Flex Fuel Bikes : ఈ రెండు బెస్ట్​ సెల్లింగ్​ హీరో బైక్స్​లో ఫ్లెక్స్​-ఫ్యూయెల్ ఆప్షన్.. తక్కువ ధరకే!

Flex Fuel Bikes in India : హీరో మోటోకార్ప్​ నుంచి రెండు బెస్ట్​ సెల్లింగ్​ బైక్స్​కి ఫ్లెక్స్​-ఫ్యూయెల్ ఆప్షన్ అందుబాటులోకి వచ్చింది! అవి హీరో స్ల్పెండర్​ ప్లస్, హెచ్​ఎఫ్​ డీలక్స్​. వీటి ధరలు, ఇంజిన్ వివరాలను ఇక్కడ డీటైల్డ్​గా తెలుసుకోండి..

దేశీయ ద్విచక్ర వాహన దిగ్గజం హీరో మోటోకార్ప్.. పర్యావరణ అనుకూల సాంకేతికతతో విప్లవాత్మక మార్పుకు శ్రీకారం చుట్టింది. తన అత్యధిక విక్రయాలు సాధించే స్ల్పెండర్ ప్లస్, హెచ్ఎఫ్ డీలక్స్ మోటార్ సైకిళ్లలో ‘ఫ్లెక్స్-ఫ్యూయల్’ వేరియంట్లను మార్కెట్​లోకి విడుదల చేసింది. జిల్లీ ఎక్స్-షోరూమ్ ధరల ప్రకారం స్ల్పెండర్+ ఫ్లెక్స్-ఫ్యూయల్ ధర రూ. 82,710 కాగా, హెచ్ఎఫ్ డీలక్స్ ఫ్లెక్స్-ఫ్యూయల్ ధర రూ. 72,792 గా ఉంది. ఇవి పెట్రోల్‌తో పాటు ఇథనాల్ ఇంధనంతోనూ నడుస్తాయి. జులై నుంచి దిల్లీ, మహారాష్ట్రలోని కొన్ని ప్రాంతాల్లో ఇవి అందుబాటులోకి రానున్నాయి. అనంతరం దేశవ్యాప్తంగా సేల్స్​ ప్రారంభమయ్యే అవకాశం ఉంది.

మైలేజ్ బైక్​ల్లో సరికొత్త విప్లవం..

అత్యధికంగా అమ్ముడయ్యే బైకుల్లో సరికొత్త టెక్నాలజీ!

సాధారణంగా కంపెనీలు ఏదైనా కొత్త సాంకేతికతను ప్రవేశపెట్టేటప్పుడు ఎక్కువ ధర ఉండే ప్రీమియం బైక్​లను ఎంచుకుంటాయి. కానీ హీరో మోటోకార్ప్ ఇందుకు భిన్నంగా, సామాన్యుడికి అందుబాటులో ఉండే మోడళ్లలో ఈ ఫ్లెక్స్-ఫ్యూయల్ టెక్నాలజీని తీసుకువచ్చింది!

హీరో సంస్థ వెల్లడించిన వివరాల ప్రకారం.. భారతదేశంలో అమ్ముడయ్యే మొత్తం మోటార్ సైకిళ్లలో స్ల్పెండర్, హెచ్ఎఫ్ సిరీస్ బైకులే దాదాపు మూడో వంతు ఉంటాయి. అందుకే ఈ పాపులర్ బైకులలో ఇథనాల్ ఇంధన సాంకేతికతను తీసుకురావడం ద్వారా దేశవ్యాప్తంగా పర్యావరణ అనుకూల ఇంధన వినియోగం (ఈవీ / ఇథనాల్ అడాప్షన్) వేగంగా పెరుగుతుందని కంపెనీ భావిస్తోంది.

ఇంజిన్‌లో వచ్చిన మార్పులు ఏంటి?

రెండు ఫ్లెక్స్​- ఫ్యూయెల్ బైకులలోనూ పాత, నమ్మకమైన 97.2సీసీ సింగిల్-సిలిండర్ ఇంజిన్‌నే ఉపయోగించారు. అయితే, ఇథనాల్ మిశ్రమంతో నడిచేలా దీనిని అప్‌గ్రేడ్ చేశారు.

