E-Paper
Krishnashtami 2026: సూర్యుడు, బుధుడు, కేతువు కలయిక.. జన్మాష్టమి వేళ ఈ రాశులకు మహా అదృష్టం!
శ్రీకృష్ణ జన్మాష్టమి సందర్భంగా అరుదైన గ్రహాల కలయిక ఏర్పడిందని జ్యోతిష్య అంచనాలు చెబుతున్నాయి. శని వక్రీ స్థితిలో ఉండగా, సింహరాశిలో సూర్యుడు, బుధుడు, కేతువు కలయికతో త్రిగ్రాహి యోగం, సూర్య–బుధుల కలయికతో బుధాదిత్య రాజయోగం ఏర్పడినట్లు పేర్కొంటున్నారు.
Prefer HTon Google
హిందూ సంప్రదాయంలో శ్రీకృష్ణ జన్మాష్టమి పర్వదినానికి అత్యంత విశిష్టత ఉంది. ఈ పవిత్ర దినాన కేవలం ఉత్సవాలే కాకుండా, ఆకాశంలో అరుదైన గ్రహాల గమనం చోటుచేసుకుంది. జ్యోతిష్య నిపుణుల అంచనా ప్రకారం, అనేక సంవత్సరాల తర్వాత జన్మాష్టమి నాడు ఇలాంటి ఖగోళ అద్భుతం ఆవిష్కృతమైంది. ఈ ప్రత్యేక సమయంలో ఏర్పడిన గ్రహాల కలయిక కొన్ని రాశుల వారికి జాక్పాట్ లాంటి ఫలితాలను అందించనుంది.
అరుదైన గ్రహాల సంయోగం
నేడు కృష్ణాష్టమి వేళ న్యాయదేవుడైన శనిభగవానుడు వక్రీ స్థితిలో ఉండగా, సింహ రాశిలో సూర్యుడు, బుధుడు, కేతువు కలయికతో 'త్రిగ్రాహి యోగం' ఏర్పడింది. అంతేకాకుండా, సూర్య, బుధుల కలయిక వల్ల శక్తివంతమైన 'బుధాదిత్య రాజయోగం' కూడా సిద్ధించింది. ఈ శక్తివంతమైన గ్రహాల ప్రభావం ద్వాదశ రాశులపై ఉన్నప్పటికీ, ముఖ్యంగా మూడు రాశుల వారికి మాత్రం ఇది గోల్డెన్ పీరియడ్ అని చెప్పవచ్చు.
తులా రాశి:
తులా రాశి వారికి ఈ ప్రత్యేక గ్రహ యోగాల వల్ల అద్భుతమైన ప్రయోజనాలు కలుగుతాయి. మీలో ఆత్మవిశ్వాసం రెట్టింపు అవుతుంది. మీరు తలపెట్టిన పనుల్లో పరాక్రమం స్పష్టంగా కనిపిస్తుంది. ఉద్యోగ రంగంలో ఉన్నవారు ఉన్నత పదవులు, వేతన పెరిగే అవకాశాలను అందుకుంటారు. ముఖ్యంగా కీలకమైన నిర్ణయాలు తీసుకునేటప్పుడు మీకు లభించే స్పష్టత అద్భుత ఫలితాలను ఇస్తుంది. కుటుంబ సహకారంతో వ్యాపారంలో నూతన శిఖరాలను అధిరోహిస్తారు. ఆర్థిక ప్రణాళికలు సజావుగా సాగి మనశ్శాంతిని ఇస్తాయి.
మిథున రాశి:
మిథున రాశి వారికి ఈ కాలం అన్ని విధాలుగా అనుకూలంగా ఉంది. మీ మాటతీరుతో అందరినీ ఆకట్టుకుంటారు. సమాజంలో మీ వ్యక్తిగత ప్రతిష్ట ఇనుమడిస్తుంది. కార్యాలయంలో మీ కష్టానికి తగిన గుర్తింపు లభిస్తుంది. ఆర్థికంగా బలపడటమే కాకుండా, ఆదాయ మార్గాలు విస్తృతమవుతాయి. కుటుంబంలో పండగ వాతావరణం నెలకొంటుంది. ఎప్పటి నుంచో ఎదురుచూస్తున్న ఒక శుభవార్త మీ ఇంటి తపుడు తడుతుంది. పెట్టుబడులు పెట్టేందుకు ఇది సరైన సమయం.
వృశ్చిక రాశి:
వృశ్చిక రాశి వారికి జన్మాష్టమి వేళ ఈ రాశి వారికి ఊహించని లాభాలను తెచ్చిపెట్టబోతున్నాయి. సమాజంలో మీ కీర్తి ప్రతిష్టలు పెరుగుతాయి. ఉద్యోగంలో మీకు సరికొత్త బాధ్యతలు లేదా పెద్ద ప్రాజెక్టుల నిర్వహణ దక్కుతుంది. వాటిని సమర్థవంతంగా నిర్వహించి పై అధికారుల ప్రశంసలు అందుకుంటారు. కుటుంబంలో సుఖశాంతులు వెల్లివిరుస్తాయి. ఆగిపోయిన పనులు వేగంగా పూర్తవుతాయి. వ్యాపారస్తులు తమ వ్యాపారాన్ని విస్తరించేందుకు ఇది మంచి తరుణం. ప్రయాణాల వల్ల లాభం చేకూరుతుంది.
