E-Paper
Jupiter Transit: జూన్ 2026 నుంచి దేవగురువు కటాక్షం.. కర్కాటకంలోకి బృహస్పతి.. ఈ రాశుల వారికి అదృష్టం పట్టినట్టే!
Jupiter Transit: జ్యోతిష్య శాస్త్రంలో అత్యంత శుభప్రదమైన గ్రహంగా భావించే దేవగురు బృహస్పతి (గురువు) తన గమనాన్ని మార్చబోతున్నారు. 2026 జూన్ 2వ తేదీన గురువు తన ఉచ్ఛ రాశి అయిన కర్కాటకంలోకి ప్రవేశించనున్నారు. ఈ అరుదైన గోచారం వల్ల ద్వాదశ రాశుల జీవితాల్లో కీలక మార్పులు రానున్నాయి.
జ్యోతిష్య శాస్త్రంలో అత్యంత శుభప్రదమైన గ్రహంగా భావించే దేవగురు బృహస్పతి (గురువు) తన గమనాన్ని మార్చబోతున్నారు. 2026 జూన్ 2వ తేదీన గురువు తన ఉచ్ఛ రాశి అయిన కర్కాటకంలోకి ప్రవేశించనున్నారు. ఈ అరుదైన గోచారం వల్ల ద్వాదశ రాశుల జీవితాల్లో కీలక మార్పులు రానున్నాయి.
అక్టోబర్ వరకు గురుపాలన: ఆ రాశుల వారికి స్వర్ణయుగమే!
వేద జ్యోతిష్యం ప్రకారం గురువు ధనం, జ్ఞానం, సంతానం మరియు వైవాహిక జీవితానికి కారకుడు. 2026 జూన్ 2వ తేదీ ఉదయం 6:30 కి గురువు కర్కాటక రాశిలోకి అడుగుపెడతారు. సాధారణంగా గురువుకు కర్కాటక రాశి అంటే అత్యంత ఇష్టం. ఇక్కడ ఆయన తన పూర్తి శక్తిని ప్రదర్శిస్తారు. అక్టోబర్ 31, 2026 వరకు గురువు ఇదే రాశిలో ఉండి ప్రజల జీవితాలపై ప్రభావాన్ని చూపిస్తారు. మరి ఈ ఐదు నెలల కాలం ఏ రాశి వారికి ఎలా ఉండబోతుందో ఇప్పుడు వివరంగా చూద్దాం.
ద్వాదశ రాశుల ఫలితాలు ఇవే:
మేష రాశి:
కుటుంబంలో ఎప్పటి నుంచో వేధిస్తున్న సమస్యలు తొలగిపోతాయి. ముఖ్యంగా ఆస్తి తగాదాలు పరిష్కారమై ఊరట లభిస్తుంది. అయితే, మీ అభిప్రాయాలను ఇతరులపై బలవంతంగా రుద్దవద్దు. మృదువుగా వ్యవహరిస్తేనే పనులు సాఫీగా సాగుతాయి.
వృషభ రాశి:
మీరు చేసే చిన్న చిన్న ప్రయత్నాలు కూడా ఊహించని లాభాలను తెచ్చిపెడతాయి. తోబుట్టువుల నుంచి మద్దతు లభిస్తుంది. కానీ, బద్ధకాన్ని దరి చేరనీయకండి. వాయిదా వేసే తత్వం వల్ల చేతికి అందాల్సిన అద్భుతమైన అవకాశాలు చేజారిపోయే ప్రమాదం ఉంది.
మిథున రాశి:
ఆర్థికంగా ఈ కాలం మీకు చాలా అనుకూలంగా ఉంటుంది. కొత్త ఆదాయ మార్గాలు వెతుక్కుంటూ వస్తాయి. పొదుపు మంత్రాన్ని పాటిస్తే భవిష్యత్తులో ఇబ్బందులు ఉండవు. కుటుంబ వాతావరణం ఆహ్లాదకరంగా ఉంటుంది.
