Allu Arjun Kerala Fans Celebrates Happy Re Release 4K: తెలుగు రాష్ట్రాల్లో మన స్టార్ హీరోలకు ఎలాంటి ఫ్యాన్ బేస్ ఉంటుందో అందరికీ తెలిసిందే. కానీ, సరిహద్దులు దాటి పక్క రాష్ట్రంలో కూడా ఒక సొంత ఊరి హీరోలా ఆరాధించే క్రేజ్ ఒక్క ఐకాన్ స్టార్ అల్లు అర్జున్కు మాత్రమే సొంతం అయింది.
కేరళ బాక్సాఫీస్ను షేక్ చేసిన
కేరళ జనాలు ఆయన్ను ప్రేమగా 'మల్లు అర్జున్' (Mallu Arjun) అని పిలుచుకుంటారు. ఇటీవల విడుదలైన 'పుష్ప 2' చిత్రంతో కేరళ బాక్సాఫీస్ను షేక్ చేసిన ఐకాన్ స్టార్ బన్నీ ఇప్పుడు తన పాత సినిమాతో అక్కడ మరోసారి సంచలనం సృష్టిస్తున్నారు.
థియేటర్లలో కేరళ ఫ్యాన్స్ జాతర
దశాబ్దాల నాటి తన సూపర్ హిట్ చిత్రం 'హ్యాపీ' (2006) 4K రీ-రిలీజ్తో కేరళ థియేటర్లు ప్రస్తుతం హౌస్ఫుల్ బోర్డులతో కళకళలాడుతున్నాయి. చాలా కాలం తర్వాత థియేటర్లలోకి వచ్చిన 'హ్యాపీ' సినిమాకు కేరళ ప్రేక్షకులు బ్రహ్మరథం పడుతున్నారు.
థియేటర్లలో సినిమా స్క్రీన్పై అల్లు అర్జున్ ఎంట్రీ ఇస్తుంటే ఫ్యాన్స్ కాగితాలు చల్లుతూ, కేకలు వేస్తూ గోల చేస్తున్నారు. సినిమాలోని సూపర్ హిట్ పాటలు, బన్నీ వేసిన అదిరిపోయే స్టెప్పులకు థియేటర్లలో ప్రేక్షకులు సీట్లలో కూర్చోకుండా స్క్రీన్ ముందుకు వచ్చి డ్యాన్స్లు వేస్తున్నారు.
కేరళ ఫ్యాన్స్ రచ్చ
ఓస్సారే అనే పాటకు స్క్రీన్ స్టేజీ ఎక్కి మరి పాట పాడుతూ, డ్యాన్స్ చేస్తూ అల్లు అర్జున్ కేరళ ఫ్యాన్స్ రచ్చ చేశారు. దీనికి సంబంధించిన వీడియోలు ప్రస్తుతం సోషల్ మీడియాలో విపరీతంగా ట్రెండ్ అవుతున్నాయి. అవి చూస్తుంటే థియేటర్ కాదు మ్యూజిక్ కాన్సర్ట్ను తలపిస్తున్నాయని క్యాప్షన్, కామెంట్స్ పెడుతున్నారు.
మాలీవుడ్ సూపర్ స్టార్ మోహన్ లాల్ నటించిన 'ఛోటా ముంబై' సినిమా రీ-రిలీజ్ అయినప్పుడు కేరళలో ఎలాంటి పండగ వాతావరణం కనిపించిందో, ఇప్పుడు మన తెలుగు హీరో సినిమాకు కూడా అదే స్థాయి రెస్పాన్స్ రావడం విశేషం. హ్యాపీ రీ రిలీజ్ సినిమా చూసి బయటకు వస్తున్న ఫ్యాన్స్ "బన్నీ కీ జై" అంటూ స్లోగన్స్ ఇస్తూ సందడి చేస్తున్నారు.
'ఆర్య'తో మొదలైన మల్లు అర్జున్ ప్రయాణం
{{/usCountry}}మాలీవుడ్ సూపర్ స్టార్ మోహన్ లాల్ నటించిన 'ఛోటా ముంబై' సినిమా రీ-రిలీజ్ అయినప్పుడు కేరళలో ఎలాంటి పండగ వాతావరణం కనిపించిందో, ఇప్పుడు మన తెలుగు హీరో సినిమాకు కూడా అదే స్థాయి రెస్పాన్స్ రావడం విశేషం. హ్యాపీ రీ రిలీజ్ సినిమా చూసి బయటకు వస్తున్న ఫ్యాన్స్ "బన్నీ కీ జై" అంటూ స్లోగన్స్ ఇస్తూ సందడి చేస్తున్నారు.
'ఆర్య'తో మొదలైన మల్లు అర్జున్ ప్రయాణం
{{/usCountry}}నిజానికి అల్లు అర్జున్ నటించిన మొదటి సినిమా 'గంగోత్రి' కేరళలో 'సింహకుట్టి' పేరుతో విడుదలైంది. అయితే, అక్కడ బన్నీకి విపరీతమైన స్టార్డమ్ తెచ్చిపెట్టిన చిత్రం మాత్రం 'ఆర్య'. ఆ సినిమాతో కేరళ యువతకు అల్లు అర్జున్ డ్యాన్స్లు, స్టైల్స్ పిచ్చిపిచ్చిగా నచ్చేశాయి.
ఆ తర్వాత వచ్చిన హ్యాపీ, బన్నీ (కేరళలో కృష్ణ), దేశముదురు (హీరో), ఆర్య 2 చిత్రాలు అక్కడ భారీ వసూళ్లను సాధించాయి. ఇతర భాషల చిత్రాలకు కేరళలో పర్ఫెక్ట్ డబ్బింగ్ క్వాలిటీతో థియేట్రికల్ మార్కెట్ ఓపెన్ చేసింది కచ్చితంగా అల్లు అర్జున్ సినిమాలేనని చెప్పాలి.
అప్పట్లోనే 150 రోజుల రికార్డు!
ప్రేమకథా చిత్రాల దర్శకుడు ఎ. కరుణాకరణ్ తెరకెక్కించిన 'హ్యాపీ' సినిమాలో అల్లు అర్జున్ 'బన్నీ భాస్కర్' అనే పిజ్జా డెలివరీ బాయ్ పాత్రలో సరదాగా నవ్వించారు. జెనీలియా దేశ్ముఖ్ హీరోయిన్గా నటించిన ఈ చిత్రంలో బాలీవుడ్ నటుడు మనోజ్ బాజ్పాయ్ పోలీస్ ఆఫీసర్గా కీలక పాత్ర పోషించారు.
20 ఏళ్ల తర్వాత
హ్యాపీ సినిమా 2006లో మొదటిసారి కేరళలో విడుదలైనప్పుడు ఏకంగా 150 రోజులు ఆడి అప్పట్లో సరికొత్త రికార్డు సృష్టించింది. ఇప్పుడు 20 ఏళ్ల తర్వాత మళ్లీ అదే క్రేజ్తో ఈ చిత్రం అక్కడ ప్రదర్శితం అవుతుండటం బన్నీకి ఉన్న తిరుగులేని ఇమేజ్కు నిదర్శనం అని చెప్పుకోవచ్చు.