జీవితం ఎప్పుడూ ఒకేలా సాగదు. అనుకోని విపత్తు ఎదురైనప్పుడు కుటుంబం ఆర్థికంగా రోడ్డున పడకుండా కాపాడే ఏకైక ఆయుధం 'టర్మ్ ఇన్సూరెన్స్'. కేవలం తక్కువ ప్రీమియంతో కోట్లాది రూపాయల ఆర్థిక భద్రత కల్పించే ఈ పాలసీపై ఎందరికో ఎన్నో సందేహాలు. ఎప్పుడు తీసుకోవాలి? కవరేజ్ ఎంత ఉండాలి? ఏ ఫీచర్లు ఎంచుకోవాలి? లాంటి ప్రశ్నలన్నింటికీ లైఫ్ ఇన్సూరెన్స్ నిపుణుల సలహాలు, సూచనలు ఇక్కడ తెలుసుకుందాం.
1. టర్మ్ ఇన్సూరెన్స్ ఎవరికి అవసరం? ఎప్పుడు తీసుకోవాలి?

ఆదాయం ఆర్జిస్తూ తమపై ఆధారపడిన కుటుంబ సభ్యులు ఉన్న ప్రతి ఒక్కరికీ టర్మ్ ఇన్సూరెన్స్ తప్పనిసరి. పెళ్లికాని యువత సైతం తమ తల్లిదండ్రుల బాధ్యత తీసుకుంటే ఈ పాలసీ తీసుకోవాలి. దీన్ని వీలైనంత త్వరగా అంటే 25 నుంచి 30 ఏళ్ల లోపు తీసుకోవడం అత్యుత్తమం. వయసు తక్కువగా ఉన్నప్పుడు ఎలాంటి ఆరోగ్య సమస్యలు ఉండవు కాబట్టి చాలా తక్కువ ప్రీమియానికే ఎక్కువ కవరేజ్ దొరుకుతుంది. పైగా ఆ ప్రీమియం జీవితాంతం మారకుండా స్థిరంగా ఉంటుంది.
2. వయసు పెరిగే కొద్దీ తీసుకోవడం ఎందుకు కష్టం?
వయసు ముప్పై, ముప్పైఐదు దాటిన తర్వాత జీవనశైలి వ్యాధులు (బీపీ, మధుమేహం తదితర) వచ్చే ప్రమాదం పెరుగుతుంది. ఇన్సూరెన్స్ కంపెనీలు పాలసీ ఇచ్చే ముందు తప్పనిసరిగా వైద్య పరీక్షలు చేయిస్తాయి. ఏవైనా ఆరోగ్య సమస్యలు బయటపడితే ప్రీమియం భారం అమాంతం పెరుగుతుంది. కొన్నిసార్లు కంపెనీలు పాలసీ ఇవ్వడానికి నిరాకరించవచ్చు కూడా. అందుకే ఈ విషయంలో ఆలస్యం చేయడం ఏమాత్రం శ్రేయస్కరం కాదు.
3. ఎంత కవరేజ్ ఉండాలి? ఏ ఫీచర్లు అవసరం?
మీ వార్షికాదాయానికి కనీసం 15 నుంచి 20 రెట్లు లైఫ్ కవర్ ఉండేలా చూసుకోవాలి. దీనికి తోడు మీకున్న హోమ్ లోన్, ఇతర అప్పులను కూడా కలుపుకుని కవరేజ్ నిర్ణయించుకోవాలి. కవరేజ్తో పాటు కొన్ని రైడర్లు కూడా ముఖ్యమే. ప్రమాదవశాత్తు మరణిస్తే అదనపు మొత్తం వచ్చేలా 'యాక్సిడెంటల్ డెత్ బెనిఫిట్', ఏదైనా తీవ్రమైన వ్యాధి వస్తే కవరేజ్ ఇచ్చే 'క్రిటికల్ ఇల్నెస్', వికలాంగులుగా మారితే తదుపరి ప్రీమియంలు మాఫీ అయ్యే 'వేవర్ ఆఫ్ ప్రీమియం', ‘టోటల్ డిజేబులిటీ’ వంటి రైడర్లను ఎంచుకోవడం తెలివైన నిర్ణయం.
4. పాలసీ వ్యవధి.. ప్రీమియం చెల్లింపులు ఎలా ఉండాలి?
చాలామంది 80 లేదా 100 ఏళ్ల వరకు కవరేజ్ ఎంచుకుని భారీగా ప్రీమియం కడుతుంటారు. ఆర్థికంగా ఇది తప్పు. మీరు రిటైర్ అయ్యే నాటికి (సాధారణంగా 60-65 ఏళ్లు) పిల్లలు స్థిరపడతారు, మీకంటూ ఒక రిటైర్మెంట్ ఫండ్ ఏర్పడుతుంది. ఆ తర్వాత మీ ఆదాయంపై ఆధారపడేవారు ఎవరూ ఉండరు. కాబట్టి 60 లేదా 65 ఏళ్ల వయసు వరకు మాత్రమే పాలసీ టర్మ్ ఎంచుకోవడం మంచిది.
{{/usCountry}}చాలామంది 80 లేదా 100 ఏళ్ల వరకు కవరేజ్ ఎంచుకుని భారీగా ప్రీమియం కడుతుంటారు. ఆర్థికంగా ఇది తప్పు. మీరు రిటైర్ అయ్యే నాటికి (సాధారణంగా 60-65 ఏళ్లు) పిల్లలు స్థిరపడతారు, మీకంటూ ఒక రిటైర్మెంట్ ఫండ్ ఏర్పడుతుంది. ఆ తర్వాత మీ ఆదాయంపై ఆధారపడేవారు ఎవరూ ఉండరు. కాబట్టి 60 లేదా 65 ఏళ్ల వయసు వరకు మాత్రమే పాలసీ టర్మ్ ఎంచుకోవడం మంచిది.
