Radhika Apte About Female Sex Desires At 40: బాలీవుడ్, సౌత్ సినిమాల్లో తనకంటూ ప్రత్యేక గుర్తింపు తెచ్చుకున్న హీరోయిన్ రాధికా ఆప్టే మరోసారి తన బోల్డ్ వ్యాఖ్యలతో చర్చనీయాంశమైంది. విభిన్నమైన పాత్రలు ఎంచుకుంటూనే, సమాజంలో ఉండే మూస ధోరణులపై నిర్భయంగా మాట్లాడటం ఈ భామ నైజం అని తెలిసిందే.
లస్ట్ స్టోరీస్ 3 ప్రమోషన్స్
తాజాగా 41వ ఏటకి అడుగుపెట్టిన రాధికా ఆప్టే లస్ట్ స్టోరీస్ 3 ఓటీటీ సిరీస్లో నలభై ఏళ్ల మహిళల ఆలోచనలు, కోరికల నేపథ్యంలో నటించి మెప్పించింది. లస్ట్ స్టోరీస్ 3 ప్రమోషన్స్లో భాగంగా నిర్వహించిన ఓ ఇంటర్వ్యూలో లైంగికత, నిషేధిత సెక్స్, వయసు పెరగడం, మాతృత్వంపై రాధికా ఆప్టే చేసిన వ్యాఖ్యలు సోషల్ మీడియాలో వైరల్ అవుతున్నాయి.
20, 30ల కంటే 40లోనే అసలైన స్పృహ!
భారతీయ సమాజంలో మహిళలకు వయసు పెరిగే కొద్దీ అందం, కోరికలు తగ్గిపోతాయనే ఒక తప్పుడు నమ్మకం బలంగా ఉండిపోయింది. అయితే దీనిపై రాధికా ఆప్టే పూర్తిగా భిన్నమైన అభిప్రాయాన్ని వ్యక్తం చేసింది. వయసు మళ్లడం అనేది ఏదో క్షీణతగా భావించే సమాజంలో మనం జీవిస్తున్నామని ఆమె అసహనం వ్యక్తం చేసింది.
"నాకు ఇప్పుడు 41 ఏళ్లు. 20లు, 30ల వయసుతో పోలిస్తే ఇప్పుడు నా శరీరం, నా ఆలోచనలు, నా శారీరక అవసరాలపై నాకు మరింత స్పష్టమైన అవగాహన వచ్చింది" అని రాధిక తెలిపింది.
20లలో తల్లిదండ్రులు వద్దన్న పనులు చేయడంలోనే సమయం సరిపోతుందని, 30లలోకి వచ్చేసరికి ఆ మాటల్లో నిజం ఉందేమోనని భయపడతామని ఆమె చెప్పుకొచ్చింది. కానీ, 40 ఏళ్ల వయసులోనే మనిషి తన సొంత అస్తిత్వాన్ని, స్థానాన్ని వెతుక్కుంటాడని రాధికా ఆప్టే తెలిపింది.
మాతృత్వం తెచ్చిన మార్పు.. సమాజం మారాలి!
{{/usCountry}}20లలో తల్లిదండ్రులు వద్దన్న పనులు చేయడంలోనే సమయం సరిపోతుందని, 30లలోకి వచ్చేసరికి ఆ మాటల్లో నిజం ఉందేమోనని భయపడతామని ఆమె చెప్పుకొచ్చింది. కానీ, 40 ఏళ్ల వయసులోనే మనిషి తన సొంత అస్తిత్వాన్ని, స్థానాన్ని వెతుక్కుంటాడని రాధికా ఆప్టే తెలిపింది.
మాతృత్వం తెచ్చిన మార్పు.. సమాజం మారాలి!
{{/usCountry}}వయసుతో పాటు మాతృత్వం కూడా మహిళల్లో శరీరక, మానసిక మార్పులను తీసుకొస్తుందని రాధిక అభిప్రాయపడింది. "ఈ 40 ఏళ్ల వయసే కోరికలు, అవగాహన, శారీరక అవసరాలు ఎక్కువగా ఉండే సమయం. ప్రస్తుతం నా జీవితంలో అత్యంత ఆరోగ్యంగా, ఉత్సాహంగా భావిస్తున్నాను. ప్రత్యేకించి మాతృత్వం పొందిన తర్వాత శరీరంలో ఎన్నో మార్పులు వస్తాయి. అది మన అవసరాలను మనం అర్థం చేసుకోవడానికి తోడ్పడుతుంది" అని రాధిక వివరించింది.
చాలామంది ఈ విషయాన్ని గ్రహించలేక ఇతరులను నియంత్రించేందుకు ప్రయత్నిస్తూ జీవితంలో ఎంతో కోల్పోతున్నారని ఆమె విమర్శించింది. మన దేశంలో లైంగిక కోరికల గురించి మాట్లాడటమే ఒక పెద్ద నేరంగా, నిషేధ అంశంగా చూసే మూస పద్ధతిపై కూడా రాధిక తీవ్రంగా స్పందించింది.
"సెక్స్, కోరికల సంగతి పక్కన పెడితే అసలు ప్రాథమిక సమానత్వం, స్వేచ్ఛగా ఆలోచించి మాట్లాడే హక్కు నుంచే ఈ వివక్ష మొదలవుతుంది. చిన్నప్పుడు సెక్స్ అంటే ఏదో అసహ్యమైన పని అనే భావనతోనే నేను పెరిగాను. అది చాలా బాధాకరం" అని రాధికా ఆప్టే ఆవేదన వ్యక్తం చేసింది.
నా కూతురికి ఆ భయం రాకూడదు!
పురుషులు, మహిళల కోరికలను వేర్వేరుగా చూడాల్సిన అవసరం లేదని, అదొక సహజమైన ప్రక్రియ అని రాధిక తెలిపింది. తల్లిగా మారిన తర్వాత తన ఆలోచనా విధానంలో మార్పు వచ్చిందని, తన కుమార్తె పెంపకంలో లైంగిక అవగాహనపై ఎలాంటి భయాలు, అపరాధ భావనలు లేకుండా చూసుకుంటానని రాధిక స్పష్టం చేసింది.
చిన్నతనంలో లైంగిక ఆసక్తిని గమనించిన తండ్రి గద్దించడంతో ఒక రచయిత జీవితాంతం అపరాధ భావనతో రగిలిపోయిన ఉదంతాన్ని ఆమె గుర్తు చేసుకుంది. "నా కూతురు తన శారీరక మార్పులను, కోరికలను అర్థం చేసుకునే క్రమంలో నేను ఎప్పటికీ ఆమెను భయపెట్టను. లైంగికతపై ఓపెన్ హార్ట్తో చర్చించకపోవడం వల్ల మహిళలే కాకుండా పురుషులు కూడా తమ అంతరంగాన్ని అణచివేసుకుని జీవిస్తున్నారు" అని రాధికా ఆప్టే తేల్చి చెప్పేసింది.
ఆఫ్ స్క్రీన్లో కూడా
ఆన్-స్క్రీన్ మీద మాత్రమే కాకుండా ఆఫ్-స్క్రీన్ లోనూ నటిగా తనలోని పరిణితిని చాటుకుంటూ రాధిక ఆప్టే చేసిన ఈ కామెంట్స్ ఇప్పుడు వైరల్ అవుతున్నాయి. సెక్స్పై అవగాహన చాలా ముఖ్యమనే చర్చకు మరింత బలాన్ని చేకూర్చాయి.