ప్రభుత్వంలో ఉన్నతాధికారినని నమ్మిస్తూ ప్రజాప్రతినిధులు, పోలీసు అధికారులకే బురిడీ కొట్టిస్తున్న ఒక ఘరానా కేటుగాడి గుట్టును హైదరాబాద్ పోలీసులు రట్టు చేశారు. సీనియర్ ఐఏఎస్ అధికారిగా అవతారమెత్తియ…. సంక్షేమ పథకాల పేరుతో లక్షలాది రూపాయలు వసూలు చేస్తున్న తోట బాలాజీ నాయుడు అలియాస్ అనిల్ కుమార్ అలియాస్ మల్లారెడ్డి (53) అనే నిందితుడిని గోల్కొండ జోన్ కమిషనర్ టాస్క్ ఫోర్స్, ఫిల్మ్‌నగర్ పోలీసులు ఉమ్మడిగా అరెస్ట్ చేశారు.
జెఎన్‌టీయూ కాకినాడ నుంచి గ్రాడ్యుయేషన్ పూర్తి చేసిన బాలాజీ నాయుడు…. మొదట రామగుండం ఎన్‌టీపీసీ (NTPC) లో జూనియర్ ఇంజినీర్‌గా ఉద్యోగంలో చేరాడు. ఆ తర్వాత అసిస్టెంట్ ఎగ్జిక్యూటివ్ ఇంజనీర్‌గా, ఆపై అసిస్టెంట్ ఇంజనీర్‌గా పదోన్నతులు పొందుతూ వచ్చాడు. అయితే 2008లో లంచం తీసుకుంటూ అవినీతి నిరోధక శాఖ (ACB) అధికారులకు చిక్కడంతో ఇతని అసలు స్వరూపం బయటపడింది. ఆ కేసును ఆ తర్వాత సీబీఐ (CBI) కి అప్పగించారు. ఈ ఘటన తర్వాత ఉద్యోగం ఊడటంతో బాలాజీ నాయుడు సులభంగా డబ్బు సంపాదించేందుకు నేరాల బాట పట్టాడు.
ఎమ్మెల్యేలు, అధికారులే టార్గెట్.. మోసం సాగిందిలా!
వివిధ ప్రభుత్వ వెబ్‌సైట్ల నుంచి ప్రజాప్రతినిధులు, ఐఏఎస్, ఐపిఎస్ అధికారులు, పోలీసు ఉన్నతాధికారుల ఫోన్ నంబర్లను బాలాజీ నాయుడు సేకరించేవాడు. ఆ తర్వాత సచివాలయంలోని ఫైనాన్స్ డిపార్ట్‌మెంట్‌లో 'అడిషనల్ సెక్రటరీ'ని అంటూ వారికి ఫోన్ చేసేవాడు. కేంద్ర ప్రభుత్వం ప్రతిష్టాత్మకంగా అమలు చేస్తున్న 'ప్రధానమంత్రి వికసిత్ భారత్ రోజ్‌గార్ యోజన', రాష్ట్ర ప్రభుత్వానికి చెందిన పలు సంక్షేమ కార్యక్రమాలను వారికి వివరించేవాడు.
ఈ పథకాల కింద లబ్ధిదారులకు నిధులు మంజూరు కావాలంటే ముందస్తుగా కొంత మొత్తం విరాళాలు లేదా ప్రాసెసింగ్ ఫీజుల రూపంలో చెల్లించాలని నమ్మబలికేవాడు. ప్రభుత్వ అధికారి చెప్పిన మాటలను నిజమని నమ్మిన పలువురు ప్రజాప్రతినిధులు, అధికారులు ఇతని ఖాతాల్లోకి డబ్బులు జమ చేసి మోసపోయారు.
తెలుగు రాష్ట్రాల్లో 43 కేసులు.. పీడీ యాక్ట్ కూడా!
{{/usCountry}}ఈ పథకాల కింద లబ్ధిదారులకు నిధులు మంజూరు కావాలంటే ముందస్తుగా కొంత మొత్తం విరాళాలు లేదా ప్రాసెసింగ్ ఫీజుల రూపంలో చెల్లించాలని నమ్మబలికేవాడు. ప్రభుత్వ అధికారి చెప్పిన మాటలను నిజమని నమ్మిన పలువురు ప్రజాప్రతినిధులు, అధికారులు ఇతని ఖాతాల్లోకి డబ్బులు జమ చేసి మోసపోయారు.
తెలుగు రాష్ట్రాల్లో 43 కేసులు.. పీడీ యాక్ట్ కూడా!
{{/usCountry}}ఇలాంటి దగాలు చేయడం బాలాజీ నాయుడికి కొత్తేమీ కాదు. తెలంగాణ, ఆంధ్రప్రదేశ్ రాష్ట్రాల్లోని వివిధ పోలీస్ స్టేషన్లలో ఇతనిపై ఏకంగా 43 నేరపూరిత కేసులు నమోదయ్యాయి. 2016లో ఇతని నేర చరిత్రను పరిగణనలోకి తీసుకుని బంజారాహిల్స్ పోలీసులు ఇతనిపై తీవ్రమైన పీడీ యాక్ట్ (PD Act) ను కూడా ప్రయోగించారు. జైలు నుంచి బయటకు వచ్చినా ఇతని వైఖరిలో మార్పు రాకపోగా, మళ్లీ పాత దందాలనే కొనసాగించాడు.
ఇటీవల ఫిల్మ్‌నగర్, మంచిర్యాల పోలీసు స్టేషన్ల పరిధిలో నమోదైన రెండు కేసుల విచారణలో భాగంగా పోలీసులు ఇతడిని అరెస్ట్ చేశారు. అలాగే రామగుండం కమిషనరేట్ పరిధిలోని మంచిర్యాల టౌన్ పోలీస్ స్టేషన్‌లో క్రైమ్ నంబర్ 259/2026 కింద బిఎన్ఎస్ సెక్షన్ 318(4), ఐటీ యాక్ట్ 66(D) ప్రకారం కేసు నమోదు చేసినట్లు పోలీసులు వెల్లడించారు.