{{/usCountry}}ప్రీమియం చెల్లింపుల విషయంలో నెలవారీ కంటే 'వార్షిక' (ఏడాదికి ఒకసారి) విధానం ఎంచుకోవడం మేలు. వార్షిక చెల్లింపులపై కంపెనీలు ఆకర్షణీయమైన డిస్కౌంట్ ఇస్తాయి. పైగా ప్రతి నెలా ఖాతాలో డబ్బులు ఉంచుకోవడం, ట్రాకింగ్ చేసుకోవడం లాంటి ఇబ్బందులు తప్పుతాయి.
5. లిమిటెడ్ పే వర్సెస్ రెగ్యులర్ పే.. ఏది బెస్ట్?
పాలసీ ఉన్నంత కాలం ప్రీమియం చెల్లించే విధానాన్ని (రెగ్యులర్ పే) ఎంచుకోవడమే లాభదాయకమే. ద్రవ్యోల్బణాన్ని (ఇన్ఫ్లేషన్) లెక్కలోకి తీసుకుంటే భవిష్యత్తులో మీరు కట్టే ప్రీమియం విలువ తగ్గుతూ వస్తుంది. కాబట్టి రెగ్యులర్ పే విధానమే ఉత్తమం. అయితే భవిష్యత్తులో మీకు ఆదాయ మార్గం ఉండదని భావిస్తే మీరు లిమిటెడ్ పే.. అంటే ఓ పది పన్నేండేళ్లలో ప్రీమియం చెల్లించేస్తే మేలు. ఇలా లిమిటెడ్ పేలో చెల్లించడం వల్ల మీరు మొత్తంగా చెల్లించాల్సిన ప్రీమియం తగ్గుతుంది. వ్యాపారాలు చేసేవారు, భవిష్యత్తు ఆదాయంపై స్పష్టత లేని వారు, ఉద్యోగ భద్రత లేనివారు లిమిటెడ్ పే వైపు మొగ్గుచూపాలి.
6. రిటర్న్ ఆఫ్ ప్రీమియం.. అదొక మాయ
పాలసీ గడువు ముగిశాక మనం కట్టిన డబ్బులు వెనక్కి వస్తే బాగుంటుంది కదా అని చాలామంది 'రిటర్న్ ఆఫ్ ప్రీమియం' (టీఆర్ఓపీ) ఆప్షన్ ఎంచుకుంటారు. ఆర్థిక నిపుణుల దృష్టిలో ఇది ఒక తప్పుడు నిర్ణయం. ఈ ఫీచర్ కోసం మీరు రెట్టింపు ప్రీమియం కట్టాల్సి వస్తుంది. ప్యూర్ టర్మ్ పాలసీ తీసుకుని ఆ మిగిలిన ప్రీమియం మొత్తాన్ని సిస్టమాటిక్ ఇన్వెస్ట్మెంట్ ప్లాన్ (సిప్) ద్వారా మ్యూచువల్ ఫండ్స్లో పెట్టుబడి పెడితే.. పాలసీ గడువు ముగిసేనాటికి మీకు వచ్చే రాబడి, ఇన్సూరెన్స్ కంపెనీ వెనక్కి ఇచ్చే మొత్తంతో పోలిస్తే ఎన్నో రెట్లు ఎక్కువగా ఉంటుంది.
7. ఆటో-పే ముఖ్యం.. గ్రేస్ పీరియడ్ ఎంతంటే?
ఇన్సూరెన్స్ ప్రీమియం చెల్లింపులకు 'ఆటో-పే' (బ్యాంకు ఖాతా నుంచి ఆటోమెటిక్గా కట్ అయ్యేలా ఈ-మ్యాండేట్) సెట్ చేసుకోవడం అత్యంత అవసరం. ఉరుకుల పరుగుల జీవితంలో ప్రీమియం తేదీ మర్చిపోతే పాలసీ ల్యాప్స్ అవుతుంది. ఒకవేళ గడువు తేదీ దాటినా కంపెనీలు నిబంధనల ప్రకారం కొంత 'గ్రేస్ పీరియడ్' ఇస్తాయి. వార్షిక చెల్లింపులకు 30 రోజులు, నెలవారీ చెల్లింపులకు 15 రోజుల గ్రేస్ పీరియడ్ ఉంటుంది. ఈ వ్యవధిలో ఎలాంటి పెనాల్టీ లేకుండా ప్రీమియం కట్టొచ్చు. గ్రేస్ పీరియడ్ కూడా దాటితే పాలసీ పూర్తిగా రద్దవుతుంది. ఒకవేళ ఆ సమయంలో పాలసీదారుడికి ఏమైనా జరిగితే కుటుంబానికి ఒక్క రూపాయి కూడా రాదు. గ్రేస్ పీరియడ్ లో ఏదైనా జరిగితే ఆ ప్రీమియం మైనస్ చేసి డెత్ బెనిఫిట్ చెల్లిస్తారు.
టర్మ్ ఇన్సూరెన్స్ అనేది లాభాలు తెచ్చిపెట్టే పెట్టుబడి కాదు, అదొక రక్షణ కవచం. ఈ వాస్తవాన్ని గుర్తుంచుకుని మీ కుటుంబ ఆర్థిక భద్రత కోసం సరైన కవరేజ్తో స్వచ్ఛమైన టర్మ్ పాలసీని ఎంచుకోండి.