Singer Badshah Wife Isha Rikhi Post: బాలీవుడ్ ప్రముఖ ర్యాపర్, సింగర్ బాద్షా, ఆయన భార్య ఇషా రిఖి మధ్య తీవ్ర విభేదాలు తలెత్తినట్లు వార్తలు వస్తున్నాయి. పెళ్లయిన నాలుగు నెలలకే వీరిద్దరూ విడిపోతున్నారంటూ వస్తున్న ఊహాగానాలకు బలం చేకూరుస్తూ ఇషా రిఖి ఒక భావోద్వేగపూరిత పోస్ట్ షేర్ చేశారు.
ఇకపై దైనికీ భయపడేది లేదు
తన భర్తకున్న అధికారం, ఆధిపత్యం చూసి భయపడి ఇన్నాళ్లూ మౌనంగా ఉన్నానని, ఇకపై దేనికీ భయపడేది లేదని ఇషా రిఖి స్పష్టం చేశారు. ఇన్స్టాగ్రామ్లో హార్ట్ బ్రేక్ ఎమోజీతో ఈషా తన ఆవేదనను వ్యక్తపరిచారు ఇషా.
కనిపించని గాయాలు.. భయం వెనుక అసలు నిజం!
"కొన్ని యుద్ధాలు శరీరానికి కనిపించని గాయాలను మిగుల్చుతాయి. నా భర్తకున్న అధికారం, హోదా, ఆర్థిక బలగం చూసి భయపడ్డాను. అందుకే ఇన్నాళ్లూ మౌనంగా ఉండిపోయాను. మౌనంగా ఉండటమే సురక్షితం అని భావించాను" అని ఇషా ఆవేదన వ్యక్తం చేశారు.
ఇక నటించలేను
"అయితే నా మౌనం నా అంగీకారం కాదు, కేవలం బతికేందుకు చేసిన ప్రయత్నం మాత్రమే. ఈ రోజు భయం స్థానంలో ధైర్యాన్ని ఎంచుకుంటున్నా. జరిగింది అంతా బయటకు చెప్పడానికి నేను ఇంకా సిద్ధంగా లేకపోవచ్చు, కానీ అంతా బాగున్నట్లు ఇక నటించలేను" అంటూ ఇషా రిఖి రాసుకొచ్చిన వ్యాఖ్యలు సినీ వర్గాల్లో హాట్ టాపిక్గా మారాయి.
ఇషాకు అండగా నిలిచిన సెలబ్రిటీలు
ఇషా పోస్ట్కు పలువురు బాలీవుడ్, పంజాబీ చిత్రసీమకు చెందిన సెలబ్రిటీలు మద్దతుగా నిలిచారు. టీవీ నటి జాస్మిన్ భాసిన్, సుయాష్ రాయ్, బిగ్ బాస్ ఓటీటీ విజేత సనా మక్బుల్, నటుడు సాహిల్ ఆనంద్ ఆమెకు అండగా కామెంట్లు చేశారు. "నువ్వు చాలా ధైర్యవంతురాలివి, మేమందరం నీతోనే ఉన్నాం" అని పంజాబీ నటి శృతి సోధి ధైర్యాన్ని నింపే ప్రయత్నం చేశారు.
రహస్య పెళ్లి నుంచి విడాకుల అనుమానాల వరకు!
ర్యాపర్ బాద్షాకు ఇది రెండో వివాహం. గతంలో జాస్మిన్ మసీహ్ను వివాహం చేసుకున్న ఆయన, 2020లో ఆమెతో విడిపోయారు. వీరికి జెస్సెమీ గ్రేస్ అనే కుమార్తె ఉంది. ఆ తర్వాత నటి ఇషా రిఖితో బాద్షా ప్రేమలో పడ్డారు. ఈ ఏడాది మార్చి నెలలో ఇషా తల్లి పూనమ్ రిఖి వీరి వివాహ ఫొటోలను సోషల్ మీడియాలో షేర్ చేయడంతో పెళ్లి విషయం వెలుగులోకి వచ్చింది.
పతిదేవ్ అన్న ఇషా రిఖి
{{/usCountry}}ర్యాపర్ బాద్షాకు ఇది రెండో వివాహం. గతంలో జాస్మిన్ మసీహ్ను వివాహం చేసుకున్న ఆయన, 2020లో ఆమెతో విడిపోయారు. వీరికి జెస్సెమీ గ్రేస్ అనే కుమార్తె ఉంది. ఆ తర్వాత నటి ఇషా రిఖితో బాద్షా ప్రేమలో పడ్డారు. ఈ ఏడాది మార్చి నెలలో ఇషా తల్లి పూనమ్ రిఖి వీరి వివాహ ఫొటోలను సోషల్ మీడియాలో షేర్ చేయడంతో పెళ్లి విషయం వెలుగులోకి వచ్చింది.
పతిదేవ్ అన్న ఇషా రిఖి
{{/usCountry}}జూన్ నెలలో ఒక అభిమాని అడిగిన ప్రశ్నకు స్పందిస్తూ ఇషా.. బాద్షాను తన 'పతిదేవ్'గా పేర్కొంటూ పెళ్లిని అధికారికంగా ధ్రువీకరించారు. ఇద్దరూ సోషల్ మీడియాలో ఒకరినొకరు ఫాలో కాకపోవడంపై సరదాగా కౌంటర్ కూడా ఇచ్చారు.
ప్రతి ప్రార్థన ఒక ఆశ
కానీ, ఇటీవల "ప్రతి తుఫాను ఒక పాఠం చెబుతుంది. ప్రతి ప్రార్థన ఒక ఆశ" అని ఇషా పోస్ట్ పెట్టడంతో వివాహ బంధంలో సమస్యలు ఉన్నాయనే అనుమానాలు మొదలయ్యాయి. ఇప్పుడు తాజా పోస్ట్తో బాద్షా, ఇషా రిఖీలు విడిపోవడం దాదాపు ఖాయమని సినీ వర్గాలు భావిస్తున్నాయి.