2026-27 విద్యా సంవత్సరానికి గాను రాష్ట్రంలోని ప్రభుత్వ, ప్రైవేట్ ఐటీఐ కాలేజీల్లో ప్రవేశాల భర్తీకి ఉపాధి, శిక్షణ శాఖ అధికారిక నోటిఫికేషన్ విడుదల చేసింది. అర్హత, ఆసక్తి గల అభ్యర్థులు ఆన్లైన్ విధానంలో తమ దరఖాస్తులను సమర్పించవచ్చు. రాష్ట్రవ్యాప్తంగా అభ్యర్థులకు అత్యాధునిక సాంకేతిక నైపుణ్యాలను అందించడమే లక్ష్యంగా ఈ ప్రవేశాలు కల్పిస్తున్నారు.
ఎలక్ట్రీషియన్, ఫిట్టర్, మోటార్ మెకానిక్, కంప్యూటర్ ఆపరేటర్ వంటి 47 రకాల విభిన్న ట్రేడ్లలో శిక్షణ ఇస్తారు. మెుత్తం ప్రభుత్వ ఐటీఐలు: 63 ఉన్నాయి. ఏటీసీ (Advanced Training Centres) సెంటర్లు 65, ప్రైవేట్ ఐటీఐ కాలేజీలు 230 ఉన్నాయి.
మెజారిటీ కోర్సులకు పదో తరగతి ఉత్తీర్ణులై ఉండాలి. అయితే కొన్ని ప్రత్యేక కోర్సులకు 8వ తరగతి పాసైన వారు కూడా దరఖాస్తు చేసుకోవడానికి అర్హులు. అభ్యర్థుల కనీస వయస్సు 14 ఏళ్లు నిండి ఉండాలి. కాగా గరిష్ట వయోపరిమితిపై ఎలాంటి నిబంధనలు లేవు. ప్రస్తుత ట్రెండ్కు అనుగుణంగా ప్రవేశపెట్టిన డ్రోన్ కోర్సులో చేరాలనుకునే అభ్యర్థులకు కనీసం 16 ఏళ్లు నిండి ఉండటం తప్పనిసరి.
ఈ ప్రవేశాలకు ఎలాంటి రాత పరీక్ష ఉండదు. అభ్యర్థులకు పదో తరగతిలో వచ్చిన మార్కులు/జీపీఏ (GPA) ఆధారంగా, పూర్తి పారదర్శకంగా మెరిట్ లిస్ట్ రూపొందించి సీట్లను కేటాయిస్తారు. రూల్ ఆఫ్ రిజర్వేషన్ కూడా వర్తిస్తుంది.
- దరఖాస్తు ప్రారంభ తేదీ: మే 25, 2026
- చివరి తేదీ: జూన్ 8, 2026
అధికారిక వెబ్సైట్ iti.telangana.gov.in పోర్టల్ను సందర్శించి ఆన్లైన్లో రిజిస్ట్రేషన్ చేసుకోవాలి. దరఖాస్తు సమయంలో ఆధార్ కార్డ్, మార్క్స్ మెమో, కుల ధృవీకరణ పత్రం (Caste Certificate), ఆదాయ ధృవీకరణ పత్రం, పాస్పోర్ట్ సైజ్ ఫోటోలను సిద్ధంగా ఉంచుకోవాలి.
త్వరగా ఉపాధి అవకాశాలు పొందాలనుకునే వారికి ఐటీఐ ఒక అద్భుతమైన మార్గం. ఆలస్యం లేకుండా గడువు ముగిసేలోపే దరఖాస్తు చేసుకోవాలి.
{{/usCountry}}త్వరగా ఉపాధి అవకాశాలు పొందాలనుకునే వారికి ఐటీఐ ఒక అద్భుతమైన మార్గం. ఆలస్యం లేకుండా గడువు ముగిసేలోపే దరఖాస్తు చేసుకోవాలి.
{{/usCountry}}'ఐటీఐ దరఖాస్తు సమర్పణకు కావలసినవి: మొబైల్ నంబర్, మెయిల్ ఐడీ, ఎస్ఎస్సీ / తత్సమాన మెమో, స్టడీ సర్టిఫికేట్లు, కుల ధృవీకరణ పత్రం, పీహెచ్ మొదలైన వాటి స్కాన్ చేసిన కాపీలు, ఇటీవలి పాస్ ఫోటో, సంతకం.' అని నోటిఫికేషన్లో ప్రభుత్వం పేర్కొంది.
ఎలా అప్లై చేయాలి?
- తెలంగాణ ఐటీఐ అడ్మిషన్స్ పోర్టల్ https://iti.telangana.gov.in/ను సందర్శించండి.
- 'కొత్త రిజిస్ట్రేషన్' పై క్లిక్ చేసి, ప్రాథమిక నమోదును పూర్తి చేయండి.
- లాగిన్ అయి, మీ వ్యక్తిగత, విద్యా వివరాలతో దరఖాస్తు ఫారమ్ను పూరించండి.
- అవసరమైన అన్ని పత్రాలను, మీ ఇటీవలి ఫోటోను అప్లోడ్ చేయండి.
- దరఖాస్తు రుసుము చెల్లించి, మీ దరఖాస్తును సమర్పించండి.