E-Paper
అల్లు అర్జున్తో కలిసి షెడ్డులో డ్యాన్స్ ప్రాక్టీస్ చేశాను, బన్నీ ఆ సలహా ఇచ్చినా నేను వినలేదు: హీరో, డైరెక్టర్ అనీష్
హీరోగా, డైరెక్టర్గా ఒకేసారి పరిచయం అవుతున్నారు అనీష్. ఆయన స్వీయ దర్శకత్వంలో తెరకెక్కిన లేటెస్ట్ మూవీ లవ్ ఓటీపీ. విజయ్ ఎం రెడ్డి నిర్మించిన లవ్ ఓటీపీ ట్రైలర్ను బుధవారం రిలీజ్ చేశారు. ఈ సందర్భంగా నిర్వహించిన లవ్ ఓటీపీ ట్రైలర్ లాంచ్లో అల్లు అర్జున్ ఇచ్చిన సలహా గురించి హీరో అనీష్ చెప్పుకొచ్చాడు.
టాలీవుడ్ సినీ ఇండస్ట్రీలోకి హీరోగా, దర్శకుడిగా ఒకేసారి పరిచయం అవుతున్నారు అనీష్. హీరోగా చేస్తూ డైరెక్టర్గా అనీష్ తెరకెక్కించిన రొమాంటిక్ సినిమా లవ్ ఓటీపీ. ఈ సినిమాలో హీరోయిన్గా జాన్విక చేస్తుంది. నటుడు రాజీవ్ కనకాల, నాట్య రంగ, బాబా భాస్కర్ ఇతర కీలక పాత్రలు పోషించారు.
లవ్ ఓటీపీ రిలీజ్ డేట్
శ్రీమతి పుష్ప మణిరెడ్డి సమర్పణలో భావప్రీత ప్రొడక్షన్స్ బ్యానర్పై విజయ్ ఎం రెడ్డి లవ్ ఓటీపీ సినిమాను నిర్మించారు. లవ్ ఓటీపీ మూవీ నవంబర్ 14న థియేటర్లలో విడుదల కానుంది.
హీరో అనీష్ కామెంట్స్
ఈ నేపథ్యంలో బుధవారం (అక్టోబర్ 22) లవ్ ఓటీపీ ట్రైలర్ రిలీజ్ చేశారు. ఈ సందర్భంగా నిర్వహించిన లవ్ ఓటీపీ ట్రైలర్ లాంచ్ ఈవెంట్లో హీరోగా, డైరెక్టర్ అనీష్ ఇంట్రెస్టింగ్ విషయాలు చెప్పారు.
వైజాగ్ మూర్తి వద్ద యాక్టింగ్
హీరో, దర్శకుడు అనీష్ మాట్లాడుతూ .. "హీరో అవ్వాలని చిన్నప్పటి నుంచి కలలు కంటుండేవాడిని. అదే విషయాన్ని మా నాన్న గారికి చెప్పాను. ఆయన సాయంతో ఎన్నెన్నో ప్రయత్నాలు చేశాను. వైజాగ్ మూర్తి వద్ద యాక్టింగ్ నేర్చుకున్నాను" అని అన్నారు.
అల్లు అర్జున్తో డ్యాన్స్ ప్రాక్టీస్
"అల్లు అర్జున్ తో కలిసి షెడ్డులో డ్యాన్స్ ప్రాక్టీస్ చేశాను. ‘నెలవంక’ మూవీ ఓపెనింగ్స్కి బన్నీ కూడా గెస్టుగా వచ్చారు. అయితే ప్రొడక్షన్లోకి వద్దు అని బన్నీ సలహా ఇచ్చినా నేను వినలేదు. ఆ మూవీ తరువాత నేను కన్నడకు వెళ్లిపోయాను. గౌతమ్ తిన్ననూరి కూడా మంచి స్నేహితుడు. ‘మళ్లీ రావా’ కూడా మిస్ అయింది" అని అనీష్ తెలిపారు.
ఇన్నేళ్లకు హీరోగా, దర్శకుడిగా
"ఎప్పటి నుంచో మళ్లీ తెలుగులోకి రావాలని చాలా ప్రయత్నాలు చేసి విఫలం అయ్యాను. మళ్లీ ఇప్పుడు ఇలా ఇన్నేళ్లకు టెక్నీషియన్గా, దర్శకుడిగా, హీరోగా ఆడియెన్స్ ముందుకు వచ్చాను. ఇందులో మంచి కంటెంట్ ఉంటుంది. ఈ రోజు అదే మా ఈవెంట్కు గెస్ట్" అని అనీష్ పేర్కొన్నారు.
10 రోజుల ముందే చూపించాలని
"మేం కంటెంట్ను నమ్మి ఈ లవ్ ఓటీపీ మూవీని చేశాం. అందుకే పది రోజుల ముందే మీడియాకు ఈ మూవీని చూపించాలని అనుకున్నాం. విజయ్ సహకారాన్ని నేను ఎప్పటికీ మర్చిపోలేను. రాజీవ్ కనకాల గారు ఈ మూవీని భుజానికెత్తుకుని ముందుకు తీసుకు వెళ్తున్నారు. నవంబర్ 14న ఈ చిత్రం రాబోతోంది. అందరినీ ఆకట్టుకునేలా ఈ చిత్రం ఉంటుంది. అందరూ చూసి సపోర్ట్ చేస్తారని ఆశిస్తున్నాను" అని అనీష్ తన స్పీచ్ ముగించారు.
తెలుగులో మొదటి చిత్రం
నటుడు నాట్య రంగ మాట్లాడుతూ .. "నాకు ‘లవ్ ఓటీపీ’ తెలుగులో మొదటి చిత్రం. నాకు అవకాశం ఇచ్చిన విజయ్, అనీష్ గారికి థాంక్స్. రాజీవ్ కనకాల వంటి సీనియర్లతో నటించడం ఆనందంగా ఉంది. ఈ మూవీలో మంచి మ్యూజిక్, విజువల్స్ ఉంటాయి. నవంబర్ 14న మేం ఆడియెన్స్ ముందుకు రాబోతున్నాం" అని తెలిపారు.