కర్కాటక రాశి:
గురువు మీ రాశిలోనే సంచరించడం వల్ల మీ ఆత్మవిశ్వాసం రెట్టింపు అవుతుంది. సమాజంలో గౌరవ మర్యాదలు పెరుగుతాయి. ఆరోగ్యం మెరుగు పడుతుంది. అయితే, అతి విశ్వాసంవల్ల కొన్ని తప్పుడు నిర్ణయాలు తీసుకునే అవకాశం ఉంది, జాగ్రత్త!
సింహ రాశి:
ఖర్చులు ఒక్కసారిగా పెరిగే అవకాశం ఉంది. అయితే ఇవి విలాసాల కోసం కాకుండా శుభకార్యాల కోసం లేదా అవసరాల కోసమే అవుతాయి. విదేశీ ప్రయాణాలు లేదా ఇతర ప్రాంతాల నుంచి లాభాలు పొందుతారు. ఆహార నియమాలు పాటించడం తప్పనిసరి.
కన్య రాశి:
ఆదాయం పెంచుకోవడానికి ఇది సరైన సమయం. పాత మిత్రుల సహకారం మీకు కొత్త ఉత్సాహాన్ని ఇస్తుంది. ఎన్నాళ్లుగానో ఎదురుచూస్తున్న కోరికలు ఇప్పుడు నెరవేరుతాయి. ఎప్పుడూ చురుగ్గా ఉండేలా ప్లాన్ చేసుకోండి.
తులా రాశి:
ఈ సమయంలో ఈ రాశి వారికి ఉద్యోగ మార్పులు లేదా ప్రమోషన్లకు అవకాశాలు మెండుగా ఉన్నాయి. బాధ్యతలు పెరిగినా మీరు సమర్థవంతంగా నిర్వహిస్తారు. సహోద్యోగులతో సఖ్యతగా ఉండండి. నేను అనే అహాన్ని వీడితేనే వృత్తిలో రాణిస్తారు.
వృశ్చిక రాశి:
అదృష్టం మీ వెంటే ఉంటుంది. తీర్థయాత్రలు లేదా విహారయాత్రలు చేసే అవకాశం ఉంది. విద్యార్థులు ఉన్నత విద్యలో విజయం సాధిస్తారు. చిన్నపాటి మనస్పర్థలను పెద్దవి చేయకుండా సర్దుకుపోవడం ఉత్తమం.
ధనుస్సు రాశి:
మీకు ఈ కాలం మిశ్రమ ఫలితాలను ఇస్తుంది. ఒక్కోసారి పనులు వేగంగా పూర్తవుతాయి, మరోసారి ఆటంకాలు ఎదురవుతాయి. డబ్బు విషయంలో ఆచితూచి అడుగు వేయాలి. అనారోగ్య సమస్యల పట్ల అశ్రద్ధ వద్దు.
మకర రాశి:
వైవాహిక జీవితంలో ఉన్న ఇబ్బందులు తొలగిపోతాయి. భాగస్వామ్య వ్యాపారాలు చేసే వారికి లాభాలు వస్తాయి. కొత్త ప్రణాళికలు అమలు చేయడానికి ఇది మంచి సమయం. తొందరపాటు నిర్ణయాలు వద్దు.
కుంభ రాశి:
కష్టానికి తగిన ప్రతిఫలం లభిస్తుంది కానీ కొంచెం ఆలస్యమయ్యే సూచనలు ఉన్నాయి. ఓర్పుతో వ్యవహరిస్తే విజయం మీదే. ఖర్చులను అదుపులో పెట్టుకోవడం ఈ సమయంలో చాలా ముఖ్యం.
మీన రాశి:
జీవితంలో కొత్త మలుపులు వచ్చే అవకాశం ఉంది. ప్రారంభంలో కొన్ని ఇబ్బందులు ఎదురైనా, అవి భవిష్యత్తులో మీ విజయానికి పునాదులు వేస్తాయి. మానసిక ప్రశాంతత దొరుకుతుంది. బంధాలు మరింత ధృడపడతాయి.
