కృష్ణా నది పరివాహక ప్రాంతాల్లో కురుస్తున్న భారీ వర్షాలతో ఎగువ నుంచి వరద నీరు పోటెత్తుతోంది. దీంతో తెలంగాణలోని ప్రాజెక్టులు ఇప్పుడిప్పుడే జలకళను సంతరించుకుంటున్నాయి. కర్ణాటకలోని ఎగువ ప్రాజెక్టులైన ఆలమట్టి, నారాయణపూర్ నుంచి గత మూడు నాలుగు రోజులుగా క్రిందికి నీటిని విడుదల చేస్తుండటంతో జోగులాంబ గద్వాల జిల్లాలోని ప్రియదర్శిని జూరాల ప్రాజెక్టుకు ప్రవాహం క్రమేపీ పెరుగుతోంది.
జూరాల జలాశయం పూర్తి నీటి నిల్వ సామర్థ్యం 9.66 టీఎంసీలు కాగా…. సోమవారం సాయంత్రానికి నీటి మట్టం 8.63 టీఎంసీలకు చేరింది. ఎగువ ప్రాంతాల నుంచి ప్రస్తుతం 27 వేల క్యూసెక్కుల ఇన్ ఫ్లో వచ్చి చేరుతోంది.
జూరాల ప్రాజెక్ట్ వెనుకజలాల (బ్యాక్ వాటర్) ఆధారంగా నిర్మించిన వివిధ ఎత్తిపోతల పథకాల్లో పంపింగ్ ప్రక్రియను సోమవారం ప్రారంభించారు. ఉమ్మడి మహబూబ్నగర్ జిల్లాలోని వ్యవసాయ భూములకు సాగునీరు అందించేందుకు ఆయా లిఫ్టుల ద్వారా నీటిని తోడుతున్నారు. ఇందులో జవహర్ నెట్టెంపాడు, రాజీవ్ భీమా, కోయిల్ సాగర్ ఉన్నాయి.
కర్ణాటకలోని అల్మట్టి ప్రాజెక్టుకు ఎగువ నుంచి 73,461 క్యూసెక్కుల వరద వస్తుండగా… అధికారులు దిగువకు 28,438 క్యూసెక్కుల నీటిని విడుదల చేస్తున్నారు. నారాయణపూర్ ప్రాజెక్టుకు 20,000 క్యూసెక్కుల ఇన్ ఫ్లో నమోదు కాగా, దిగువకు 20,500 క్యూసెక్కుల నీటిని వదులుతున్నారు.
జూరాలలో జలవిద్యుత్ ఉత్పత్తి షురూ
ప్రస్తుత వర్షాకాలం సీజన్లో రాష్ట్రంలోనే తొలిసారిగా జలవిద్యుదుత్పత్తికి తెలంగాణ జెన్కో శ్రీకారం చుట్టింది. జూరాలకు వరద నీటి ప్రవాహం క్రమంగా పెరుగుతున్న నేపథ్యంలో సోమవారం రాత్రి నుంచి విద్యుత్ ఉత్పత్తిని ప్రారంభించారు. జూరాలలోని అప్పర్, లోయర్ జలవిద్యుత్ కేంద్రాల్లో ప్రాథమికంగా ఒక్కో యూనిట్లో ఉత్పత్తిని షురూ చేశారు. అప్పర్, లోయర్ పవర్ హౌస్లలో మొత్తం ఆరేసి యూనిట్ల చొప్పున విద్యుత్ కేంద్రాలు ఉండగా, అందులో మూడేసి యూనిట్లలో విద్యుత్ ఉత్పత్తి చేపడటానికి నీటిపారుదల శాఖ జెన్కోకు అనుమతులు మంజూరు చేసింది.
మరోవైపు కృష్ణా ఉపనది అయిన తుంగభద్రపై కర్ణాటకలోని విజయనగర వద్ద ఉన్న తుంగభద్ర డ్యామ్కు 23,334 క్యూసెక్కుల ప్రవాహం వస్తోంది. ఈ డ్యామ్ మొత్తం నిల్వ సామర్థ్యం 105.79 టీఎంసీలు కాగా… ప్రస్తుతం 32.59 టీఎంసీల నీరు నిల్వ ఉంది.
{{/usCountry}}మరోవైపు కృష్ణా ఉపనది అయిన తుంగభద్రపై కర్ణాటకలోని విజయనగర వద్ద ఉన్న తుంగభద్ర డ్యామ్కు 23,334 క్యూసెక్కుల ప్రవాహం వస్తోంది. ఈ డ్యామ్ మొత్తం నిల్వ సామర్థ్యం 105.79 టీఎంసీలు కాగా… ప్రస్తుతం 32.59 టీఎంసీల నీరు నిల్వ ఉంది.
{{/usCountry}}ఇవాళ్టి ఉదయం(జూలై 28,2026) రిపోర్ట్ ప్రకారం… ఆంధ్రప్రదేశ్ పరిధిలోని విజయవాడ ప్రకాశం బ్యారేజ్ వద్ద కృష్ణానదిలో 5,226 క్యూసెక్కుల ప్రవాహం నమోదు కాగా… దిగువ సముద్రంలోకి 4,022 క్యూసెక్కుల నీటిని విడుదల చేస్తున్నారు.