Niharika Konidela: మా సంస్థలో పని చేసిన ప్రతీ ఒక్కరికి సొంతిల్లు, కారు ఉండాలి-ఫ్యామిలీతో ఎందుకంటున్నారు: నిహారిక కొణిదెల

Niharika Konidela Speech In Raakaasa Pre Release Event: మెగా డాటర్ నిహారిక కొణిదెల నిర్మించిన తాజా సినిమా రాకాస. సంగీత్ శోభన్ హీరోగా చేసిన ఈ సినిమా ఏప్రిల్ 3న రిలీజ్ కానుంది. ఈ నేపథ్యంలో నిన్న నిర్వహించిన రాకాస ప్రీ రిలీజ్ ఈవెంట్‌లో నిహారిక కొణిదెల స్పీచ్ ఇంట్రెస్టింగ్‌గా మారింది.

మెగా డాటర్ నిహారిక కొణిదెల నిర్మాతగా తెరకెక్కిన లేటెస్ట్ మూవీ రాకాస. సంగీత్ శోభన్ సోలో హీరోగా, నయన్ సారిక హీరోయిన్‌గా చేస్తున్న ఈ సినిమాకు మానస శర్మ దర్శకత్వం వహించారు. ఏప్రిల్ 3న రాకాస విడుదల కానుంది. ఈ నేపథ్యంలో మార్చి 31న సోమవారం రాకాస ప్రీ రిలీజ్ ఈవెంట్ నిర్వహించారు. ఈ కార్యక్రమంలో నిహారిక కొణిదెల ఇంట్రెస్టింగ్ కామెంట్స్ చేశారు.

మ్యాడ్ హౌస్ అనే సిరీస్ చేశాం

మా సంస్థలో పని చేసిన ప్రతీ ఒక్కరికి సొంతిల్లు, కారు ఉండాలి-ఫ్యామిలీతో ఎందుకంటున్నారు: నిహారిక కొణిదెల

నిహారిక కొణిదెల మాట్లాడుతూ .. "జీ స్టూడియోతో, దివ్య గారితో కలిసి పని చేయడం ఆనందంగా ఉంది. యూట్యూబ్‌లో ‘మ్యాడ్ హౌస్’ అని ఓ సిరీస్ చేశాం. ఆ టైంలో మానస గారి డైలాగ్స్ మొదటగా విన్నాను. ఆ తరువాత మానస గారిని చూశాను. ఆమె తక్కువ మాట్లాడుతుంది. కానీ చాలా ఆలోచిస్తుంటుంది. 24 గంటలు సినిమా గురించి, కథ గురించే ఆలోచిస్తుంటుంది. మానస ఇంకా ఇంకా చాలా ఎత్తుకు వెళ్తుంది. మానస గారు, మహేష్ గారు, యదు వంశీ గారి వంటి వారిని ఇంట్రడ్యూస్ చేయడం నాకు గర్వంగా అనిపిస్తుంది" అని అన్నారు.

11, 15 మంది కొత్తవాళ్లతో ఎందుకున్నారు

"‘కమిటీ కుర్రోళ్లు’ చేస్తున్నప్పుడు 11, 15 మంది కొత్త వాళ్లతో చేయడం ఎందుకు అన్నారు?.. ‘రాకాస’ టైంలో ఇలాంటివి ఎందుకు ‘కమిటీ కుర్రోళ్లు’ లాంటి సినిమాలు చేసుకోవచ్చు కదా అని అన్నారు.. ‘బరి’ చేస్తుంటే.. ఫ్యామిలీ మెంబర్స్‌తో ఎందుకు? అని అంటున్నారు.. ఇలా అనే వాళ్లు అంటూనే ఉంటారు.. నాకు నచ్చింది నేను చేస్తూనే ఉంటాను. నేను నా ప్రతీ సినిమాతో కొత్త విషయాల్ని నేర్చుకుంటూనే ఉంటాను" అని నిహారిక కొణిదెల తెలిపారు.

రెండు సమానమే

"విజయ్ మాస్టర్ గారిని సెట్‌లో చూస్తే మా నాన్న గారిని చూసినట్టే అనిపిస్తుంది. అన్వర్ అలీ గారు కేవలం ఎడిటర్‌గా కాకుండా అన్ని బాధ్యతల్ని చూసుకుంటారు. నాన్న గారి వల్ల నాకెంతో మంది పరిచయమయ్యారు. అందులో గెటప్ శ్రీను ఒకరు. ఆయన నన్నెంతో జాగ్రత్తగా చూసుకుంటారు. నయన్‌లో ఓ ప్రత్యేకత ఉంది. ఆమె చాలా మంచి వ్యక్తి" అని నిహారిక కొణిదెల చెప్పుకొచ్చారు.

ప్రతీ ఒక్కరికీ సొంతిల్లు ఉండాలి

"సంగీత్ షైనింగ్ స్టార్. ‘రాకాస’ చిత్ర విజయంలో సంగీత్‌కి సింహభాగం దక్కుతుంది. మేం నిజాయితీతో వంద శాతం కష్టపడి ఓ మంచి సినిమాని చేశాం. మా పింక్ ఎలిఫెంట్‌ సంస్థలో పని చేసిన ప్రతీ ఒక్కరికి సొంతిల్లు, కారు ఉండాలి. ఫ్యామిలీతో ట్రిప్స్‌కి వెళ్తుండాలి. అదే నా లక్ష్యం. ఏప్రిల్ 3న రాబోతోన్న ‘రాకాస’ ఆద్యంతం వినోదభరితంగా ఉంటుంది" అని నిహారిక కొణిదెల తన స్పీచ్ ముగించారు.