OTT Survival: ఓటీటీలోకి మరికొన్ని గంటల్లో నేరుగా సర్వైవల్ హారర్ థ్రిల్లర్- చీకటి గుహలో రాక్షస వేట- తెలుగులో స్ట్రీమింగ్!

The Devils Mouth OTT Release Telugu: చీకటి గుహలో చిక్కుకున్న ఐదుగురు స్నేహితులను వెంటాడే రాక్షస చేప కథ ఆధారంగా తీసిన సర్వైవల్ హారర్ థ్రిల్లర్ సినిమా ది డెవిల్స్ మౌత్ ఓటీటీలోకి నేరుగా మరికొన్ని గంటల్లో రానుంది. తెలుగులో అందుబాటులో ఉండే ది డెవిల్స్ మౌత్ ఓటీటీ స్ట్రీమింగ్ ఎక్కడో ఇక్కడ తెలుసుకుందాం.

The Devils Mouth OTT Streaming In Telugu: ఓటీటీ ప్రియులకు సర్వైవల్ హారర్ థ్రిల్లర్ సినిమాలంటే ఉండే క్రేజే వేరు. ముఖ్యంగా నీటి అడుగున సాగే భయాందోళనలు, ప్రాణాల కోసం సాగే వేట, అడ్వెంచర్ నేపథ్య కథలకు తెలుగు ఓటీటీ లవర్స్ నుంచి కూడా ఎప్పుడూ మంచి ఆదరణ లభిస్తుంది.

ఓటీటీలోకి మరికొన్ని గంటల్లో నేరుగా సర్వైవల్ హారర్ థ్రిల్లర్- చీకటి గుహలో రాక్షస వేట- తెలుగులో స్ట్రీమింగ్

ఊపిరి బిగపట్టేలా చేసే

'47 మీటర్స్ డౌన్', 'ది మెగ్' వంటి చిత్రాలు డిజిటల్ ప్లాట్‌ఫామ్‌లలో సంచలనం సృష్టించాయి. ఇప్పుడు అదే కోవలో ఊపిరి బిగపట్టేలా చేసే మరొక సర్వైవల్ మిస్టరీ హారర్ థ్రిల్లర్ సినిమా 'ది డెవిల్స్ మౌత్' (The Devil's Mouth) ఓటీటీలో నేరుగా అలరించడానికి సిద్ధమైంది.

చీకటి గుహలో రాక్షస వేట!

సరదాగా సాగిన ఒక విహారయాత్ర కాస్తా ప్రాణాలు కాపాడేందుకు చేసే పోరాటంగా ఎలా మారిందో చూపించడమే ఈ సినిమా ముఖ్య ఉద్దేశం. ఐదుగురు కళాశాల స్నేహితులు తమ చదువు పూర్తయ్యాక చివరిసారిగా సరదాగా గడపడానికి థాయిలాండ్ సముద్ర తీరానికి వెళ్తారు.

అక్కడ 'ది డెవిల్స్ మౌత్' అని పిలిచే ఒక రహస్యమైన చీకటి గుహలో ఈత కొట్టడానికి వెళ్లడమే వారు చేసిన పెద్ద పొరపాటు. తీరంలో వచ్చిన ఒక పెద్ద తుఫాను కారణంగా సముద్రంలోని ఉప్పునీటి జీవులు ఈ మంచినీటి గుహల్లోకి కొట్టుకొస్తాయి.

బతికుండే రాక్షస చేప

మిగిలిన నీటి జీవులన్నీ చనిపోయినా, ఒక ప్రమాదకరమైన క్రూరమైన రాక్షస చేప (సొరచేప) మాత్రం అక్కడ సజీవంగా మిగులుతుంది. చీకటి గుహలు, తగ్గుతున్న ఆక్సిజన్ పరిమాణం, బయటకు వెళ్లేందుకు దొరకని దారి, ఇరుకైన మార్గాలు.. వీటన్నింటి మధ్య ఆ క్రూర జలచరం ఈ స్నేహితులను వేటాడటం ప్రారంభిస్తుంది.

హాలీవుడ్ యంగ్ స్టార్ల హంగామా

మరి ఆ రాక్షస చేప వేట నుంచి వారు తప్పించుకున్నారా? ఎంతమంది బలయ్యారు? అనేదే ది డెవిల్స్ మౌత్ కథ. ఈ సినిమాలో కాథరిన్ న్యూటన్, లారా కాండోర్, గావిన్ కాసాలెగ్నో, నికో హిరాగా, తొమ్మి రోజ్, తాయ్మే థాప్తిమ్‌థాంగ్ ప్రధాన పాత్రల్లో నటించారు.

'ఇమాజినరీ', 'ట్రూత్ ఆర్ డేర్' వంటి క్రేజీ థ్రిల్లర్ చిత్రాలను అందించిన ప్రముఖ దర్శకుడు జెఫ్ వాడ్లో (Jeff Wadlow) ఈ ది డెవిల్స్ మౌత్ సినిమాకు దర్శకత్వం వహించారు. 'జాన్ విక్' సిరీస్ చిత్రాల నిర్మాత బాసిల్ ఇవానిక్‌తో పాటు ఎరికా లీ ఈ మూవీని నిర్మించారు.

ఇరుకైన గుహల్లో ఉండే భయం

"ఇది కేవలం ఒక సముద్రపు రాక్షసి నుంచి తప్పించుకునే కథ మాత్రమే కాదు, ఊపిరి ఆడని ఇరుకైన గుహల్లో ప్రాణభయంతో ఉన్నప్పుడు స్నేహితుల మధ్య వచ్చే విబేధాలను, మానసిక సంఘర్షణను ప్రతిబింబించే డ్రామా" అని చిత్ర బృందం ది డెవిల్స్ మౌత్ ఓటీటీ రిలీజ్ డేట్ ఇస్తూ పేర్కొంది.

ఇంతటి హారర్, సస్పెన్స్, అడ్వెంచర్, డ్రామా, స్నేహం వంటి అన్ని ఎమోషన్స్, ఎలిమెంట్స్‌తో తెరకెక్కిన ది డెవిల్స్ మౌత్ ఓటీటీలోకి మరికొన్ని గంటల్లో నేరుగా విడుదల కానుంది. అమెజాన్ ప్రైమ్‌లో జూలై 29 అర్థరాత్రి నుంచి ప్రైమ్ వీడియోలో ది డెవిల్స్ మౌత్ ఓటీటీ స్ట్రీమింగ్ కానుంది.

ది డెవిల్స్ మౌత్ ఓటీటీ రిలీజ్

అంటే, దానికి మరికొన్ని గంటల సమయం మాత్రమే ఉంది. ఇంగ్లీష్‌లో మాత్రమే కాకుండా తెలుగు, తమిళం, హిందీ, కన్నడ, మలయాళం వంటి 6 భాషల్లో అమెజాన్ ప్రైమ్‌లో ది డెవిల్స్ మౌత్ ఓటీటీ రిలీజ్ అవనుంది. నీటిలో హారర్, అడ్వెంచర్, సర్వైవల్ ఎలిమెంట్స్ నచ్చేవారికి అమెజాన్ ప్రైమ్ ఓటీటీలో ది డెవిల్స్ మౌత్ చూసేందుకు బెస్ట్ ఆప్షన్.