E-Paper
Heroine: ముఖానికి 20 కుట్లు, సర్జరీ అయిన ఆరో రోజే సాంగ్ షూటింగ్కు హీరోయిన్- తనకే చాలా సిగ్గేసిందన్న సుహాస్ డైరెక్టర్
Director Mathimaran Pugazhendhi About Mahima Nambiar: బాక్సాఫీస్ వద్ద రూ. 100 కోట్లకు పైగా వసూళ్లు సాధించి సంచలనం సృష్టిస్తోంది సుహాస్ తమిళ చిత్రం మండాడి. ఈ సినిమా సక్సెస్ మీట్లో హీరోయిన్ మహిమా నంబియార్కు జరిగిన ఘోర ప్రమాదం, ఆమె చూపించిన అంకితభావం గురించి దర్శకుడు మతిమారన్ సంచలన విషయాలు చెప్పారు.
Prefer HTon Google
Suhas Director About Heroine Accident And Surgery: తమిళ చిత్రసీమలో బాక్సాఫీస్ రికార్డులను తిరగరాస్తూ రూ. 100 కోట్ల క్లబ్లో చేరిన చిత్రం 'మండాడి'. కమెడియన్ నుంచి హీరోగా మారిన సూరి, తెలుగు యంగ్ హీరో సుహాస్, సీనియర్ నటుడు సత్యరాజ్ ప్రధాన పాత్రల్లో నటించిన ఈ సినిమా సెప్టెంబర్ 10న థియేటర్లలోకి వచ్చి ఊహించని విజయాన్ని అందుకంది.
షాకింగ్ విషయం చెప్పిన డైరెక్టర్
అయితే, ఈ సినిమా వెనుక మండాడిలో నటించిన హీరోయిన్ మహిమా నంబియార్ చూపించిన అసమాన అంకితభావం ఇప్పుడు సోషల్ మీడియాలో చర్చనీయాంశంగా మారింది. సినిమా ఘన విజయం సాధించిన సందర్భంగా చిత్రబృందం నిర్వహించిన మండాడి సక్సెస్ మీట్లో దర్శకుడు మతిమారన్ నటి మహిమకు సంబంధించిన ఒక షాకింగ్ నిజం బయటపెట్టారు.
ముఖం ఛిద్రమైనా షూటింగ్కు హాజరు!
"ఈ సినిమాలో 'ఉసురే నీదాన్ పుల్లా' పాట చిత్రీకరణకు కేవలం ఐదు రోజుల ముందు మహిమా నంబియార్ తీవ్రమైన రోడ్డు ప్రమాదానికి గురయ్యారు. ఆ యాక్సిడెంట్లో మహిమా ముఖం తీవ్రంగా దెబ్బతిని, ఏకంగా 20కి పైగా కుట్లు పడ్డాయి" అని దర్శకుడు మతిమారన్ వెల్లడించారు. ప్రమాదం జరిగిన వెంటనే మహిమ తన ముఖం ఫోటోను పంపినట్లు ఆయన తెలిపారు.
నాకే చాలా సిగ్గేసింది
"ఆమె పరిస్థితి చూశాక షూటింగ్కు రమ్మని అడగడానికి నాకే చాలా సిగ్గుగా అనిపించింది. కానీ మరో దారి లేకపోవడంతో అడగాల్సి వచ్చింది. ప్లాస్టిక్ సర్జరీ జరిగిన కేవలం ఆరో రోజే ఆమె సెట్స్కి వచ్చి పాట చిత్రీకరణలో పాల్గొన్నారు" అని మతిమారన్ భావోద్వేగానికి లోనయ్యారు. ఈ విజయకథ వెనుక మహిమ పడ్డ కష్టం, శ్రమ ఎన్నటికీ మరువలేనివని కొనియాడారు.
పాత్రలోని భారం నన్ను ఏడిపించింది!
మండాడి సినిమా విడుదల అనంతరం మహిమా నంబియార్ సైతం సోషల్ మీడియా వేదికగా తన అనుభవాలను పంచుకున్నారు. "కొన్ని తీవ్రమైన ఎమోషనల్ సీన్లు చేసిన తర్వాత నా సహ నటులకు ఫోన్ చేసి ఏడ్చేదాన్ని. ఆ పాత్ర మోసిన మానసిక భారం కొన్నిరోజులు నన్ను తీవ్రంగా కలచివేసింది" అని మహిమా పేర్కొన్నారు. షూటింగ్ సాగిన తొండి ప్రాంతంలో నెలల తరబడి గడపడంతో అది తన సొంత ఇల్లులా మారిపోయిందని తెలిపారు.
