నేడు గురు పౌర్ణమి వేళ ధనం, శాంతి, ఐశ్వర్యం కోసం పాటించాల్సిన ఆధ్యాత్మిక పరిహారాలు!

హిందూ సంప్రదాయంలో ఆషాఢ పౌర్ణమి (గురు పౌర్ణమి) అత్యంత పవిత్రమైన పర్వదినంగా భావిస్తారు. ఈ రోజున గురువులను, శ్రీమహావిష్ణువును, మహాలక్ష్మి దేవిని భక్తిశ్రద్ధలతో పూజించడం విశేష ఫలితాలను ఇస్తుందని విశ్వాసం.

హిందూ సంప్రదాయంలో ఆషాఢ మాసంలో వచ్చే పౌర్ణమికి ఎంతో విశిష్ట స్థానం ఉంది. దీనినే ఆషాడ పూర్ణిమ లేదా గురు పౌర్ణమిగా భక్తులు అత్యంత భక్తిశ్రద్ధలతో జరుపుకుంటారు. ఈ సంవత్సరం జూలై 29, బుధవారం అనగా ఈరోజు ఆషాఢ పౌర్ణమి వచ్చింది. ఈ ప్రత్యేకమైన రోజున గురు పూజలతో పాటు, జగన్మాత లక్ష్మీదేవి, శ్రీమన్నారాయణుడిని భక్తితో ఆరాధిస్తారు. అదే విధంగా రాత్రి వేళ చంద్రుడికి అర్ఘ్యం సమర్పించడం ద్వారా విశేష ఫలితాలు లభిస్తాయని జ్యోతిష్య శాస్త్రం చెబుతోంది.

నేడు గురు పౌర్ణమి వేళ ధనం, శాంతి, ఐశ్వర్యం కోసం పాటించాల్సిన ఆధ్యాత్మిక పరిహారాలు!

జీవితంలో ఎదురయ్యే ఆర్థిక సమస్యలను దూరం చేసుకుని, సుఖ శాంతులతో వర్ధిల్లడానికి ఈ పర్వదినాన కొన్ని ప్రత్యేకమైన పూజలు, పరిహారాలు ఆచరించాలని పండితులు సూచిస్తున్నారు. ఆ పరిహారాలు ఏమిటో ఇక్కడ పరిశీలిద్దాం.

గణేశుడు, లక్ష్మీదేవి పూజతో సిరి సంపదలు

ఆషాఢ పూర్ణిమ నాడు లక్ష్మీదేవితో పాటు విఘ్నేశ్వరుడైన గణపతిని, ధనాధ్యుడైన కుబేరుడిని విధిగా పూజించాలి. ఇలా చేయడం వల్ల లక్ష్మీ కటాక్షం లభించి, ఆర్థిక పరిస్థితి బలపడుతుందని ప్రగాఢ విశ్వాసం. ఈ పూజా సమయంలో అమ్మవారికి ఎంతో ప్రీతిపాత్రమైన తామర పువ్వును సమర్పించడం శ్రేయస్కరం. తామర పుష్పం లక్ష్మీదేవికి ఇష్టమైనది కావడం వల్ల, దీనిని పూజలో ఉపయోగించడం ద్వారా ఇంట్లో సుఖ సంతోషాలు, అదృష్టం వెల్లివిరుస్తాయి.

ప్రధాన ద్వారం వద్ద దీపారాధన

ఈ పవిత్రమైన రోజున సాయంత్రం వేళ ఇంటి ప్రధాన గుమ్మానికి ఇరువైపులా లేదా ముఖద్వారాన్ని ఆనుకుని స్వచ్ఛమైన ఆవు నెయ్యితో దీపం వెలిగించాలి. ఇలా చేయడం వల్ల గృహంలోకి సానుకూల శక్తి ప్రవేశిస్తుంది. అంతేకాకుండా, లక్ష్మీదేవి అనుగ్రహం లభించి కుటుంబంలో ఆర్థిక వెల్లువ ప్రారంభమవుతుందని నమ్ముతారు.

అమ్మవారికి పరమాన్నం నైవేద్యం

జ్యోతిష్య శాస్త్రంలో గురు గ్రహం శుభఫలితాలు ఇవ్వడానికి, ఆర్థికంగా ఉన్నతి సాధించడానికి పూర్ణిమ రోజున దానధర్మాలు చేయడం ఉత్తమం. బ్రాహ్మణులకు లేదా పేదవారికి పసుపు రంగు వస్తువులు, పసుపు, శనగపప్పు వంటివి దానం చేయాలి. దీనివల్ల ధనప్రాప్తి కలగడమే కాకుండా, కెరీర్ పరంగా ఎదురవుతున్న ఆటంకాలు తొలగిపోయి ఉన్నత శిఖరాలను అధిరోహిస్తారు.

చంద్రదర్శనం, అర్ఘ్య ప్రదానం

పూర్ణిమ రాత్రి వెన్నెలలో నిలబడి చంద్రుడికి అర్ఘ్యం సమర్పించడం వల్ల మానసిక ప్రశాంతత చేకూరుతుంది. పచ్చి పాలలో బియ్యం, పంచదార, తెల్లని పూలు కలిపి చంద్రుడికి అర్ఘ్యం ఇవ్వాలి. ఇలా చేయడం వల్ల జాతకంలో ఉన్న చంద్ర దోషాలు తొలగిపోయి, జీవితంలో ఆర్థిక స్థిరత్వం ఏర్పడుతుంది.

నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.