The Sheep Detectives OTT Trending: ఇప్పటివరకు ఓటీటీలో ఎన్నో రకాల కంటెంట్తో విభిన్న జోనర్లలో సినిమాలు వచ్చాయి. కానీ, గొర్రెలు క్రైమ్ ఇన్వెస్టిగేషన్ చేస్తే ఎలా ఉంటుందనే డిఫరెంట్ కాన్సెప్ట్తో ఇప్పటివరకు ఎలాంటి సినిమా రాలేదు.
ఎక్స్ మెన్ నటించిన సినిమా
అలాంటి వినూత్నమైన కథతో తెరకెక్కిన సినిమానే 'ది షీప్ డిటెక్టివ్స్' (The Sheep Detectives) . ఎక్స్ మెన్ అలియాస్'వోల్వరైన్' (Wolverine) పాత్రతో ప్రపంచవ్యాప్తంగా విపరీతమైన అభిమానులను సంపాదించుకున్న హాలీవుడ్ స్టార్ హీరో హ్యూ జాక్మన్ (Hugh Jackman) నటించిన కామెడీ మర్డర్ మిస్టరీ థ్రిల్లర్ సినిమానే ఇది.
ఈ ఏడాది మే 8న థియేటర్లలో విడుదలై అంతర్జాతీయంగా సూపర్ హిట్ టాక్ తెచ్చుకున్న ఈ వినూత్న చిత్రం ది షీప్ డిటెక్టివ్స్ ఓటీటీలోకి వచ్చేయడమే కాకుండా ట్రెండింగ్లో దూసుకుపోతోంది. జూన్ 24న ఓటీటీలోకి వచ్చిన ఈ సినిమా ఇప్పటికీ ట్రెండింగ్లో దంచికొట్టడం విశేషం.
గొర్రెలు డిటెక్టివ్లుగా మారితే.. వినూత్నమైన కథాంశం
సాధారణంగా క్రైమ్ థ్రిల్లర్ లేదా మర్డర్ మిస్టరీ సినిమాల్లో పోలీసులు, సీఐడీ అధికారులు కేసులు ఛేదించడం మనం చూస్తుంటాం. కానీ, ఈ సినిమాలో గొర్రెలు డిటెక్టివ్లుగా మారి ఒక మర్డర్ మిస్టరీని ఛేదించడమే అసలైన ట్విస్ట్.
2005లో లియోనీ స్వాన్ రాసిన 'త్రీ బ్యాగ్స్ ఫుల్' (Three Bags Full) అనే ప్రసిద్ధ నవల ఆధారంగా ఈ చిత్రాన్ని తెరకెక్కించారు. టాలెంటెడ్ రైటర్ క్రేగ్ మజిన్ ఈ చిత్రానికి స్క్రీన్ప్లే అందించగా, కైల్ బాల్డా అద్భుతంగా దర్శకత్వం వహించారు.
గొర్రెలకు ఇన్వెస్టిగేషన్ కథలు
కథ విషయానికి వస్తే.. జార్జ్ (హ్యూ జాక్మన్) అనే గొర్రెల కాపరి ప్రతిరోజూ రాత్రి తను పెంచుకునే గొర్రెల మందకు డిటెక్టివ్ నవలలను కథలుగా చదివి వినిపిస్తుంటాడు. గొర్రెలకు ఆ కథలు అర్థం కావులే అని జార్జ్ భావిస్తాడు. కానీ, ఒకరోజు రాత్రి ఆ ఫామ్లో ఒక ఊహించని దారుణం జరుగుతుంది. ఎవరో గుర్తుతెలియని వ్యక్తులు జార్జ్ను దారుణంగా హత్య చేస్తారు.
{{/usCountry}}కథ విషయానికి వస్తే.. జార్జ్ (హ్యూ జాక్మన్) అనే గొర్రెల కాపరి ప్రతిరోజూ రాత్రి తను పెంచుకునే గొర్రెల మందకు డిటెక్టివ్ నవలలను కథలుగా చదివి వినిపిస్తుంటాడు. గొర్రెలకు ఆ కథలు అర్థం కావులే అని జార్జ్ భావిస్తాడు. కానీ, ఒకరోజు రాత్రి ఆ ఫామ్లో ఒక ఊహించని దారుణం జరుగుతుంది. ఎవరో గుర్తుతెలియని వ్యక్తులు జార్జ్ను దారుణంగా హత్య చేస్తారు.
{{/usCountry}}తమను ప్రాణంగా చూసుకునే యజమాని చనిపోవడంతో ఆ గొర్రెల మంద తీవ్ర దిగ్భ్రాంతికి గురవుతుంది. తమ యజమానిని చంపిన హంతకుడిని పట్టుకోవడానికి ఆ గొర్రెలన్నీ కలిసి ఒక డిటెక్టివ్ గ్యాంగ్గా మారతాయి. ఆ తర్వాత జరిగిన పరిణామాలు, హంతకుడిని అవి ఎలా పట్టుకున్నాయి అనేదే మిగతా కథ చాలా ఇంట్రెస్టింగ్గా థ్రిల్లింగ్గా ఉంటుంది.
గొర్రెలకు హాలీవుడ్ స్టార్స్ వాయిస్ ఓవర్
ఈ సినిమాలో హ్యూ జాక్మన్తో పాటు నికోలస్ బ్రాన్, నికోలస్ గాలిట్జైన్, మోలీ గోర్డాన్, ఎమ్మా థాంప్సన్, కాన్లెత్ హిల్ వంటి ప్రముఖ నటులు కీలక పాత్రలు పోషించారు. వీరందరితో పాటు డిటెక్టివ్లుగా మారే గొర్రెల పాత్రలకు హాలీవుడ్ టాప్ సెలబ్రిటీలైన బ్రయాన్ క్రాన్స్టన్, జూలియా లూయిస్-డ్రేఫస్, క్రిస్ ఓ డౌడ్, రెజీనా హాల్, ప్యాట్రిక్ స్టెవర్ట్, బెల్లా రామ్సే తమ వాయిస్ ఓవర్ అందించడం విశేషం.
అమెజాన్ ప్రైమ్ ఓటీటీలో
అమెజాన్ ప్రైమ్లో జూన్ 24 నుంచి ది షీప్ డిటెక్టివ్స్ ఓటీటీ స్ట్రీమింగ్ అవుతోంది. ఇంగ్లీషుతోపాటు తెలుగులోనూ ది షీప్ డిటెక్టివ్స్ ఓటీటీ రిలీజ్ అయింది. అంతేకాకుండా అప్పటినుంచి అమెజాన్ ప్రైమ్ ఓటీటీ ట్రెండింగ్ సినిమాలో టాప్ ప్లేసులో ఈ సినిమా ఉండటం విశేషం.
ది షీప్ డిటెక్టివ్స్ ఓటీటీ ట్రెండింగ్
ప్రస్తుతం అమెజాన్ ప్రైమ్లో టాప్ 8 ప్లేసులో ది షీప్ డిటెక్టివ్స్ ఓటీటీ ట్రెండింగ్లో అలరిస్తోంది. ఇండియాలోని అమెజాన్ ప్రైమ్ వీడియో టాప్ 10 మూవీస్, సిరీస్లలో ఈ మర్డర్ మిస్టరీ కామెడీ 8వ స్థానంలో దూసుకుపోతోంది.