ఆషాఢ పౌర్ణమి 28న, 29న? ఈ ఒక్క పూజతో విష్ణు-లక్ష్మీ అనుగ్రహం.. చంద్ర దోషం నుంచి విముక్తి!

ఆషాఢ పౌర్ణమి హిందూ సంప్రదాయంలో అత్యంత పవిత్రమైన రోజుగా భావిస్తారు. ఈ రోజున శ్రీమహావిష్ణువు, మహాలక్ష్మీదేవి, చంద్రదేవుడిని ఆరాధించడం, ఉపవాసం, దానధర్మాలు, పవిత్ర స్నానం చేయడం వల్ల విశేష పుణ్యఫలితాలు లభిస్తాయని విశ్వాసం. ఇదే రోజున గురు పౌర్ణమిని కూడా జరుపుకుంటారు.

కొన్ని రోజుల్లో ఆషాఢ పౌర్ణమి రాబోతోంది. ఆషాఢ పౌర్ణమి నాడు విష్ణువుని, చంద్రుడిని ఆరాధించడం వలన ఎన్నో శుభ ఫలితాలను పొందవచ్చు. ఆరోజు పవిత్ర స్నానం, దానధర్మాలు, ఉపవాసం చేయడం వలన అనేక విధాలుగా లాభాలు కలుగుతాయి.

ఆషాఢ పౌర్ణమి 28న, 29న? ఈ ఒక్క పూజతో విష్ణు-లక్ష్మీ అనుగ్రహం.. చంద్ర దోషం నుంచి విముక్తి!

ఆషాఢ పౌర్ణమిని గురు పౌర్ణమి అని కూడా అంటాము. ఈ పర్వదినం మహర్షి వేదవ్యాసుల జయంతిగా ప్రసిద్ధి. అందుకే ఆ రోజు గురువుని పూజించడం ద్వారా విశేష ఫలితాలను పొందవచ్చు.

చంద్ర దోషం నుంచి ఉపశమనం

ఆషాఢ పౌర్ణమి చాలా విశేషమైనది. ఆషాఢ పౌర్ణమి నాడు ఉపవాసం ఉండి, పూజలు, దానధర్మాలు ఆచరిస్తే విష్ణువు, లక్ష్మీదేవి అనుగ్రహం లభిస్తుంది. అంతేకాదు, సుఖసంతోషాలు, ఐశ్వర్యం కూడా లభిస్తాయి. చంద్ర దోషం నుంచి ఉపశమనాన్ని కూడా పొందడానికి వీలవుతుంది.

ఆషాఢ పౌర్ణమి 2026 తేదీ, శుభ సమయం

పంచాంగం ప్రకారం చూస్తే, శుక్లపక్ష పౌర్ణమి తిథి ఈసారి జూలై 29, బుధవారం నాడు వచ్చింది.

పౌర్ణమి తిథి ప్రారంభం: జూలై 28, మంగళవారం సాయంత్రం 6:18 గంటలకు.

పౌర్ణమి తిథి ముగింపు: జూలై 29, బుధవారం రాత్రి 8:05 గంటలకు.

చంద్రోదయ సమయం: జూలై 29, సాయంత్రం 7:21 గంటలకు.

ఉదయ తిథి ప్రకారం ఆషాఢ పౌర్ణమిని జూలై 29, బుధవారం నాడు ఆచరించాలి.

ఆషాఢ పౌర్ణమి నాడు పూజ ఎలా చేసుకోవాలి? పూజా విధానాన్ని తెలుసుకోండి

బ్రహ్మముహూర్తంలో నిద్రలేచి పవిత్ర నదిలో స్నానం చేయాలి. ఒకవేళ అలా కుదరకపోతే, స్నానం చేసే నీళ్లలో గంగాజలాన్ని కలిపి స్నానం చేస్తే మంచిది. ఆ తర్వాత శుభ్రమైన వస్త్రాలను ధరించి, ఉపవాసం ఉండాలని, పూజ చేయాలని సంకల్పం చెప్పుకోవాలి.

రాగి పాత్రలో నీళ్లు, ఎర్రచందనం, అక్షింతలు, ఎర్రటి పుష్పాలు వేసి సూర్యుడికి అర్ఘ్యం సమర్పించి ప్రార్థించాలి. ఆ తర్వాత పూజా స్థలాన్ని శుభ్రం చేసుకుని, పీటపై పసుపు రంగు వస్త్రాన్ని పరచి, విష్ణువు, లక్ష్మీదేవి విగ్రహం లేదా చిత్రపటాన్ని ప్రతిష్ఠించాలి.

పసుపు చందనం, అక్షింతలు, పసుపు రంగు పూలు, పండ్లు, పంచామృతం, తులసి దళాలతో పూజ చేసుకోవాలి. తర్వాత స్వీట్లు, పండ్లు, పంచామృతాన్ని నైవేద్యంగా సమర్పించాలి. అనంతరం ఆషాఢ పౌర్ణమి వ్రతకథను చదవాలి. ఒకవేళ కథ విన్నా కూడా మంచి ఫలితం కలుగుతుంది. చివరగా విష్ణువు, లక్ష్మీదేవికి హారతి ఇచ్చి ప్రసాదాన్ని భక్తులకు పంచాలి.

చంద్రుడికి కూడా అర్ఘ్యం ఇవ్వాలి

చంద్రుడికి అర్ఘ్యం ఎలా ఇవ్వాలనే విషయానికి వస్తే, సాయంత్రం చంద్రోదయం తర్వాత పాలలో నీరు, అక్షింతలు, తెల్లని పూలు కలిపి చంద్రుడికి అర్ఘ్యం ఇవ్వాలి. అనంతరం శాస్త్రోక్తంగా పండ్లు లేదా సాత్విక ఆహారాన్ని తీసుకుని మీ ఉపవాసాన్ని విరమించాలి.