E-Paper
Jupiter Combustion: గురు అస్తమయం సమయంలో ఈ రాశుల వారికి ఆర్థిక, ఉద్యోగ యోగాలు!
గురు అస్తమయ ప్రభావం ఉండనుంది. ఈ సమయంలో వివాహాలు, గృహప్రవేశాలు వంటి శుభకార్యాలను వాయిదా వేయాలని జ్యోతిష్య శాస్త్రం సూచిస్తుంది. అయితే ప్రతి ఒక్కరిపై ఈ ప్రభావం ఒకేలా ఉండదు. ముఖ్యంగా మేష, కర్కాటక, ధనుస్సు రాశుల వారికి ఆర్థిక లాభాలు, ఉద్యోగంలో పురోగతి, శుభవార్తలు లభించే అవకాశాలు కనిపిస్తున్నాయి.
జ్యోతిష్య శాస్త్రం ప్రకారం గురువు అస్తమించడం అంటే సామాన్యమైన విషయం కాదు. జూలై 14, 2026 నుంచి ఆగస్టు 12 వరకు గురువు అస్తంగత్వంలో ఉండటం వల్ల శుభకార్యాలపై ప్రభావం పడనుంది. ఈ కాలంలో కొన్ని రాశుల వారికి ఊహించని ధనలాభం కలగనుంది.
గురు అస్తమయం అంటే ఏమిటి?
జ్యోతిష్య శాస్త్రంలో బృహస్పతిని 'కారక గ్రహం'గా పరిగణిస్తారు. గురువు అస్తమించినప్పుడు శుభకార్యాలు నిలిపివేయడం ఆచారంగా వస్తోంది. వివాహాలు, గృహప్రవేశాలు, దేవాలయాల్లో విగ్రహ ప్రతిష్ఠలు వంటి కార్యక్రమాలు ఈ సమయంలో వాయిదా వేయడం మంచిదని పండితులు సూచిస్తారు. గురువు అస్తమించడం వల్ల మనుషులపై ఆయన ప్రభావం తాత్కాలికంగా తగ్గుతుంది. అయితే, ఇది ప్రతి ఒక్కరికీ ప్రతికూలం కాదని గమనించాలి. మీ జన్మ జాతకంలో గురువు బలంగా ఉంటే, అస్తమయ ప్రభావం నామమాత్రంగానే ఉంటుంది.
మేష రాశికి ఆర్థిక లాభాలు
మేష రాశి వారికి ఈ గురు అస్తమయ కాలం ఆర్థికంగా ఊరటనిస్తుంది. అదృష్టం మీ వెంటే ఉంటుంది. ముఖ్యంగా వ్యాపారస్తులకు ఈ సమయం కలిసి వస్తుంది. పెండింగ్లో ఉన్న డీల్స్ పూర్తయ్యి ఆశించిన లాభాలు అందుతాయి. కొత్త ఆదాయ మార్గాలు తెరచుకోవడంతో పాటు, ఎప్పటి నుంచో నిలిచిపోయిన పాత బాకీలు కూడా చేతికి అందుతాయి.
కర్కాటక రాశి వారికి శుభ యోగం
కర్కాటక రాశి వారికి ఈ మార్పు ఆశాజనకంగా ఉంది. విదేశీ ప్రయాణాల కోసం ప్రయత్నిస్తున్న వారికి శుభవార్త అందుతుంది. ఆఫీసులో మీ పనితీరుకు గుర్తింపు లభిస్తుంది. పై అధికారులు మీపై పూర్తి నమ్మకంతో ఉంటారు. సంతాన ప్రాప్తి కోరుకునే వారికి లేదా సంతానం నుంచి మంచి వార్తలు వినాలనుకునే వారికి ఈ సమయం అనుకూలంగా ఉంది.
ధనుస్సు రాశికి ప్రత్యేక మద్దతు
ధనుస్సు రాశి వారికి గురు అస్తమయం ఆశ్చర్యకరమైన ఫలితాలను ఇస్తుంది. కార్యాలయంలో మహిళా సహోద్యోగుల నుంచి విశేష సహకారం అందుతుంది. ఆఫీసులో గౌరవం పెరుగుతుంది. వివాహం కోసం ఎదురుచూస్తున్న వారికి సంబంధాలు కుదిరే అవకాశం ఉంది. గతంలో ఉన్న అడ్డంకులు తొలగిపోయి శుభకార్యాలు జరగడానికి మార్గం సుగమం అవుతుంది.
గ్రహాల సంచారం నిరంతరం మారుతూ ఉంటుంది. గురువు అస్తమించినంత మాత్రాన భయపడాల్సిన అవసరం లేదు. మీ జాతక చక్రంలో గ్రహాల స్థితిగతులను బట్టి ఫలితాలు మారుతుంటాయి. ఈ కాలంలో ఆత్మవిశ్వాసంతో పనులు పూర్తి చేసుకుంటే ఎటువంటి ఆటంకాలు ఉండవు.
నిరాకరణ: ఈ వ్యాసంలో ఉన్న సమాచారం పూర్తిగా నిజం మరియు ఖచ్చితమైనదని మేము చెప్పము. మరిన్ని వివరాలు మరియు మరింత సమాచారం కోసం, సంబంధిత రంగంలో నిపుణుడిని సంప్రదించాలని నిర్ధారించుకోండి.
