Salman Khan Satires On Rashmika Mandanna Varun Dhawan: లారెన్స్ బిష్ణోయ్ గ్యాంగ్ నుంచి తీవ్ర ప్రాణహాని ముప్పు పొంచి ఉన్నప్పటికీ, బాలీవుడ్ భాయ్‌జాన్ సల్మాన్ ఖాన్ తన మార్క్ స్టైల్‌ను వీడలేదు. ముంబైలో గురువారం (అక్టోబర్ 22) సాయంత్రం అత్యంత వైభవంగా జరిగిన ఐఫా (IIFA) 2027 అవార్డుల ముందస్తు కార్యక్రమంలో ఆయన సెంటర్ ఆఫ్ అట్రాక్షన్‌గా నిలిచారు.
భారీ భద్రతా నడుమ
చుట్టూ భారీ భద్రతా బలగాలు పహారా కాస్తున్నప్పటికీ, ఏమాత్రం బెరుకు లేకుండా వేదికపై ఇతర సినీ ప్రముఖులతో ఎంతో సరదాగా గడిపారు సల్మాన్ ఖాన్. ఈ వేడుకలో నేషనల్ క్రష్ రష్మిక మందన్నా, వరుణ్ ధావన్, కరీనా కపూర్, షాహిద్ కపూర్ వంటి అగ్రతారలు పాల్గొన్నారు.
రష్మికను ఆటపట్టించిన సల్మాన్
వచ్చే ఏడాది జరగబోయే ఐఫా వేడుకల్లో తాను మొదటిసారి ప్రదర్శన ఇవ్వబోతున్నానని హీరోయిన్ రష్మిక మందన్నా ఎంతో ఉత్సాహంగా చెప్పారు. "ఇది ఐఫాలో నా తొలి పెర్ఫార్మెన్స్, చాలా ఉత్సాహంగా ఉంది" అని రష్మిక చెబుతుండగా సల్మాన్ వెంటనే స్పందిస్తూ చేతులతో డబ్బుల సైగలు చేశారు.
"ఎక్కువ పారితోషికం ఇస్తున్నారనే కదా అంత ఉత్సాహం" అని రష్మికను ఆటపట్టించారు సల్లూ భాయ్. రష్మిక నవ్వుతూ "కాదు, పెర్ఫార్మెన్స్ చేయడం కోసమే" అని సర్దిచెప్పుకునే ప్రయత్నం చేసినా, సల్మాన్ వదలకుండా నవ్వులు పూయించారు.
సికందర్ సినిమా వల్లే
'సికందర్' సినిమా ప్రాజెక్టు వల్లనే రష్మికను ఐఫా స్టేజ్ మీదికి తీసుకురావడానికి ఇంత సమయం పట్టిందని వ్యాఖ్యానించారు. సల్మాన్ వేసిన ఈ పంచ్‌లకు వేదికపై ఉన్న కరీనా కపూర్, షాహిద్ కపూర్ పెద్దగా నవ్వేశారు.
వరుణ్ ధావన్‌కు వింత సలహా
తొలిసారిగా ఐఫా అవార్డుల రాత్రికి వ్యాఖ్యాతగా (హోస్ట్) వ్యవహరిస్తున్న వరుణ్ ధావన్‌కు సల్మాన్ ఖాన్ ఒక విచిత్రమైన సలహా ఇచ్చారు. మీడియా ప్రతినిధులు ఈ విషయమై ప్రశ్నించినప్పుడు, "అసలు యాంకరింగ్ చేయడమే దండగ. ఆరు గంటల సమయం వృథా అవుతుంది. దానికంటే ప్రశాంతంగా నా దగ్గరికొచ్చి ఇలా డ్యాన్స్ చేసి వెళ్లిపో. ఆ హోస్టింగ్ పని ఏదో నిపుణులకు వదిలేయ్" అని తనదైన శైలిలో కామెంట్ చేశారు.
