E-Paper
ఈరోజు సోమవారం+మహా శివాక్షయ యోగం.. ఈ 3 పనులు చేస్తే కోటి రెట్ల పుణ్యఫలం!
మహా శివాక్షయ యోగం అత్యంత పవిత్రమైన, అరుదైన యోగంగా జ్యోతిష్య శాస్త్రంలో పేర్కొంటారు. ఈ రోజున పరమేశ్వరుడికి భక్తిశ్రద్ధలతో శివాభిషేకం చేయడం, "ఓం నమః శివాయ" లేదా మహామృత్యుంజయ మంత్రాన్ని 108 సార్లు జపించడం, శివనామస్మరణలో సమయాన్ని గడపడం ఎంతో శుభప్రదంగా భావిస్తారు.
చాలామంది సోమవారం నాడు పరమేశ్వరుడిని భక్తిశ్రద్ధలతో ఆరాధిస్తారు. అయితే ఈ రోజు కేవలం సోమవారమే కాదు, మహా శివాక్షయ యోగం కూడా. అసలు ఈ మహా శివాక్షయ యోగం అంటే ఏమిటి? ఆ రోజు పూజ చేస్తే ఎందుకు ఫలిస్తుంది? తప్పకుండా చేయాల్సిన పనులు ఏంటి? ఇలాంటి వివరాలను పూర్తిగా ఇప్పుడు తెలుసుకుందాం.
ఈరోజు పొరపాటున కూడా ఈ తప్పులు చేయద్దు
ఈరోజు చాలా పవిత్రమైన రోజు. కచ్చితంగా కొన్ని తప్పులు చేయకుండా చూసుకోవాలి. పూర్తిగా సాత్విక ఆహారాన్ని తీసుకోవాలి. మాంసాహారం, ఉల్లిపాయ, వెల్లుల్లి వంటి వాటికి దూరంగా ఉండాలి. అలాగే కోపం, అసూయ, ప్రతికూల ఆలోచనలకు దూరంగా ఉంటే మంచిది. మనసును ప్రశాంతంగా ఉంచుకుని దైవనామస్మరణతో సమయాన్ని గడపడం వల్ల అనేక విధాలుగా ప్రయోజనాలు కలుగుతాయి. అలాగే ఎవరినీ దూషించకుండా వీలైనంత వరకు మౌనంగా ఉండడం మంచిది. లేకపోతే దైవచింతనలో గడపండి.
ఈరోజు తప్పకుండా చేయాల్సిన మూడు పనులు ఇవి
1.శివాభిషేకం చేయండి
కుదిరితే శివాలయంలో గానీ, ఇంట్లో గానీ పాలు, బిల్వపత్రాలతో పరమేశ్వరుడికి అభిషేకం చేయండి. ఇది ఎన్నో రెట్ల ఫలితాన్ని ఇస్తుంది.
2.మంత్రం జపించండి
కనీసం 108 సార్లు "ఓం నమః శివాయ" లేదా మహామృత్యుంజయ మంత్రం జపించండి. అద్భుతమైన ప్రయోజనాలను పొందడానికి వీలవుతుంది. సమస్యలన్నీ కూడా తొలగిపోతాయి.
3.శివ నామస్మరణ
అలాగే ఈరోజు శివనామస్మరణతో సమయాన్ని గడిపితే మానసిక ప్రశాంతత కలుగుతుంది. సంతోషంగా ఉండొచ్చు. పరమేశ్వరుని అనుగ్రహం కూడా కలుగుతుంది.
ఈరోజు చేసే పూజకు ఎందుకు అంత శక్తి ఉంటుంది?
ఈరోజు చేసే పూజకు కోటి రెట్ల ఫలితాన్ని పొందవచ్చని విశ్వాసం. సాధారణ రోజుల్లో చేసే పూజ కంటే ఈ విశిష్టమైన యోగం ఏర్పడిన రోజున పూజ చేయడం వల్ల మరెన్నో రెట్లు ఫలితాన్ని పొందవచ్చు. చిన్న సాధన చేసినా కోటి రెట్ల ఫలితాన్ని పొందడానికి వీలవుతుంది. అలాగే ఈరోజు జాతకంలో ఉన్న గ్రహదోషాలు, కాలసర్ప దోషాలు కూడా తొలగిపోతాయని విశ్వసిస్తారు.
మహా శివాక్షయ యోగం అంటే ఏమిటి?
జ్యోతిష్య శాస్త్రం ప్రకారం చూస్తే, శతాబ్ద కాలంలో చాలా అరుదుగా వచ్చే శక్తివంతమైన తిథి-నక్షత్రాల కలయికే ఈ మహా శివాక్షయ యోగం అని చెప్పొచ్చు. ఈరోజు విశ్వంలో శివతత్వానికి సంబంధించిన సానుకూల శక్తి అత్యధికంగా ఉంటుందని పండితులు చెబుతున్నారు. కాబట్టి ఈరోజును సరిగ్గా సద్వినియోగం చేసుకోవడం మంచిది.
