచుకున్నారు.
బుల్లితెర మెగాస్టార్ ప్రభాకర్ కూతురు దివిజ ప్రభాకర్ హీరోయిన్గా ఈ సినిమాతో పరిచయం అయింది. ఇందులో దినేష్ కుమార్ హీరోగా చేశాడు. ట్రైలర్, టీజర్, సాంగ్స్తో మెప్పించిన ఈ సినిమా జూలై 17న థియేటర్లలో విడుదల అయింది. మరి ఈ మూవీ ఎంతమేర ఆకట్టుకుందో నేటి వెంకట్రామయ్య గారి తాలూకా రివ్యూలో తెలుసుకుందాం.
కథ:
పిల్లలే తన సర్వస్వంగా భావించే ఒక సాదాసీదా మధ్యతరగతి తండ్రి వెంకట్రామయ్య (మురళీధర్ గౌడ్) చుట్టూ ఈ కథ తిరుగుతుంది. ఆయనకు ముగ్గురు కూతుర్లు, ఒక కొడుకు. పిల్లల సంతోషం కోసం వారి ప్రేమ పెళ్లిళ్లను సైతం అంగీకరించి, తనకున్న ఆస్తులు, భూములను త్యాగం చేస్తాడు. అయితే కాలం గడిచేకొద్దీ పిల్లల ప్రవర్తనలో మార్పులు వస్తాయి.
వృద్ధాప్యంలో తల్లి, ఆ తర్వాత తండ్రి వెంకట్రామయ్య ఎదుర్కొన్న మానసిక వేదన ఎలాంటిది? సమాజంలో అంతరించిపోతున్న అనుబంధాలను ఈ కుటుంబం ఎలా ఎదుర్కొంది? తల్లిదండ్రుల గొప్పతనం పిల్లలు తెలుసుకున్నారా? అనేదే సినిమా కథ.
విశ్లేషణ:
ఇది ఒక పక్కా క్లీన్ ఫ్యామిలీ ఎమోషనల్ థ్రిల్లర్ సినిమా. ప్రస్తుత సమాజంలో డబ్బు కోసం పరుగులు తీస్తున్న మనుషులు.. క్రమంగా దూరమవుతున్న కుటుంబ బంధాలు.. వృద్ధాప్యంలో ఒంటరితనాన్ని ఎదుర్కొంటున్న తల్లిదండ్రులు.. ఈ నేపథ్యంలో ఓ మధ్యతరగతి తండ్రి తన పిల్లల కోసం చేసే త్యాగాలు ఎలా ఉంటాయో చూపించే సీన్లతో సినిమాను హృద్యంగా తెరకెక్కించారు.
పిల్లలే తన ప్రపంచంగా భావించే ఓ తండ్రి.. ముఖ్యంగా తన కూతురి జీవితాన్ని బాగు చేయాలనే తపనతో ఎలాంటి కష్టాలనైనా భరిస్తాడు. పిల్లల ప్రేమను తన ఇష్టంగా భావించి పెళ్లి చేయడం, ఆ తర్వాత పిల్లల్లో వచ్చే మార్పులు నిజ జీవితంలో ప్రతి ఒక్క తండ్రికి కనెక్ట్ అయ్యేలా ఆవిష్కరించారు.
{{/usCountry}}పిల్లలే తన ప్రపంచంగా భావించే ఓ తండ్రి.. ముఖ్యంగా తన కూతురి జీవితాన్ని బాగు చేయాలనే తపనతో ఎలాంటి కష్టాలనైనా భరిస్తాడు. పిల్లల ప్రేమను తన ఇష్టంగా భావించి పెళ్లి చేయడం, ఆ తర్వాత పిల్లల్లో వచ్చే మార్పులు నిజ జీవితంలో ప్రతి ఒక్క తండ్రికి కనెక్ట్ అయ్యేలా ఆవిష్కరించారు.
{{/usCountry}}వెంకట్రామయ్య పరిచయం, ఆయన కుటుంబం, సమాజంలో ఆయనకున్న పేరు వంటి సీన్లతో సాగుతుంది సినిమా. ఆ తర్వాత హీరో హీరోయిన్ లవ్ ట్రాక్, ఆ విషయం పెద్దలకు తెలియడం, ఇరు కుటుంబాలు కలిసి పెళ్లి చేయడం దాదాపుగా ఊహించినట్లుగానే సాగుతుంది.