తీవ్ర భద్రత నడుమ సల్మాన్.. టైగర్ ష్రాఫ్ ఘటనతో ఆందోళన
{{/usCountry}}తొలిసారిగా ఐఫా అవార్డుల రాత్రికి వ్యాఖ్యాతగా (హోస్ట్) వ్యవహరిస్తున్న వరుణ్ ధావన్‌కు సల్మాన్ ఖాన్ ఒక విచిత్రమైన సలహా ఇచ్చారు. మీడియా ప్రతినిధులు ఈ విషయమై ప్రశ్నించినప్పుడు, "అసలు యాంకరింగ్ చేయడమే దండగ. ఆరు గంటల సమయం వృథా అవుతుంది. దానికంటే ప్రశాంతంగా నా దగ్గరికొచ్చి ఇలా డ్యాన్స్ చేసి వెళ్లిపో. ఆ హోస్టింగ్ పని ఏదో నిపుణులకు వదిలేయ్" అని తనదైన శైలిలో కామెంట్ చేశారు.
తీవ్ర భద్రత నడుమ సల్మాన్.. టైగర్ ష్రాఫ్ ఘటనతో ఆందోళన
{{/usCountry}}అనంతరం వరుణ్‌తో కలిసి వేదికపైనే చిన్నపాటి స్టెప్పులేసి అలరించారు సల్మాన్ ఖాన్. ఇదిలా ఉంటే, అక్టోబర్ 19న ముంబైలోని యంగ్ హీరో టైగర్ ష్రాఫ్‌పై ముగ్గురు దుండగులు కాల్పులకు తెగబడిన సంగతి తెలిసిందే. ఈ దాడిలో టైగర్ డ్రైవర్‌తో పాటు మరొకరికి గాయాలయ్యాయి.
ఈ ఘాతుకానికి పాల్పడింది తామేనని లారెన్స్ బిష్ణోయ్ గ్యాంగ్ అనుచరుడు సోషల్ మీడియాలో ప్రకటించాడు. సల్మాన్ ఖాన్‌తో టైగర్ ష్రాఫ్‌కు ఉన్న సాన్నిహిత్యం కారణంతోనే ఈ దాడి చేసినట్లు వారు తెలిపారు. ఈ కేసుకు సంబంధించి ఇప్పటికే పదిమంది అనుమానితులను పోలీసులు అదుపులోకి తీసుకోగా, ముగ్గురిని అరెస్ట్ చేశారు.
ముఖ్యమంత్రి దేవేంద్ర ఫడ్నవీస్ స్పందన
మహారాష్ట్ర ముఖ్యమంత్రి దేవేంద్ర ఫడ్నవీస్ కూడా ఈ ఘటనపై స్పందిస్తూ "శాంతిభద్రతలకు విఘాతం కలిగిస్తే ఎవరినీ విడిచిపెట్టేది లేదు" అని గట్టి హెచ్చరికలు జారీ చేశారు.
'బిగ్ బాస్ 20'కి సల్మాన్ బ్రేక్
ఈ భద్రతా కారణాలు, ముందస్తుగా ఒప్పుకున్న ఇతర షూటింగ్‌ల నేపథ్యంలో సల్మాన్ ఖాన్ 'బిగ్ బాస్ 20' వీకెండ్ కా వార్ ఎపిసోడ్‌కు ఈ వారం దూరంగా ఉండనున్నారు. "ముందస్తు కట్టుబాట్ల వల్ల వచ్చే వారం మిమ్మల్ని కలవలేను. నా స్థానంలో దర్శకుడు రోహిత్ శెట్టి వీకెండ్ కా వార్‌ను నడిపిస్తారు" అని సల్మాన్ ఇదివరకే చెప్పారు.
ఒకవైపు ప్రాణహాని బెదిరింపులు ఉన్నప్పటికీ, వృత్తిపరమైన బాధ్యతల్లో ఏమాత్రం తగ్గేదేలే అన్నట్లు ముందుకు సాగుతున్న సల్మాన్ ధైర్యాన్ని ఆయన అభిమానులు ప్రశంసిస్తున్నారు.