Anjali Anand On Body Shaming Typecast: సినిమా పరిశ్రమలో ప్రతిభ కంటే బాహ్య సౌందర్యానికే ఎక్కువ ప్రాధాన్యమిస్తారనే విమర్శ ఎప్పటి నుంచో ఉంది. సాధారణంగా కాస్త లావుగా ఉండే నటీమణులను కేవలం కామెడీ పాత్రలకో, లేదంటే బాడీ షేమింగ్ జోకులతో అవమానించే పాత్రలకో పరిమితం చేస్తుంటారు.
బాడీ టైప్ బట్టే
బాలీవుడ్ నటి అంజలి ఆనంద్ సైతం కెరీర్ ఆరంభం నుంచి ఇదే విధమైన వివక్షను ఎదుర్కొంటున్నారు. కరణ్ జోహార్ దర్శకత్వంలో వచ్చిన 'రాకీ ఔర్ రాణీ కీ ప్రేమ్ కహానీ' చిత్రంలో రణ్వీర్ సింగ్ సోదరి (గాయత్రి అలియాస్ గోలు)గా మెప్పించిన ఆమె.. ఇండస్ట్రీలో తనను కేవలం 'బాడీ టైప్' (శరీర ఆకృతి) బట్టే జడ్జ్ చేస్తున్నారని ఆవేదన వ్యక్తం చేశారు.
టాలెంట్ కంటే ముందే శరీరాన్ని చూశారు!
జూలై 10న (ఈరోజు) ప్రేక్షకుల ముందుకు వచ్చిన భారీ కామెడీ ఎంటర్టైనర్ 'ధమాల్ 4' (Dhamaal 4) లో అంజలి ఆనంద్ ఒక కీలక పాత్ర పోషించారు. ఈ సినిమా ప్రమోషన్లలో భాగంగా పీటీఐ (PTI) కి ఇచ్చిన ఇంటర్వ్యూలో ఆమె ఇండస్ట్రీలోని కొన్ని చేదు నిజాలను బయటపెట్టారు. తనకు నటన వచ్చని తెలుసుకునే ముందే, కేవలం లావుగా ఉందనే కారణంతో దర్శకులు తనను సినిమాల్లోకి తీసుకునేవారని చెప్పారు.
"నాకు వచ్చిన ప్రతి అవకాశంలోనూ మొదట నా శరీర ఆకృతిని చూసే ఎంపిక చేశారు. ఆ తర్వాతే వీళ్లు బాగా నటించగలరని నమ్మి వేరే పాత్రలు ఇచ్చారు. నా మొదటి ఓటీటీ వెబ్ సిరీస్ 'అన్ట్యాగ్' (Untag)లో కేవలం నా లావు వల్లే ఛాన్స్ వచ్చింది. ఆ తర్వాత వచ్చిన 'రాత్ జవాన్ హై', 'డబ్బా కార్టెల్' వంటి సిరీస్లలో నాకు నటనకు ప్రాధాన్యమున్న మంచి పాత్రలు దక్కాయి" అని అంజలి ఆనంద్ వెల్లడించారు.
బాడీ షేమింగ్ జోకులు.. 'ధమాల్ 4' తిరస్కరించాలనుకున్నా!
ఓటీటీ వెబ్ సిరీస్లతో పాటు బుల్లితెరపై 'ధాయ్ కిలో ప్రేమ్' సీరియల్ ద్వారా అంజలి మంచి గుర్తింపు తెచ్చుకున్నారు. అయితే ఆమె నటించిన దాదాపు అన్ని పాత్రలు లావుగా ఉన్న అమ్మాయిల చుట్టూ, వారిపై వేసే జోకుల చుట్టూనే సాగాయి. చివరకు కరణ్ జోహార్ సినిమాలోనూ ఇదే ధోరణి కొనసాగింది. ఇప్పటివరకు తన శరీరంతో సంబంధం లేని ఒక్క పాత్ర కూడా తనకు దక్కలేదని అంజలి ఆనంద్ అంగీకరించారు.
{{/usCountry}}ఓటీటీ వెబ్ సిరీస్లతో పాటు బుల్లితెరపై 'ధాయ్ కిలో ప్రేమ్' సీరియల్ ద్వారా అంజలి మంచి గుర్తింపు తెచ్చుకున్నారు. అయితే ఆమె నటించిన దాదాపు అన్ని పాత్రలు లావుగా ఉన్న అమ్మాయిల చుట్టూ, వారిపై వేసే జోకుల చుట్టూనే సాగాయి. చివరకు కరణ్ జోహార్ సినిమాలోనూ ఇదే ధోరణి కొనసాగింది. ఇప్పటివరకు తన శరీరంతో సంబంధం లేని ఒక్క పాత్ర కూడా తనకు దక్కలేదని అంజలి ఆనంద్ అంగీకరించారు.
{{/usCountry}}మన కమర్షియల్ సినిమాలలో ప్లస్ సైజ్ నటీమణులను జోకర్లుగా చూపించే సంస్కృతిపై అంజలి ఎప్పుడూ పోరాడుతూనే ఉంటారు. ఈ క్రమంలోనే 'ధమాల్ 4' సినిమాలో తన బరువుపై కొన్ని జోకులు ఉన్నాయని తెలిసి మొదట ఈ ప్రాజెక్ట్ను తిరస్కరించాలని అనుకున్నట్లు ఆమె చెప్పారు. ఈ చిత్రంలో ఆమె రితేష్ దేశ్ముఖ్కు జోడీగా నటించారు.
"ఈ సినిమాలో నా బరువుపై జోకులు ఉండటంతో మొదట నో చెప్పాలనుకున్నా. ఎందుకంటే నేను ఎప్పుడూ బాడీ షేమింగ్కు వ్యతిరేకంగా మాట్లాడుతుంటాను. అందుకే నా అభిమానులు కొందరు ఈ సినిమా ఒప్పుకోవడంపై అసంతృప్తి వ్యక్తం చేశారు. కానీ, ఎవరో ఒకరు ఆ పాత్ర చేయాలి. నేనే ఆ బాధ్యత తీసుకుని, ఆ పాత్రను మరింత గౌరవప్రదంగా ఎలా మార్చాలో ఆలోచించి నటించాను" అని అంజలి ఆనంద్ వివరించారు.
బాక్సాఫీస్ వద్ద 'ధమాల్ 4' సందడి
ఇంద్ర కుమార్ దర్శకత్వంలో తెరకెక్కిన 'ధమాల్ 4' జూలై 10న థియేటర్లలో విడుదలైంది. అజయ్ దేవగన్ ప్రధాన పాత్రలో నటించిన ఈ ఫ్రాంచైజీ సినిమాలో అర్షద్ వార్సి, సంజయ్ మిశ్రా, సంజీదా షేక్, రవి కిషన్ వంటి భారీ తారాగణం ఉంది.
పూర్తి వినోదాత్మకంగా వచ్చిన ధమాల్ 4 సినిమా బాక్సాఫీస్ వద్ద ఎలాంటి విజయాన్ని అందుకుంటుందో చూడాలి. భవిష్యత్తులోనైనా తన శరీరంతో సంబంధం లేకుండా కేవలం నటన ఆధారంగా మాత్రమే పాత్రలు వస్తాయని అంజలి ఆనంద్ ఆశాభావం వ్యక్తం చేశారు.