CM Vijay Release 15 Cr Subsidy To 224 Tamil Films: కోలీవుడ్‌లో నష్టాలతో ఇబ్బంది పడుతున్న చిన్న సినిమా నిర్మాతలను ఆదుకునేందుకు తమిళనాడు ప్రభుత్వం ముందుకొచ్చింది. ఏడేళ్లుగా పెండింగ్‌లో ఉన్న సబ్సిడీ నిధులను తక్షణమే విడుదల చేస్తూ తమిళనాడు ముఖ్యమంత్రి, దళపతి జోసెఫ్ విజయ్ నిర్ణయం తీసుకున్నారు.
రూ.15.68 కోట్ల సబ్సిడీ నిధులు మంజూరు
2015 నుంచి 2022 మధ్య కాలంలో నిర్మించిన 224 తమిళ చిత్రాలకు రూ.15.68 కోట్ల సబ్సిడీ నిధులను దళపతి విజయ్ మంజూరు చేశారు. ఈ మేరకు చెన్నైలోని చేపాక్‌లో నిర్వహించిన ప్రత్యేక కార్యక్రమంలో తమిళనాడు పర్యాటక, సినిమా శాఖల మంత్రి రాజ్‌మోహన్ అరుణాచలం అర్హులైన నిర్మాతలకు చెక్కులను పంపిణీ చేశారు.
ప్రతీ నిర్మాతకు రూ. 7 లక్షల చొప్పున ఆర్థిక సహాయం అందజేశారు. ప్రభుత్వం తీసుకున్న ఈ నిర్ణయంపై తమిళ సినీ పరిశ్రమ హర్షం వ్యక్తం చేస్తోంది. ఈ సబ్సిడీ విడుదలపై అమ్మ క్రియేషన్స్ అధినేత, ప్రముఖ నిర్మాత టి. శివ సోషల్ మీడియా వేదికగా ముఖ్యమంత్రి విజయ్‌కు ప్రత్యేక ధన్యవాదాలు తెలిపారు. గత ఏడేళ్లుగా ఈ నిధుల కోసం నిర్మాతలు ఎదురుచూస్తున్నారని ఆయన గుర్తుచేశారు.
ఏడేళ్ల నిరీక్షణకు తెర.. నిర్మాతలకు దీపావళి కానుక
"ఏడేళ్లుగా నానా అవస్థలు పడుతున్న 224 మంది తమిళ సినిమా నిర్మాతల జీవితాల్లో సీఎం జోసెఫ్ విజయ్ కొత్త వెలుగులు నింపారు. పెండింగ్ బకాయిలను వెంటనే విడుదల చేసి కొత్త ఆశలు చిగురించేలా చేశారు. ఇది కేవలం సబ్సిడీ మాత్రమే కాదు, సినీ పరిశ్రమపై ఆధారపడి జీవిస్తున్న ఎన్నో కుటుంబాలకు దక్కిన దీపావళి కానుక" అని నిర్మాత టి శివ అన్నారు.
"సబ్సిడీ పొందిన వారిలో 90 శాతం మంది సినిమాలు తీసి సర్వస్వం కోల్పోయిన సాధారణ నిర్మాతలే ఉన్నారు. ఈ సహాయం వారి జీవితాలకు పునర్జన్మ నిస్తుంది" అని టి శివ పేర్కొన్నారు. ఈ వేగవంతమైన చర్యలకు తోడ్పడిన మంత్రి రాజ్మోహన్కు కూడా ఆయన కృతజ్ఞతలు తెలిపారు.
సామాజిక చైతన్యం తెచ్చే చిత్రాలకే ప్రాధాన్యం
{{/usCountry}}"సబ్సిడీ పొందిన వారిలో 90 శాతం మంది సినిమాలు తీసి సర్వస్వం కోల్పోయిన సాధారణ నిర్మాతలే ఉన్నారు. ఈ సహాయం వారి జీవితాలకు పునర్జన్మ నిస్తుంది" అని టి శివ పేర్కొన్నారు. ఈ వేగవంతమైన చర్యలకు తోడ్పడిన మంత్రి రాజ్మోహన్కు కూడా ఆయన కృతజ్ఞతలు తెలిపారు.
సామాజిక చైతన్యం తెచ్చే చిత్రాలకే ప్రాధాన్యం
{{/usCountry}}విశ్రాంత న్యాయమూర్తి ఎస్.కె. కృష్ణన్ అధ్యక్షతన ఏర్పడిన ప్రత్యేక ఎంపిక కమిటీ 2015-2022 మధ్య విడుదలైన చిత్రాల నాణ్యత, సామాజిక బాధ్యతలను పరిశీలించి ఈ 224 సినిమాలను ఎంపిక చేసింది. తక్కువ బడ్జెట్‌తో నిర్మించి సమాజానికి మంచి సందేశాన్ని ఇచ్చే చిత్రాలను ప్రోత్సహించడమే ఈ పథకం ముఖ్య ఉద్దేశం.
ఈ కార్యక్రమంలో మంత్రి రాజ్‌మోహన్ మాట్లాడుతూ.. గతంలో దర్శకుడు భారతిరాజా తీసిన 'కరుత్తమ్మ' (1994) వంటి సినిమాలు ఆడశిశు హత్యలపై సమాజంలో ఎంతటి గొప్ప చైతన్యాన్ని తెచ్చాయో గుర్తుచేశారు.
వ్యాపార దృక్పథంతో కాకుండా
"కేవలం వ్యాపార దృక్పథంతో కాకుండా సామాజిక స్పృహతో సినిమాలు తీసే నిర్మాతలను ప్రోత్సహించడం ప్రభుత్వ బాధ్యత. భవిష్యత్తులో ఇచ్చే రాష్ట్ర చలనచిత్ర అవార్డులను కూడా పూర్తి పారదర్శకంగా, ప్రతిభ ఆధారంగా మాత్రమే అందజేస్తాం" అని మంత్రి స్పష్టం చేశారు.
టాలీవుడ్ నేర్చుకోవాల్సిన పాఠం
తెలుగు సినీ పరిశ్రమలో కూడా అనేక చిన్న సినిమాలు థియేటర్లు దొరక్క, నిర్మించిన తర్వాత ఓటీటీలు పట్టించుకోక తీవ్ర నష్టాల్లో కూరుకుపోతున్నాయి. తమిళనాడులో సీఎం విజయ్ సర్కార్ తీసుకున్న ఈ విప్లవాత్మక నిర్ణయం ఇక్కడి చిన్న నిర్మాతలకు కూడా కొత్త ఆశలను చిగురింపచేస్తోంది. రెండు తెలుగు రాష్ట్రాల ప్రభుత్వాలు కూడా చిన్న సినిమాలను ఆదుకునేలా సబ్సిడీలు, ప్రోత్సాహకాలు సకాలంలో అందించాలని టాలీవుడ్ వర్గాలు ఆశిస్తున్నాయి.