Irumudi OTT: ఫ్యామిలీలను థియేటర్లకు రప్పించిన మూవీ.. ఇవాళ ఓటీటీలోకి.. ఇరుముడిని ఎందుకు మిస్ అవకూడదంటే?

Irumudi OTT: ఓటీటీ లవర్స్, ఫ్యామిలీ ఆడియన్స్ ఎప్పుడెప్పుడా అని వెయిట్ చేస్తున్న రోజు రానే వచ్చింది. థియేటర్లలో బ్లాక్ బస్టర్ హిట్ గా నిలిచిన ఇరుముడి ఇవాళ ఓటీటీలో రిలీజైంది. మరి ఈ సినిమాను ఓటీటీలో ఎందుకు మిస్ కాకూడదో ఇక్కడ చూసేయండి.

Irumudi OTT: ఒక సినిమా.. కుటుంబాలను కదిలించింది. ఒక సినిమా.. షోలు వేయాలని ధర్నాలు చేసేలా చేసింది. ఒక సినిమా.. చిన్నాపెద్దా తేడా లేకుండా అందరినీ అలరించింది. అదే.. ఇరుముడి సినిమా. బ్లాక్ బస్టర్ గా నిలిచిన ఈ మూవీ ఇవాళ (సెప్టెంబర్ 18) నుంచి ఓటీటీలో స్ట్రీమింగ్ అవుతోంది.

ఇరుముడి ఓటీటీ

ఫ్యామిలీలను థియేటర్లకు రప్పించిన మూవీ.. ఇవాళ ఓటీటీలోకి.. ఇరుముడిని ఎందుకు మిస్ అవకూడదంటే? (x/raviteja)

రవితేజ హీరోగా వచ్చిన ఇరుముడి మూవీ అంచనాలను మించి అదరగొట్టింది. బాక్సాఫీస్ ను షేక్ చేస్తూ ఏకంగా రూ.230 కోట్లకు పైగా వసూళ్లను ఖాతాలో వేసుకుంది. ఈ ఫ్యామిలీ సస్పెన్స్ థ్రిల్లర్ జనాలకు తెగ నచ్చేసింది. ఈ రోజు నుంచి పాపులర్ ఓటీటీ ప్లాట్ ఫామ్ నెట్‌ఫ్లిక్స్‌లో తెలుగుతో సహా అయిదు భాషల్లో రిలీజైంది.

తండ్రీకూతురు ఎమోషన్

ఇరుముడి మూవీని ఓటీటీలో ఎందుకు చూడాలంటే.. ముందుగా తండ్రీకూతురు ఎమోషన్ గురించి చెప్పుకోవాలి. ఇందులో రవితేజ, అతని కూతురిగా నటించిన బేబీ నక్షత్ర మధ్య బాండింగ్ వేరే లెవల్. ఏది చూసినా, ఏం జరిగినా తండ్రికి చెప్పాలంటూ తన కూతురును ధైర్యంగా పెంచుతాడు హీరో. ఇప్పుడు ఆడపిల్లలను అలాగే పెంచాలని చాటే మూవీ ఇది.

వేరే లెవల్ యాక్టింగ్

ఇక ఇరుముడి సినిమాలోని నటీనటుల యాక్టింగ్ గురించి ప్రత్యేకంగా చెప్పుకోవాలి. రవితేజ, బేబీ నక్షత్ర, సాయి కుమార్, స్వాసిక ఇలా అందరూ తమ నటనతో సినిమాను మరో లెవల్ కు తీసుకెళ్లారు.

జీవీ ప్రకాష్ మ్యూజిక్

ఇరుముడి మూవీ కేవలం డివోషనల్ లేదా ఎమోషనల్ సినిమా మాత్రమే కాదు ఇందులో సస్పెన్స్ కూడా ఉంది. నాగులును ఎవరు చంపారు? స్కూల్ టీచర్ ఇంట్లో ఏం జరుగుతుంది? మణికంఠ చావు వెనుకాల ఎవరు ఉన్నారన్నది ఉత్కంఠ రేపుతుంది. లాస్ట్ లో వచ్చే ట్విస్ట్ తో ఆడియన్స్ మైండ్ బ్లాక్ అవడం ఖాయం.

ఫ్యామిలీ వాచ్

ఇరుముడి మూవీ కుటుంబాలకు కనెక్ట్ కావడం మరో గొప్ప విషయం. ఈ సినిమా కోసం ఫ్యామిలీలు థియేటర్లకు పోటెత్తాయి. ఇప్పుడు ఓటీటీలోనూ కుటుంబం అంతా కూర్చుని ఎంజాయ్ చేసే సినిమాగా ఇరుముడి నిలిచింది. ఈ వీకెండ్ లో మంచి సినిమా చూడాలనుకునే ఫ్యామిలీ ఆడియన్స్ కు ఇరుముడి పర్ఫెక్ట్ వాచ్.