చిత్తూరు జిల్లాలోని కుప్పం నియోజకవర్గంలో రవాణా వ్యవస్థను మరింత బలపరిచే దిశగా మరో అడుగు ముందుకు పడింది. ఇందులో భాగంగా రైలు నెంబర్ 11005 'దాదర్ - పుదుచ్చేరి ఎక్స్ప్రెస్' అదనపు రైల్వే హాల్ట్ను ముఖ్యమంత్రి చంద్రబాబు సోమవారం జెండా ఊపి ప్రారంభించారు. దీంతో కుప్పం నియోజకవర్గ ప్రజల చిరకాల కోరిక నెరవేరింది. ఈ సందర్భంగా రైల్వే స్టేషన్లో నేరుగా ప్రయాణికులతో ముచ్చటించిన ముఖ్యమంత్రి…. వారి సమస్యలను అడిగి తెలుసుకుంటూ పలువురి నుంచి విజ్ఞాపన పత్రాలను స్వీకరించారు.
పెరగనున్న కనెక్టివిటీ…
అనంతరం ఏర్పాటు చేసిన విలేకరుల సమావేశంలో ముఖ్యమంత్రి చంద్రబాబు మాట్లాడుతూ…. కుప్పం పరిధిలో ప్రస్తుతం 59 రైళ్లకు నిలుపుదల (హాల్ట్) ఉందని తెలిపారు. రాబోయే రోజుల్లో ఈ ప్రాంత వాసుల అవసరాలకు అనుగుణంగా మరిన్ని రైళ్లకు హాల్ట్ సౌకర్యం కల్పించేందుకు కేంద్ర రైల్వే శాఖతో సంప్రదింపులు జరుపుతున్నట్లు వెల్లడించారు. కుప్పం వేగంగా ఒక ప్రముఖ ఎకనమిక్ హబ్గా మారుతోందని, రైల్వే హాల్ట్ల సంఖ్య పెరగడం వల్ల వ్యాపారులు, విద్యార్థులు, సాధారణ ప్రయాణికులకు రవాణా కష్టాలు తప్పుతాయని అన్నారు. కుప్పాన్ని ఇతర పొరుగు రాష్ట్రాలు, ముఖ్య ప్రాంతాలతో కనెక్ట్ చేస్తూ రాబోయే రోజుల్లో ఒక అద్భుతమైన పర్యాటక కేంద్రంగా తీర్చిదిద్దుతామని ఆశాభావం వ్యక్తం చేశారు.
ప్రాంతీయ ప్రయాణాలను మరింత సులభతరం చేసేందుకు మౌలిక వసతుల కల్పనపై ప్రత్యేక దృష్టి సారించినట్లు సీఎం వివరించారు. గుడిపల్లి రైల్వే స్టేషన్ సమీపంలో రైల్వే ఓవర్ బ్రిడ్జి (ఆర్వోబీ) నిర్మాణం కోసం భూసేకరణ ప్రక్రియను వేగవంతం చేస్తున్నామని పేర్కొన్నారు. దీనితో పాటు డీకే పల్లి చెరువు వద్ద కూడా మరొక ఆర్వోబీని నిర్మించేందుకు అవసరమైన ప్రతిపాదనలు సిద్ధం చేసి కేంద్రానికి పంపుతున్నట్లు తెలిపారు. అంతేకాకుండా, త్వరలోనే బెంగళూర్-చెన్నై మధ్య 4 వరుసల భారీ రైల్వే లైన్ అందుబాటులోకి రానుందని, ఇది రవాణా రంగంలో పెద్ద మార్పులు తీసుకువస్తుందని విశ్వాసం వ్యక్తం చేశారు.
కుప్పం నుంచి చిత్తూరుకు నేరుగా రైల్వే లైన్ కనెక్టివిటీ కల్పిస్తే, ఈ ప్రాంత వాసులు ఎలాంటి ఇబ్బందులు లేకుండా నేరుగా తిరుపతి పుణ్యక్షేత్రానికి వెళ్లే అవకాశం దక్కుతుందని ముఖ్యమంత్రి వివరించారు. అలాగే, ఈ ప్రాంతం నుంచి వ్యవసాయం, పారిశ్రామిక ఉత్పత్తుల ఎగుమతికి రైల్ కార్గో ద్వారా అపార అవకాశాలు ఉన్నాయని ఆయన చెప్పారు. పొగురుపల్లి సమీపంలో ప్రతిపాదించిన డ్రై పోర్టుకు నేరుగా రైల్వే లైన్ కనెక్ట్ చేసి, కార్గో రవాణా వ్యవస్థను గణనీయంగా మెరుగుపరుస్తామని సీఎం హామీ ఇచ్చారు. భవిష్యత్లో ఐటీ, వాణిజ్య అవసరాలను దృష్టిలో ఉంచుకుని బెంగళూర్ నుంచి ఏపీ రాజధాని అమరావతికి వందే భారత్ రైళ్లను నడిపించేలా పూర్తిస్థాయిలో కృషి చేస్తామని తెలిపారు.
{{/usCountry}}కుప్పం నుంచి చిత్తూరుకు నేరుగా రైల్వే లైన్ కనెక్టివిటీ కల్పిస్తే, ఈ ప్రాంత వాసులు ఎలాంటి ఇబ్బందులు లేకుండా నేరుగా తిరుపతి పుణ్యక్షేత్రానికి వెళ్లే అవకాశం దక్కుతుందని ముఖ్యమంత్రి వివరించారు. అలాగే, ఈ ప్రాంతం నుంచి వ్యవసాయం, పారిశ్రామిక ఉత్పత్తుల ఎగుమతికి రైల్ కార్గో ద్వారా అపార అవకాశాలు ఉన్నాయని ఆయన చెప్పారు. పొగురుపల్లి సమీపంలో ప్రతిపాదించిన డ్రై పోర్టుకు నేరుగా రైల్వే లైన్ కనెక్ట్ చేసి, కార్గో రవాణా వ్యవస్థను గణనీయంగా మెరుగుపరుస్తామని సీఎం హామీ ఇచ్చారు. భవిష్యత్లో ఐటీ, వాణిజ్య అవసరాలను దృష్టిలో ఉంచుకుని బెంగళూర్ నుంచి ఏపీ రాజధాని అమరావతికి వందే భారత్ రైళ్లను నడిపించేలా పూర్తిస్థాయిలో కృషి చేస్తామని తెలిపారు.
{{/usCountry}}