కేంద్ర ప్రభుత్వ ఉద్యోగుల కరువు భత్యాన్ని (డీఏ) కేంద్రం ఇటీవలే పెంచిన సంగతి తెలిసిందే. ఏడో వేతన సంఘం (7th CPC) పరిధిలోని ఉద్యోగుల డీఏను 60 శాతం నుంచి 63 శాతానికి పెంచుతూ నిర్ణయం తీసుకున్నారు. అయితే, ఇంకా పాత వేతన సంఘాల (5, 6వ సీపీసీ) కింద వేతనాలు పొందుతున్న వారికి సైతం కేంద్ర ఆర్థిక శాఖ తీపికబురు అందించింది. వీరి డీఏను భారీగా సవరిస్తూ ఆర్థిక శాఖ పరిధిలోని వ్యయ విభాగం అక్టోబర్ 29న అధికారిక మెమోరాండం (ఓఎం) జారీ చేసింది. ఈ పెరిగిన డీఏ జూలై 1, 2026 నుంచి వర్తిస్తుందని స్పష్టం చేసింది. తాజా ఉత్తర్వుల ప్రకారం ఎవరికి ఎంత మేర లబ్ధి చేకూరుతుందో వివరంగా చూద్దాం.
6వ వేతన సంఘం ఉద్యోగులకు డీఏ పెంపు ఇలా..
ఆర్థిక శాఖ గురువారం విడుదల చేసిన ఉత్తర్వుల ప్రకారం.. 6వ కేంద్ర వేతన సంఘం నిబంధనల మేరకు ఇంకా పాత పే స్కేల్ లేదా గ్రేడ్ పే కింద వేతనాలు తీసుకుంటున్న ఉద్యోగుల కరువు భత్యం 262 శాతం నుంచి 269 శాతానికి పెరిగింది. అంటే, జూలై 2026 నుంచి వీరికి 7 శాతం అదనపు డీఏ లభిస్తుంది.
వీరికి ఆగస్టు 29, 2008 నాటి ఆర్థిక శాఖ మెమోరాండంలోని 3, 4, 5 పేరాల్లోని నిబంధనలు యథాతథంగా వర్తిస్తాయని తాజా ఉత్తర్వుల్లో స్పష్టం చేశారు. ఆ నిబంధనల ప్రకారం.. నిర్దేశించిన పే బ్యాండ్‌లో తీసుకుంటున్న బేసిక్ పేకి, గ్రేడ్ పే కలిపి డీఏ లెక్కిస్తారు. కానీ స్పెషల్ పే వంటి ఇతర భత్యాలను ఇందులో కలపరు. హెచ్ఏజీ+ (HAG+), అపెక్స్ స్కేల్, క్యాబినెట్ సెక్రటరీ పే స్కేల్స్‌లో ఉన్న వారికి నిర్దేశిత స్కేల్‌లో తీసుకునే వేతనాన్నే బేసిక్ పేగా పరిగణిస్తారు. అలాగే నాన్-ప్రాక్టీసింగ్ అలవెన్స్ (ఎన్‌పీఏ) వర్తించే వారికి దాన్ని కూడా డీఏ లెక్కింపులో కలుపుతారు.
ఉదాహరణకు.. ఒక ఉద్యోగి బేసిక్ పే, గ్రేడ్ పే కలిపి రూ.20,000 అనుకుందాం. పాత డీఏ 262 శాతం ప్రకారం రూ.52,400 వస్తుంది. అదే కొత్త డీఏ 269 శాతం ప్రకారం లెక్కిస్తే ఆ మొత్తం రూ.53,800కి చేరుతుంది. అంటే ఆ ఉద్యోగికి నెలకు అదనంగా రూ.1,400 మేర పెంపు లభిస్తుంది.
5వ వేతన సంఘం ఉద్యోగులకు ఎంత పెరిగిందంటే..
అక్టోబర్ 29న ఆర్థిక శాఖ విడుదల చేసిన మరో ప్రకటనలో 5వ కేంద్ర వేతన సంఘం పరిధిలోని ఉద్యోగుల డీఏను సైతం సవరించారు. పాత పే స్కేల్స్ కింద వేతనాలు తీసుకుంటున్న వీరికి ప్రస్తుతం ఉన్న 483 శాతం డీఏను ఏకంగా 497 శాతానికి పెంచారు. అంటే వీరికి ఒకేసారి 14 శాతం మేర కరువు భత్యం పెరిగింది. ఇది కూడా జూలై 1, 2026 నుంచే అమల్లోకి వస్తుంది.
{{/usCountry}}అక్టోబర్ 29న ఆర్థిక శాఖ విడుదల చేసిన మరో ప్రకటనలో 5వ కేంద్ర వేతన సంఘం పరిధిలోని ఉద్యోగుల డీఏను సైతం సవరించారు. పాత పే స్కేల్స్ కింద వేతనాలు తీసుకుంటున్న వీరికి ప్రస్తుతం ఉన్న 483 శాతం డీఏను ఏకంగా 497 శాతానికి పెంచారు. అంటే వీరికి ఒకేసారి 14 శాతం మేర కరువు భత్యం పెరిగింది. ఇది కూడా జూలై 1, 2026 నుంచే అమల్లోకి వస్తుంది.
{{/usCountry}}వీరికి అక్టోబర్ 3, 1997 నాటి ఆర్థిక శాఖ మెమోరాండంలోని 3, 4, 5 పేరాల నిబంధనలు వర్తిస్తాయి. దీని ప్రకారం.. నిర్దేశించిన పే స్కేల్‌తో పాటు స్టాగ్నేషన్ ఇంక్రిమెంట్లు, నాన్-ప్రాక్టీసింగ్ అలవెన్స్ (ఎన్‌పీఏ) కలిపి డీఏను లెక్కిస్తారు. స్పెషల్ పే, పర్సనల్ పే వంటి ఇతర భత్యాలు ఇందులో చేరవు.
ఉదాహరణకు.. 5వ సీపీసీ కింద ఒక ఉద్యోగి బేసిక్ పే రూ.10,000 అనుకుంటే, పాత 483 శాతం ప్రకారం రూ.48,300 డీఏ వచ్చేది. ఇప్పుడు 497 శాతానికి పెరగడంతో ఆ మొత్తం రూ.49,700 అవుతుంది. తద్వారా వీరికి కూడా నెలకు రూ.1,400 మేర అదనపు ప్రయోజనం కలుగుతుంది.
(గమనిక: ఈ వివరాలు కేవలం సమాచారం కోసం మాత్రమే. పూర్తి వివరాలు, నిర్దిష్ట నిబంధనల కోసం ఉద్యోగులు ప్రభుత్వ అధికారిక వెబ్‌సైట్‌ను సందర్శించగలరు.)