Hostel Haadsa OTT Streaming Trailer Released: ఓటీటీ ప్రియులను భయపెడుతూనే ఆకట్టుకోవడానికి మరో సస్పెన్స్ హారర్ థ్రిల్లర్ సిద్ధమైంది. సచిన్ గోటాడ్ దర్శకత్వంలో తెరకెక్కిన ఓటీటీ సిరీస్ 'హాస్టల్ హాద్సా' (Hostel Haadsa) అధికారిక ట్రైలర్‌ను తాజాగా ఇవాళ విడుదల చేశారు.
కాలేజీ అమ్మాయిల చుట్టూ
కాలేజీ అమ్మాయిల జీవితాలు, వారి హాస్టల్ భయానక గతం చుట్టూ తిరిగే ఈ హారర్ థ్రిల్లర్ వెబ్ సిరీస్ వీక్షకులకు కొత్త అనుభూతిని అందించేందుకు ఓటీటీలోకి వచ్చేయనుంది.
కథా నేపథ్యం ఇదే..
ఉన్నత చదువుల కోసం కొత్తగా కాలేజీలో చేరిన కొందరు యువతులు ఒక హాస్టల్‌లో దిగుతారు. మొదట్లో సాధారణంగానే కనిపించే ఆ భవనంలో రోజులు గడిచేకొద్దీ ఊహించని సంఘటనలు ఎదురవుతాయి. ఆ భవనం వెనుక ఉన్న భయంకరమైన గతం, దాగి ఉన్న రహస్యాలు ఒక్కొక్కటిగా బయటకు రావడం మొదలవుతాయి. ఈ క్రమంలోనే ఒక విద్యార్థినీలు అనుమానాస్పద రీతిలో అదృశ్యమవుతుంటారు.
గుర్రంపై తల లేని మొండెం
అయితే, ప్రతి రాత్రి హాస్టల్ అమ్మాయిలను చీకట్లో గుర్రంపై వచ్చే తల లేని మొండెం ఎత్తుకెళ్తుంటుంది. అమ్మాయిలను తాడుతో కట్టి లాక్కెళ్తుంటుంది ఆ వింత ఆకారం. ఈ క్రమంలోనే ఇదంతా బూటకం అని మరికొంతమంది యువతులు వాదిస్తుంటారు. ఓ యువతి దెయ్యాలు భూతాలు లేవని, ఇన్‌స్టాగ్రామ్ లైవ్ వీడియోతో నిరూపించాలను కూడా చూస్తుంది.
అమ్మాయిలు బయటపడ్డారా
ఆ తర్వాత ఏం జరిగింది అక్కడ చిక్కుకున్న అమ్మాయిలు ఆ గండం నుంచి ఎలా బయటపడ్డారు, ఆ భవనం వెనుక ఉన్న భయంకరమైన నిజాన్ని ఎలా బయటకు తీశారు అనేదే మిగతా కథ. ట్రైలర్ చూస్తుంటే హారర్ అంశాలతో పాటు మైండ్ గేమ్‌లు, ఉత్కంఠ రేపే సస్పెన్స్ సన్నివేశాలు పుష్కలంగా ఉన్నట్లు అర్థమవుతోంది.
దుష్టశక్తులు ఉన్నాయా?
హాస్టల్‌లో నిజంగానే దుష్టశక్తులు ఉన్నాయా లేక విద్యార్థినుల మానసిక భ్రమే ఈ సంఘటనలకు కారణమా అనే అంశాన్ని దర్శకుడు ఉత్కంఠభరితంగా తెరకెక్కించారు. అదంతా దెయ్యాల పనా.. లేకా మానసిక భ్రమనా అనేది సస్పెన్స్గా చూపించారు.
{{/usCountry}}హాస్టల్‌లో నిజంగానే దుష్టశక్తులు ఉన్నాయా లేక విద్యార్థినుల మానసిక భ్రమే ఈ సంఘటనలకు కారణమా అనే అంశాన్ని దర్శకుడు ఉత్కంఠభరితంగా తెరకెక్కించారు. అదంతా దెయ్యాల పనా.. లేకా మానసిక భ్రమనా అనేది సస్పెన్స్గా చూపించారు.
{{/usCountry}}జీ5 ఓటీటీలో హాస్టల్ హాద్సా
ఇకపోతే ఈ ఓటీటీ సిరీస్‌లో రచనా మిస్త్రీ, సుష్మా కోల్హే, పూర్ణిమా డే, ప్రాజక్తా అవినాష్ వాడయే ప్రధాన పాత్రల్లో నటించారు. ట్రైలర్‌తో పాటు హాస్టల్ హాద్సా ఓటీటీ రిలీజ్ డేట్‌ను కూడా ప్రకటించారు. ప్రముఖ డిజిటల్ ప్లాట్‌ఫామ్‌లో జీ5లో హాస్టల్ హాద్సా ఓటీటీ స్ట్రీమింగ్ కానుంది.
ఫ్రీగానే ఓటీటీ స్ట్రీమింగ్
జీ5 తీసుకొచ్చిన ప్రత్యేక ఆఫర్ 'ఫ్రీ 5 ఆన్ జీ5' (Free 5 on ZEE5) లో భాగంగా ఈ హాస్టల్ హాద్సా సిరీస్ అక్టోబర్ 28 నుంచి ప్రేక్షకుల ముందుకు రానుంది. అంటే, ఎలాంటి సబ్‌స్క్రిప్షన్ రుసుము లేకుండా ఉచితంగానే ఈ సిరీస్‌ను ఓటీటీలో వీక్షించవచ్చు. హారర్, సస్పెన్స్ జోనర్లను ఇష్టపడే ఓటీటీ ప్రియులకు ఇది మంచి వినోదాన్ని అందిస్తుందని చిత్ర బృందం ధీమా వ్యక్తం చేస్తోంది.