ఆటోమేటిక్ డిటెక్షన్: ఈ ఇంజిన్ ఇంధనంలోని ఇథనాల్ శాతాన్ని (ఈ20 నుంచి ఈ85 వరకు) స్వయంగా గుర్తించి, దానికి తగినట్లుగా పారామిటర్లను ఆటోమేటిక్‌గా అడ్జస్ట్ చేసుకుంటుంది. ఇది గరిష్టంగా ఈ100 (100% ఇథనాల్) ఇంధనాన్ని కూడా సపోర్ట్ చేస్తుంది.

పవర్ అండ్ టార్క్: ఈ85 ఇంధనంతో నడిచేటప్పుడు ఈ ఇంజిన్ 8,000 ఆర్‌పీఎమ్ వద్ద 8.4 హెచ్‌పీ పవర్, 6,000 ఆర్‌పీఎమ్ వద్ద 8.3 ఎన్ఎమ్ టార్క్‌ను ప్రొడ్యూస్ చేస్తుంది.

హార్డ్‌వేర్ అప్‌గ్రేడ్: ఇథనాల్ కెమికల్ ప్రాపర్టీస్ తట్టుకునేలా హీరో కంపెనీ దీని ఈసీయూని రీడిజైన్ చేసింది. అలాగే ఇంధన సరఫరా వ్యవస్థలోని పలు భాగాలను మరింత బలోపేతం చేసింది.

మారకుండా అలాగే ఉన్న ఫీచర్లు ఏవి?

కొత్త ఫ్లెక్స్-ఫ్యూయల్ హార్డ్‌వేర్, సరికొత్త 'డిజి-అనలాగ్' ఇన్‌స్ట్రుమెంట్ క్లస్టర్ మినహాయిస్తే, బైక్ మెకానికల్ డిజైన్‌లో ఎలాంటి మార్పులు చేయలేదు.

స్టాండర్డ్ ఫీచర్లు..

రెండు మోడళ్లలోనూ సేఫ్టీ కోసం 'సైడ్-స్టాండ్ ఇంజిన్ కట్-ఆఫ్' ఫంక్షన్, ట్యూబ్‌లెస్ టైర్లు స్టాండర్డ్‌గా వస్తాయి.

స్ల్పెండర్+ ఫ్లెక్స్-ఫ్యూయల్ మోడల్‌లో మైలేజ్ పెంచే హీరో పేటెంటెడ్ ఐ3ఎస్ (ఐడిల్ స్టాప్-స్టార్ట్) టెక్నాలజీని అలాగే కొనసాగించారు.

సస్పెన్షన్, బ్రేకింగ్ సిస్టమ్..

హెచ్ఎఫ్ డీలక్స్ ఫ్లెక్స్-ఫ్యూయల్ బైక్ ట్యూబులర్ డబుల్-క్రాడిల్ ఫ్రేమ్‌పై నడుస్తుంది. ముందు వైపు టెలిస్కోపిక్ ఫోర్క్స్, వెనుక వైపు టూ-స్టెప్ అడ్జస్టబుల్ ట్విన్ షాక్ అబ్జార్బర్లు ఉన్నాయి. బ్రేకింగ్ కోసం రెండు వైపులా 130 ఎంఎం డ్రమ్ బ్రేక్‌లతో పాటు 'ఇంటిగ్రేటెడ్ బ్రేకింగ్ సిస్టమ్' (ఐపీఎస్) ఇచ్చారు. ఇది 4-స్పీడ్ గేర్‌బాక్స్‌తో వస్తుంది.

అదేవిధంగా, స్ల్పెండర్+ ఫ్లెక్స్-ఫ్యూయల్ మోడల్ కూడా అల్లాయ్ వీల్స్, టెలిస్కోపిక్ ఫ్రంట్ సస్పెన్షన్, ఫైవ్-స్టెప్ అడ్జస్టబుల్ రేర్ షాక్ అబ్జార్బర్లను కలిగి ఉంది. ఇందులో కూడా ట్యూబులర్ డబుల్-క్రాడిల్ ఫ్రేమ్, 4-స్పీడ్ ట్రాన్స్‌మిషన్, మల్టీప్లేట్ వెట్ క్లచ్ సెటప్‌ను యథావిధిగా ఉంచారు. దీనివల్ల పాత రైడింగ్ అనుభూతిని ఇస్తూనే, తక్కువ ఖర్చుతో కూడిన ప్రయాణాన్ని ఈ బైక్​లు అందిస్తాయి.