శనివారం(అక్టోబర్ 17) నాడు పంతంగి టోల్ ప్లాజా వద్ద నిమిషానికి సగటున 36 వాహనాలు ప్రయాణించాయి. దసరా పండుగల రద్దీ కారణంగా హైదరాబాద్-విజయవాడ జాతీయ రహదారిపై ట్రాఫిక్ గణనీయంగా పెరిగి 24 గంటల్లో 52,000 వాహనాలు ఈ మార్గం గుండా వెళ్లాయి. పది రోజుల క్రితం ఇదే సమయంలో సుమారు 37,000 వాహనాలు మాత్రమే నమోదయ్యాయి.
పండుగ సీజన్ కావడంతో హైదరాబాద్ నుండి ఆంధ్రప్రదేశ్‌లోని వివిధ పట్టణాలకు ప్రయాణించే వారి సంఖ్య భారీగా పెరిగింది. దీనివల్ల టోల్ ప్లాజా వద్ద, రహదారికి ఇరువైపులా వాహనాలు బారులు తీరాయి, ట్రాఫిక్ చాలా నెమ్మదిగా సాగింది. ఇప్పటికీ అదే పరిస్థితి ఉంది. టోల్‌ప్లాజా వద్ద వాహనాలు నెమ్మదిగా కదలడంతో జనాలు ఇబ్బందులు ఎదుర్కొంటున్నారు.
టోల్ ప్లాజా అధికారుల తెలిపిన వివరాల ప్రకారం.. అక్టోబర్ 17 అర్ధరాత్రి నుండి అక్టోబర్ 18 అర్ధరాత్రి వరకు పంతంగి టోల్ ప్లాజా మీదుగా రెండు వైపులా కలిపి మొత్తం 52,000 వాహనాలు ప్రయాణించాయి. అంటే గంటకు సగటున సుమారు 2,167 వాహనాలు రాకపోకలు సాగించాయి.
శుక్రవారం నాడు 49,000 వాహనాలు, అక్టోబర్ 7న సుమారు 37,000 వాహనాలు నమోదవ్వగా, తాజా గణాంకాలు పది రోజుల్లోనే రోజువారీ ట్రాఫిక్‌లో 40.5 శాతం పెరుగుదల కనిపిస్తున్నాయి. సాధారణ రోజుల్లో ఇక్కడ సుమారు 30,000 నుండి 35,000 వాహనాలు రాకపోకలు సాగిస్తుంటాయని అధికారులు తెలిపారు. గత వారం రోజులుగా ఈ సంఖ్య 40,000 వరకు ఉందని, గత రెండు రోజుల్లో ట్రాఫిక్ గణనీయంగా పెరిగిందంటున్నారు.
యాదాద్రి భువనగిరి జిల్లాలోని చౌటుప్పల్ సమీపంలో ఉన్న పంతంగి టోల్ ప్లాజా, హైదరాబాద్ను విజయవాడతో కలిపే ముఖ్యమైనది. ఈ రహదారిపై ప్రైవేట్ కార్లు, టాక్సీలు, అంతర్రాష్ట్ర బస్సులు, వాణిజ్య వాహనాలు, భారీ సరుకు రవాణా వాహనాలు వెళ్తుంటాయి. ఇది తెలంగాణ-ఆంధ్రప్రదేశ్‌లోని అనేక పట్టణాలు, జిల్లాలతో ఇది కనెక్ట్ చేస్తుంది.
{{/usCountry}}యాదాద్రి భువనగిరి జిల్లాలోని చౌటుప్పల్ సమీపంలో ఉన్న పంతంగి టోల్ ప్లాజా, హైదరాబాద్ను విజయవాడతో కలిపే ముఖ్యమైనది. ఈ రహదారిపై ప్రైవేట్ కార్లు, టాక్సీలు, అంతర్రాష్ట్ర బస్సులు, వాణిజ్య వాహనాలు, భారీ సరుకు రవాణా వాహనాలు వెళ్తుంటాయి. ఇది తెలంగాణ-ఆంధ్రప్రదేశ్‌లోని అనేక పట్టణాలు, జిల్లాలతో ఇది కనెక్ట్ చేస్తుంది.
{{/usCountry}}పండుగ సీజన్‌లో సాధారణ వాణిజ్య వాహనాల రాకపోకలతోపాటు తమ సొంత ఊళ్లకు వెళ్లే కుటుంబాలు, ప్రయాణికుల ప్రైవేట్ కార్లు, బస్సుల సంఖ్య భారీగా పెరగడంతో ఈ జాతీయ రహదారిపై ట్రాఫిక్ ఎక్కువైంది. ప్రధాన రహదారిపై రద్దీని తగ్గించడానికి.. ట్రాఫిక్ పోలీసులు చౌటుప్పల్‌లోని లక్కారం నుండి కొన్ని వాహనాలను వలిగొండ మీదుగా చిట్యాల వైపు మళ్లించినట్లుగా తెలుస్తోంది. పండుగ కాలంలో ట్రాఫిక్ ఎంత తీవ్రంగా పెరిగిందో టోల్ ప్లాజా గణాంకాలను చూస్తే అర్థం చేసుకోవచ్చు. అక్టోబర్ 7వ తేదీన సుమారు 37,000 వాహనాలు దాటగా, అక్టోబర్ 16న 49,000, అక్టోబర్ 17 నాటికి 52,000 వాహనాలు దాటాయి.