శ్రావణ మాసంలో శుక్ల పంచమి తిథిని అత్యంత పవిత్రమైన రోజుగా భావిస్తారు. ఈ ఏడాది ఆగస్టు 17న సోమవారం రోజున నాగ పంచమి పర్వదినం వచ్చింది. ఈ విశేషమైన రోజున భోళా శంకరుడితో పాటు నాగ దేవతలను పూజిస్తే విశేష ఫలితాలు లభిస్తాయి.
ముఖ్యంగా శ్రావణ సోమవారంతో కలిసిరావడం వల్ల ఈ రోజంతా శివనామస్మరణతో మార్మోగుతోంది. ఈ పవిత్ర దినాన శని, రాహు-కేతువుల దుష్ప్రభావాలను తగ్గించుకోవడానికి, అదృష్టాన్ని ఆకర్షించడానికి జ్యోతిష్య శాస్త్రం కొన్ని అద్భుతమైన మార్గాలను సూచించింది. జ్యోతిష్య నిపుణుల ప్రకారం ప్రతి రాశి వారూ తమ జన్మరాశిని బట్టి పూజా విధానాలను ఆచరిస్తే మంచి ఫలితాలు ఉంటాయి.
మేష రాశి: ఈ రాశి వారు నాగ పంచమి నాడు శివలింగానికి చందనం కలిపిన జలాన్ని సమర్పించాలి. అలాగే నాగ దేవతకు శెనగలను నైవేద్యంగా సమర్పిస్తే జీవితంలో సుఖ సంతోషాలు వెల్లివిరుస్తాయి.
వృషభ రాశి: వృషభ రాశి వారు ఈ పర్వదినాన శివలింగానికి ఆవు పాలతో అభిషేకం చేయాలి. దీని వల్ల భోళా శంకరుడి కటాక్షంతో కోరిన కోర్కెలు నెరవేరుతాయి.
మిథున రాశి: శివలింగానికి మారేడు దళాలు సమర్పించడం ఈ రాశి వారికి చాలా మంచిది. దీని వల్ల జాతకంలో రాహువు వల్ల కలిగే అశుభ ప్రభావాలు తొలగిపోతాయి.
కర్కాటక రాశి: కర్కాటక రాశి వారు ఈ రోజు నిష్టతో శివలింగానికి జలాభిషేకం చేయాలి. ఇది ఆర్థిక పరమైన ఇబ్బందులను తొలగించి సిరి సంపదలను తెస్తుంది.
సింహ రాశి: సింహ రాశి వారు ఆకుపచ్చని వస్త్రాలు, పెసరపప్పు వంటి వస్తువులను దానం చేయాలి. ఈ చిన్న పరిహారంతో శివుడు ప్రసన్నుడవుతాడు.
{{/usCountry}}సింహ రాశి: సింహ రాశి వారు ఆకుపచ్చని వస్త్రాలు, పెసరపప్పు వంటి వస్తువులను దానం చేయాలి. ఈ చిన్న పరిహారంతో శివుడు ప్రసన్నుడవుతాడు.
{{/usCountry}}కన్యా రాశి: కన్యా రాశి వారు శివునికి గరిక సమర్పించి, నాగ దేవతకు పాలు పోయాలి. ఆవు పేడతో నాగుపాము బొమ్మను గీసి పూజించడం కూడా ఎంతో శుభప్రదం.
తులా రాశి: నాగ పంచమి రోజు నాగ దేవతకు పరమాన్నం నైవేద్యం పెట్టాలి. శివలింగంపై వెండి నాగుపాముల జంటను సమర్పిస్తే కుటుంబంలో ప్రశాంతత నెలకొంటుంది.
వృశ్చిక రాశి: జీవితంలో ఎదురయ్యే ఎలాంటి ఆటంకాలనైనా అధిగమించడానికి ఈ రాశి వారు చెరకు రసంతో శివలింగానికి అభిషేకం చేయాలి.
ధనుస్సు రాశి: ధనుస్సు రాశి వారు నాగ దేవతకు శనగ పప్పును సమర్పించాలి. ఇలా చేయడం వల్ల భక్తుల మనోభీష్మాలు నెరవేరుతాయి.
మకర రాశి: అపరాజిత పుష్పాలను శివలింగానికి సమర్పించడం ద్వారా రాహు-కేతువుల చెడు ప్రభావం తగ్గి శివానుగ్రహం లభిస్తుంది.
కుంభ రాశి: కుంభ రాశి వారు ఈ పవిత్ర రోజున 'ఓం నమః శివాయ' మంత్రాన్ని నిష్టతో జపించాలి. ఇది ఆర్థిక స్థిరత్వాన్ని చేకూరుస్తుంది.
మీన రాశి: మీన రాశి వారు నాగ దేవతతో పాటు సంపూర్ణ శివ కుటుంబాన్ని పూజించాలి. దీనివల్ల జీవితంలోని సమస్త అడ్డంకులు తొలగిపోతాయి.