దేశంలోనే అత్యంత రద్దీగా ఉండే ఢిల్లీ ఇందిరాగాంధీ అంతర్జాతీయ విమానాశ్రయం (IGIA) ప్రయాణికులకు ఊరటనిచ్చేలా కీలక ప్రాజెక్టుకు శ్రీకారం చుట్టింది. ఒక టెర్మినల్ నుంచి మరొక టెర్మినల్‌కు వెళ్లేందుకు పడుతున్న ఇబ్బందులను తొలగిస్తూ రూ.3,500 కోట్ల వ్యయంతో డ్రైవర్‌లెస్ రైలు వ్యవస్థను (Automated People Mover - APM) ఏర్పాటు చేయాలని నిర్ణయించింది. 2030 నాటికి అందుబాటులోకి రానున్న ఈ డ్రైవర్‌లెస్ ట్రాన్సిట్ సిస్టమ్ ద్వారా టెర్మినల్-1 (T1) నుంచి టెర్మినల్-3 (T3)కి ప్రయాణ సమయం కేవలం 13 నిమిషాలకు తగ్గనుంది.
6 స్టేషన్లు.. 7.3 కిలోమీటర్ల మేర విస్తరణ
ప్రస్తుతం T2, T3 టెర్మినళ్లు పక్కపక్కనే ఉన్నప్పటికీ, T1 టెర్మినల్ మాత్రం కొన్ని కిలోమీటర్ల దూరంలో ఉంది. దీంతో విమానాలు మారే ప్రయాణికులు ప్రస్తుతం రోడ్డు మార్గంలో బస్సులు లేదా క్యాబ్‌ల ద్వారా వెళ్లాల్సి వస్తోంది. ఈ సమస్య పరిష్కారానికి 7.3 కిలోమీటర్ల పొడవునా 6 స్టేషన్లతో ఈ ఏపీఎమ్‌ (APM) వ్యవస్థను నిర్మిస్తున్నారు.
ఈ మార్గం T1, T2, T3 టెర్మినళ్లతో పాటు ఎయిర్‌పోర్ట్ కార్గో టెర్మినల్, ఏరోసిటీలను అనుసంధానిస్తుంది. ఒక స్టేషన్ ఢిల్లీ మెట్రో లైన్‌కు కూడా కనెక్టివిటీ ఇస్తుంది. ప్రారంభమైన తొలి ఏడాదే రోజుకు దాదాపు 55,000 మంది ప్రయాణికులు ఈ సేవలను వినియోగించుకుంటారని అంచనా వేస్తున్నారు.
2036 మాస్టర్ ప్లాన్: పెరగనున్న ప్రయాణికుల సామర్థ్యం
ఢిల్లీ ఇంటర్నేషనల్ ఎయిర్‌పోర్ట్ లిమిటెడ్ (DIAL) సీఈఓ ప్రదీప్ పనికర్ మాట్లాడుతూ, ఈ ఇంటర్-టెర్మినల్ రవాణా వ్యవస్థ నిర్మాణం 2036 వరకు రూపొందించిన 10 ఏళ్ల మాస్టర్ ప్లాన్‌లో భాగమని తెలిపారు.
ప్రస్తుతం విమానాశ్రయం ఏటా 10.6 కోట్ల మంది (106 మిలియన్లు) ప్రయాణికులను నిర్వహించే సామర్థ్యాన్ని కలిగి ఉంది. మాస్టర్ ప్లాన్ పూర్తయితే ఈ సామర్థ్యం 12.5 కోట్లకు (125 మిలియన్లు), గరిష్టంగా 12.9 కోట్లకు పెరుగుతుంది. ఇందులో 8.6 కోట్ల మంది దేశీయ ప్రయాణికులు కాగా, 3.9 కోట్ల మంది అంతర్జాతీయ ప్రయాణికులు ఉంటారు.
టీ3 విస్తరణ.. నూతన పియర్ ఇ
ప్రస్తుతం T1 ఏడాదికి 4.2 కోట్లు, T2 1.4 కోట్లు, T3 5 కోట్ల మంది ప్రయాణికుల సామర్థ్యంతో పనిచేస్తున్నాయి. విమానాల రాకపోకలను మరింత సులభతరం చేసేందుకు టెర్మినల్-3 విస్తరణను కూడా చేపట్టారు. టీ3లోని 'పియర్ సి'ని అంతర్జాతీయ కార్యకలాపాల కోసం కేటాయించగా, నూతనంగా నిర్మిస్తున్న 'పియర్ ఇ' (Pier E) 2030 ఏప్రిల్ నాటికి పూర్తవుతుందని అధికారులు వెల్లడించారు. ఈ నూతన ఏపీఎమ్‌ వ్యవస్థ వల్ల ప్రయాణికులు వేగంగా టెర్మినళ్లు మారడమే కాకుండా రోడ్డు రవాణాపై ఒత్తిడి గణనీయంగా తగ్గుతుంది.
{{/usCountry}}ప్రస్తుతం T1 ఏడాదికి 4.2 కోట్లు, T2 1.4 కోట్లు, T3 5 కోట్ల మంది ప్రయాణికుల సామర్థ్యంతో పనిచేస్తున్నాయి. విమానాల రాకపోకలను మరింత సులభతరం చేసేందుకు టెర్మినల్-3 విస్తరణను కూడా చేపట్టారు. టీ3లోని 'పియర్ సి'ని అంతర్జాతీయ కార్యకలాపాల కోసం కేటాయించగా, నూతనంగా నిర్మిస్తున్న 'పియర్ ఇ' (Pier E) 2030 ఏప్రిల్ నాటికి పూర్తవుతుందని అధికారులు వెల్లడించారు. ఈ నూతన ఏపీఎమ్‌ వ్యవస్థ వల్ల ప్రయాణికులు వేగంగా టెర్మినళ్లు మారడమే కాకుండా రోడ్డు రవాణాపై ఒత్తిడి గణనీయంగా తగ్గుతుంది.
{{/usCountry}}