Nisar Wayanad Death Before Show In Dubai: సంగీత ప్రియులను తన స్వరంతో అలరించేందుకు వేదికపైకి ఎక్కాల్సిన కొన్ని గంటల ముందే ఆ గొంతు మూగబోయింది. మలయాళ నేపథ్య గాయకుడు, గల్ఫ్ దేశాల్లో ఎన్నో మ్యూజిక్ షోలతో తనకంటూ ప్రత్యేక గుర్తింపు తెచ్చుకున్న నిసార్ వయనాడ్ (44) శనివారం (సెప్టెంబర్ 5) సాయంత్రం దుబాయ్లో కన్నుమూశారు.
గల్ఫ్ వర్గాల్లో తీవ్ర విషాదం
ఉపాధి కోసం, వ్యాపారాల కోసం విదేశాల్లో ఉండే వేలాది మంది భారతీయులకు తన పాటలతో సాంత్వన అందించిన ఒక మంచి కళాకారుడిని కోల్పోవడంతో గల్ఫ్ వర్గాల్లో తీవ్ర విషాదం అలముకుంది.
తీవ్ర జ్వరంతో ఆసుపత్రిలో చేరిక
శనివారం మధ్యాహ్నం నిసార్ వయనాడ్ తీవ్రమైన జ్వరంతో బాధపడటంతో సహచరులు ఆయనను వెంటనే దుబాయ్లోని ఒక ఆసుపత్రికి తరలించారు. అక్కడ చికిత్స పొందుతూ పరిస్థితి విషమించడంతో ఆయన మరణించారు. శరీరంలో కెమికల్ ఇన్బ్యాలన్స్ దెబ్బతిని 'యాసిడోసిస్' (Acidosis) తలెత్తడమే ఆయన మరణానికి ప్రధాన కారణమని వైద్య నివేదికలు స్పష్టం చేశాయి.
సంగీత కార్యక్రమానికి గంటల ముందే దుర్ఘటన
నిజానికి, శనివారం రాత్రి అజ్మాన్లో జరగాల్సిన ఒక భారీ సంగీత కార్యక్రమంలో నిసార్ వయనాడ్ ప్రధాన ఆకర్షణగా పాల్గొనాల్సి ఉంది. ఈ షో ప్రారంభానికి కొన్ని గంటల ముందే ఈ దుర్ఘటన జరగడంతో నిర్వాహకులు, అభిమానులు దిగ్భ్రాంతికి గురయ్యారు.
'ఉదిత్ నారాయణ్' స్వరం.. సొంత పేరు 'నిస్సార్ ఆరోత్'
కేరళలోని వయనాడ్ జిల్లాకు చెందిన నిస్సార్ ఆరోత్ ఇబ్రహీం, తన ప్రాంతం మీద ఉన్న అభిమానంతో 'నిసార్ వయనాడ్'గా వేదికలపై పేరు మార్చుకున్నారు. ప్రముఖ బాలీవుడ్ సింగర్ ఉదిత్ నారాయణ్ గొంతును అచ్చుగుద్దినట్లు అనుకరిస్తూ పాడుతుండటంతో ఆయనను అందరూ అభిమానంగా 'జూనియర్ ఉదిత్ నారాయణ్' అని పిలుచుకునేవారు.
బాలీవుడ్ హిట్ పాటలతో పాటు
కేవలం మలయాళ సాంప్రదాయ 'మాప్పిళపాట్టు' జానపద గేయాలే కాకుండా, బాలీవుడ్ హిట్ పాటలతో యూఏఈలోని మలయాళీ, భారతీయ సమాజంలో నిసార్ వయనాడ్ చెరగని ముద్ర వేశారు. అలాగే, 'జూనియర్ ఉదిత్ నారాయణ్'గా గుర్తింపు పొందారు.
ఇరవై ఏళ్ల కల నెరవేరిన వేళ!
{{/usCountry}}కేవలం మలయాళ సాంప్రదాయ 'మాప్పిళపాట్టు' జానపద గేయాలే కాకుండా, బాలీవుడ్ హిట్ పాటలతో యూఏఈలోని మలయాళీ, భారతీయ సమాజంలో నిసార్ వయనాడ్ చెరగని ముద్ర వేశారు. అలాగే, 'జూనియర్ ఉదిత్ నారాయణ్'గా గుర్తింపు పొందారు.
ఇరవై ఏళ్ల కల నెరవేరిన వేళ!
{{/usCountry}}నిసార్కు బాలీవుడ్ సింగర్ ఉదిత్ నారాయణ్ అంటే విపరీతమైన అభిమానం. దాదాపు ఇరవై ఏళ్ల పాటు వేచి చూసిన తర్వాత, తన ఆరాధ్య గాయకుడిని నేరుగా కలసి ఆలింగనం చేసుకున్న క్షణాలను గతంలో ఆయన సోషల్ మీడియాలో ఎంతో భావోద్వేగంగా పంచుకున్నారు.
20 ఏల్ల కల నెరవేరింది
"20 ఏళ్ల నా కల ఈరోజు నెరవేరింది" అంటూ ఆ జ్ఞాపకాన్ని పదిలపరుచుకున్నారు. స్టేజ్ షోలతో పాటుగా నిసార్ కన్నడ చిత్ర పరిశ్రమలో కూడా ఒక పాట పాడారు. మలయాళ చిత్రం 'ప్రొఫెసర్ డింకన్'తోనూ ఆయనకు అనుబంధం ఉంది.
నిసార్కు భార్య, ఇద్దరు కుమార్తెలు
నిసార్ వయనాడ్ ఆకస్మిక మరణం పట్ల మలయాళ సినీ ప్రముఖులు, ప్రముఖ గాయకుడు అఫ్సల్ తదితరులు తీవ్ర విచారాన్ని వ్యక్తం చేస్తూ నివాళులర్పించారు. నిసార్కు భార్య, ఇద్దరు కుమార్తెలు ఉన్నారు.