దేశ రాజధానిలో మద్యం కొనుగోలు ప్రక్రియను క్రమబద్ధీకరించేందుకు ఢిల్లీ స్టేట్ ఇండస్ట్రియల్ అండ్ ఇన్‌ఫ్రాస్ట్రక్చర్ డెవలప్‌మెంట్ కార్పొరేషన్ (డీఎస్ఐఐడీసీ) కీలక నిర్ణయం తీసుకుంది. మద్యం ప్రియుల కోసం ప్రత్యేకంగా 'ఢిల్లీ లిక్కర్ బుకింగ్' (Delhi Liquor Booking) యాప్‌ను అందుబాటులోకి తెచ్చింది. ఈ యాప్ ద్వారా వినియోగదారులు నేరుగా ఆన్‌లైన్‌లోనే తమకు నచ్చిన బ్రాండ్లను ఎంచుకుని ఆర్డర్ చేసుకోవచ్చు. అయితే ఈ సేవల్లో ఒక ముఖ్యమైన నిబంధన ఉంది. ఆన్‌లైన్ ద్వారా మద్యం బుక్ చేసినప్పటికీ, దానిని నేరుగా ఇంటికి డెలివరీ చేయరు.
ఎంత మద్యం కొనుగోలు చేయవచ్చు?
ఢిల్లీ అబ్కారీ (ఎక్సైజ్) నిబంధనల ప్రకారం, 25 ఏళ్లు ఆపైబడిన పౌరులు మాత్రమే ఈ యాప్‌ను వినియోగించుకోవడానికి అర్హులు. ఒక వ్యక్తి గరిష్టంగా 9 లీటర్ల విస్కీ, 18 లీటర్ల బీర్‌ను ఈ యాప్ ద్వారా బుక్ చేసుకోవచ్చు. మద్యం దుకాణాల వద్ద రద్దీని తగ్గించడంతో పాటు విక్రయాల్లో పారదర్శకతను పెంచేందుకు ప్రభుత్వం ఈ సదుపాయాన్ని తెచ్చింది.
సేకరణకు 48 గంటల గడువు
యాప్‌లో పానీయాలను ఎంచుకుని ఆన్‌లైన్ విధానంలో చెల్లింపులు పూర్తి చేసిన తర్వాత వినియోగదారులకు ఒక క్యూఆర్ (QR) కోడ్ లభిస్తుంది. ఈ కోడ్‌ను తీసుకుని సమీపంలోని నిర్దేశిత డీఎస్ఐఐడీసీ వైన్ షాప్‌కు వెళ్లి మద్యం సేకరించుకోవాల్సి ఉంటుంది. ఆన్‌లైన్ చెల్లింపు పూర్తయిన 48 గంటల వ్యవధిలోనే దుకాణానికి వెళ్లి ఆర్డర్ తీసుకోవడం తప్పనిసరి.
ప్రస్తుతం ఈ వెసులుబాటు నగరం నలుమూలలా ఉన్న అన్ని వైన్ షాపుల్లో అందుబాటులో లేదు. కేవలం డీఎస్ఐఐడీసీ ఆధ్వర్యంలో నడుస్తున్న 208 రిటైల్ అవుట్‌లెట్లలో మాత్రమే ఈ సేవలు అందిస్తున్నారు. షాపుల వద్ద క్యూ లైన్లు తగ్గించడం, కస్టమర్లకు నచ్చిన బ్రాండ్లు స్టాక్‌లో ఉన్నాయో లేదో ముందే తెలుసుకునే వెసులుబాటు కల్పించడమే ఈ యాప్ ముఖ్య ఉద్దేశం.
ఆన్‌లైన్‌లో మద్యం ఎలా బుక్ చేసుకోవాలి?
- ఆండ్రాయిడ్ ఫోన్‌లో 'ఢిల్లీ లిక్కర్ బుకింగ్' యాప్‌ను డౌన్‌లోడ్ చేసుకోవాలి.
- యాప్ ఓపెన్ చేసి, నిబంధనలను అంగీకరించిన తర్వాత మొబైల్ నంబర్‌తో రిజిస్ట్రేషన్ పూర్తి చేయాలి.
- అందుబాటులో ఉన్న విభిన్న బ్రాండ్లలో నచ్చినదానిని ఎంచుకోవాలి.
- సీసా పరిమాణం, సంఖ్యను నిర్దేశిత పరిమితికి లోబడి సెలెక్ట్ చేసుకోవాలి.
- సరుకు తీసుకోవడానికి అనువైన డీఎస్ఐఐడీసీ అవుట్‌లెట్‌ను ఎంచుకోవాలి.
- వివరాలు సరిచూసుకుని ఆన్‌లైన్‌లో నగదు చెల్లించాలి.
- లావాదేవీ పూర్తయిన తర్వాత వచ్చే క్యూఆర్ కోడ్‌ను సురక్షితంగా సేవ్ చేసుకోవాలి.
- 48 గంటల వ్యవధిలో సంబంధిత అవుట్‌లెట్‌కు వెళ్లి క్యూఆర్ కోడ్ చూపి మద్యం తీసుకోవాలి.
క్యాన్సిలేషన్ నిబంధనలు
మద్యం సేకరించడానికి ముందే ఆర్డర్ను రద్దు చేసుకోవడానికి కస్టమర్లకు అవకాశం ఉంది. అయితే, ఒకసారి షాప్ నుంచి మద్యం తీసుకున్న తర్వాత లేదా విక్రయం పూర్తయిన తర్వాత దానిని తిరిగి ఇచ్చేందుకు (రిటర్న్) ఎలాంటి అవకాశం ఉండదు. అందువల్ల బుకింగ్ చేసే సమయంలోనే బ్రాండ్, అవుట్లెట్ వివరాలను జాగ్రత్తగా సరిచూసుకోవాలని అధికారులు సూచిస్తున్నారు.
{{/usCountry}}మద్యం సేకరించడానికి ముందే ఆర్డర్ను రద్దు చేసుకోవడానికి కస్టమర్లకు అవకాశం ఉంది. అయితే, ఒకసారి షాప్ నుంచి మద్యం తీసుకున్న తర్వాత లేదా విక్రయం పూర్తయిన తర్వాత దానిని తిరిగి ఇచ్చేందుకు (రిటర్న్) ఎలాంటి అవకాశం ఉండదు. అందువల్ల బుకింగ్ చేసే సమయంలోనే బ్రాండ్, అవుట్లెట్ వివరాలను జాగ్రత్తగా సరిచూసుకోవాలని అధికారులు సూచిస్తున్నారు.
{{/usCountry}}