Sunny Deol Suryaa Teaser Released: 'గదర్ 2' సునామీ తర్వాత బాలీవుడ్ మాస్ యాక్షన్ హీరో సన్నీ డియోల్ మరో శక్తివంతమైన కథతో ప్రేక్షకుల ముందుకు రానున్నారు. సన్నీ డియోల్ ప్రధాన పాత్రలో నటిస్తున్న ఇన్వెస్టిగేటివ్ మెడికల్ క్రైమ్ థ్రిల్లర్ మూవీ 'సూర్యా: అంత్ సే ఆరంభ్ తక్'.
సూర్యా టీజర్ రిలీజ్
ఇటీవల విడుదల చేసిన మోషన్ పోస్టర్ తర్వాత మేకర్స్ సూర్యా టీజర్‌ను రిలీజ్ చేశారు. నిజ జీవిత సంఘటనల ఆధారంగా తెరకెక్కుతున్న ఈ చిత్రం టీజర్‌లో సన్నీ డియోల్ ఉద్వేగభరితమైన నటనతో ఆకట్టుకున్నారు.
కూతురు మరణం.. వైద్య రంగంలో మాఫియా దందా!
కుటుంబంతో సంతోషంగా గడిపే ఒక మాజీ పోలీస్ ఆఫీసర్ జీవితం కూతురి ఆకస్మిక మరణంతో ఒక్కసారిగా మారిపోతుంది. ఆ మరణం వెనుక ఉన్న రహస్యాలను శోధిస్తున్న కొద్దీ, దేశంలోని వైద్యవ్యవస్థలో దాగి ఉన్న దిగ్భ్రాంతికరమైన నిజాలు బయటపడతాయి.
"డాక్టర్ దేవుడితో సమానమని నమ్మి రోగి తన ప్రాణాలను వారి చేతుల్లో పెడతాడు. అలాంటి వైద్యుడే ఆ నమ్మకాన్ని తుంగలో తొక్కితే ఆ మనిషి ఏం చేయాలి?" అని టీజర్‌లో సన్నీ డియోల్ ప్రశ్నించే తీరు ప్రతీ ఒక్కరినీ ఆలోచింపజేస్తుంది.
అవసరం లేకపోయినా పరీక్షలు
చిన్న చిన్న ఆరోగ్య సమస్యలకు కూడా భారీ బిల్లులు వసూలు చేస్తూ, అవసరం లేకపోయినా రకరకాల పరీక్షలు రాసే కార్పొరేట్ ఆసుపత్రుల దోపిడీపై కథానాయకుడు గళమెత్తారు.
"అక్కడ డాక్టర్లు మందుల ప్రిస్క్రిప్షన్లు రాయడం లేదు, తమ కమిషన్ల లెక్కలు రాస్తున్నారు. ప్రజలు దీన్ని సహిస్తున్నారు.. కానీ ఎంతకాలం?" అంటూ సన్నీ డియోల్ చెప్పే డైలాగులు థియేటర్లలో ఈలలు వేయించేలా ఉన్నాయి. సామాన్య ప్రజలు ఆసుపత్రుల్లో ఎదుర్కొంటున్న నిజమైన నరకానికి ఈ చిత్రం అద్దం పడుతోంది.
మలయాళ హిట్ 'జోసెఫ్' రీమేక్!
సూర్యా చిత్రానికి ప్రముఖ మలయాళ దర్శకుడు ఎమ్ పద్మకుమార్ దర్శకత్వం వహిస్తున్నారు. 2018లో మలయాళంలో జోజూ జార్జ్ కథానాయకుడిగా సంచలన విజయం సాధించిన 'జోసెఫ్' చిత్రానికి ఇది అధికారిక హిందీ రీమేక్.
{{/usCountry}}సూర్యా చిత్రానికి ప్రముఖ మలయాళ దర్శకుడు ఎమ్ పద్మకుమార్ దర్శకత్వం వహిస్తున్నారు. 2018లో మలయాళంలో జోజూ జార్జ్ కథానాయకుడిగా సంచలన విజయం సాధించిన 'జోసెఫ్' చిత్రానికి ఇది అధికారిక హిందీ రీమేక్.
{{/usCountry}}మలయాళంలో సూపర్ హిట్ కొట్టిన ఈ కథను హిందీలో తొలిసారి తెరకెక్కిస్తూ పద్మకుమార్ బాలీవుడ్ తెరంగేట్రం చేస్తున్నారు. కమల్ ముకుత్ నిర్మిస్తున్న ఈ చిత్రంలో తెలుగు ప్రేక్షకులకు సుపరిచితమైన టాలీవుడ్ భామ ప్రగ్యా జైస్వాల్ కీలక పాత్ర పోషిస్తున్నారు. రవికిషన్, సౌమ్యా టాండన్, జిష్షూ సేన్‌గుప్తా, తిను ఆనంద్, మనీష్ వాధ్వా, దివంగత పంకజ్ ధీర్ తదితరులు ముఖ్య పాత్రల్లో కనిపించనున్నారు.
నవంబర్ 20న గ్రాండ్ రిలీజ్!
సామాన్యుడి బాధను, అన్యాయంపై తిరుగుబాటును ప్రతిబింబించేలా ఈ కథను తీర్చిదిద్దినట్లు నిర్మాత కమల్ ముకుత్ తెలిపారు. సన్నీ డియోల్ సినీ ప్రయాణంలో మూడు వేర్వేరు దశలను ఈ చిత్రంలో ఆవిష్కరించినట్లు మేకర్స్ వెల్లడించారు.
"అతని ముగింపు అని అందరూ అనుకున్నారు, కానీ సూర్యాకి ఇది కేవలం ఆరంభం మాత్రమే! జాగ్రత్తగా ఉండండి.. అన్యాయం జరిగితే తిరగబడండి" అంటూ సన్నీ డియోల్ సోషల్ మీడియా వేదికగా అభిమానులకు పిలుపునిచ్చారు. ఈ భారీ ఇన్వెస్టిగేటివ్ థ్రిల్లర్ 2026 నవంబర్ 20న ప్రపంచవ్యాప్తంగా థియేటర్లలో విడుదల కానుంది.