కన్నీళ్లు పెట్టించే క్లైమాక్స్
ఆ తర్వాత కూతుళ్లు, కుమారుడిలో వచ్చే మార్పులు, అందుకు గల సంఘటనలను బాగా రూపొందించారు డైరెక్టర్. రెండో భాగంలో వచ్చే తండ్రి-కూతుళ్ల మధ్య సన్నివేశాలు ప్రేక్షకులను కంటతడి పెట్టించే స్థాయిలో ఉంటాయి. ఎక్కడా అనవసరమైన కమర్షియల్ హంగులు, బలవంతపు కామెడీ, అసభ్య సంభాషణలు లేకుండా కుటుంబమంతా కలిసి చూడదగ్గ చిత్రంగా దర్శకుడు రూపొందించారు.
ఇక క్లైమాక్స్ అయితే ప్రతి ఒక్కరు కున్నీళ్లు పెట్టించేలా ముగించారు. చరణ్ అర్జున్ అందించిన సంగీతం, ముఖ్యంగా నేపథ్య సంగీతం (BGM) ఎమోషనల్ సీన్లను బాగా ఎలివేట్ చేసింది. ఆరు పాటలు కథలో భాగంగానే వస్తాయి. సినిమాటోగ్రఫీ పల్లెటూరి వాతావరణాన్ని, అక్కడి పచ్చదనాన్ని ఎంతో అందంగా, సహజంగా స్క్రీన్పై చూపించారు.
నటీనటుల నటన అదుర్స్
అందరికీ తెలిసిన కథను మరింత ఎమోషనల్గా తెరకెక్కించడంలో దర్శకుడు సక్సెస్ అయ్యారు. కోమలి క్రియేషన్స్ నిర్మాణ విలువలు సినిమా స్థాయికి తగినట్లుగా రిచ్గా ఉన్నాయి. ఈ సినిమాకు మురళీధర్ గౌడ్ పోషించిన తండ్రి పాత్రే అసలైన బలం. ఒక బాధ్యతగల మధ్యతరగతి తండ్రిగా ఆయన అద్భుతమైన అభినయాన్ని కనబరిచారు.
ఆయన పలికే సంభాషణలు, పండించిన భావోద్వేగాలు ప్రతి ఒక్కరినీ కదలిస్తాయి. తల్లి పాత్రలో నటి సుధ తన అనుభవాన్ని ఉపయోగించి ఒద్దికైన నటనను ప్రదర్శించారు. ఈ చిత్రం ద్వారా హీరోగా పరిచయమైన దినేష్ కుమార్ తొలి సినిమా అయినప్పటికీ ఎమోషనల్ సీన్లలో మంచి హావభావాలు పలికించారు. భవిష్యత్తులో నటుడిగా ఎదిగేందుకు కావలసిన ప్రతిభ ఆయనలో కనిపించింది.
ప్రముఖ నటుడు ఈటీవీ ప్రభాకర్ కుమార్తె దివిజ ప్రభాకర్ ఈ సినిమాతో హీరోయిన్గా ఎంట్రీ ఇచ్చారు. అమాయకత్వం నిండిన పల్లెటూరి అమ్మాయి పాత్రలో ఆమె నటన చాలా సహజంగా సాగింది. కాశీ విశ్వనాథ్, సెల్వరాజ్, మిర్చి మాధవి, జబర్దస్త్ సత్యశ్రీ తమ పరిధి మేరకు న్యాయం చేశారు.
ఫైనల్గా చెప్పాలంటే..?
డబ్బు కంటే మనుషులు, బంధాలు ముఖ్యమని చాటిచెప్పే క్లీన్ మూవీ ఇది. భారీ యాక్షన్ హంగులు ఆశించకుండా, పెద్దగా ఎక్స్పెక్టేన్స్ లేకుండా ఒక కుటుంబ కథను చూడాలనుకునే వారు ఈ వీకెండ్లో కుటుంబ సమేతంగా వెంకట్రామయ్య గారి తాలూకా సినిమాను చూసేయొచ్చు.