Anumana Pakshi Review And Rating In Telugu: టాలీవుడ్లో వినూత్నమైన కథాంశాలకు ఎప్పుడూ ఆదరణ ఉంటుంది. కామెడీకి థ్రిల్లర్ ఎలిమెంట్స్ తోడైతే థియేటర్లలో వచ్చే వినోదం వేరు. 'డీజే టిల్లు'తో బాక్సాఫీస్ వద్ద రికార్డులు సృష్టించిన దర్శకుడు విమల్ కృష్ణ ఈసారి రాగ్ మయూర్ హీరోగా సరికొత్త కామెడీ సినిమాను తెరకెక్కించారు.
అనుమాన పక్షి రివ్యూ
అదే 'అనుమాన పక్షి'. విభిన్నమైన టైటిల్తో వచ్చిన అనుమాన పక్షి సినిమా ఇవాళ (సెప్టెంబర్ 25) థియేటర్లలో విడుదలైంది. "అనుమానం పెనుభూతం" అనే పాయింట్ను నేటి సోషల్ మీడియా ట్రెండ్కు ముడిపెడుతూ రూపొందించిన ఈ చిత్రం ప్రేక్షకులను ఏ మేరకు మెప్పించిందో నేటి అనుమాన పక్షి రివ్యూలో తెలుసుకుందాం.
అనుమానమే అతడి ఆయుధం.. అసలు కథేంటంటే?
సన్నీ (రాగ్ మయూర్)కి ఒక విచిత్రమైన అలవాటు ఉంటుంది. సమయం సందర్భంతో సంబంధం లేకుండా ప్రతి చిన్న విషయాన్నీ విపరీతంగా అనుమానించడం అతడి నైజం. అంతటితో ఆగకుండా తన మనసులో మెదిలే ప్రతి అనుమానాన్ని సోషల్ మీడియాలో పోస్ట్ చేస్తుంటాడు.
ఈ అలవాటే అతడిని ఊహించని చిక్కుల్లో పడేస్తుంది. సన్నీ పెట్టిన ఒక పోస్ట్ వల్ల తాను తీవ్రంగా నష్టపోయానని కశ్మీర్ నుంచి అనంత్ (చరిత్) అనే వ్యక్తి బెదిరింపు మెసేజ్ పంపుతాడు. సన్నీ వెంటనే కశ్మీర్ రాకపోతే ఆత్మహత్య చేసుకుని అతడి పేరే సూసైడ్ నోట్లో రాస్తానని హెచ్చరిస్తాడు.
కశ్మీర్ ప్రయాణం.. మలుపు తిరిగిన కథ!
అనంత్ బెదిరింపుతో భయపడిపోయిన సన్నీ తన మిత్రుడు వర్మ (ప్రిన్స్)ను తీసుకుని కశ్మీర్ బయలుదేరతాడు. అక్కడ సన్నీకి కన్య (మెరిన్ ఫిలిప్) పరిచయమై, ఆ పరిచయం కాస్తా ప్రేమగా మారుతుంది. అంతా సవ్యంగా సాగుతోందనుకుంటున్న సమయంలో వర్మ ఊహించని విధంగా రిసార్ట్లో మరణిస్తాడు. సరిగ్గా అదే సమయంలో ఆ రిసార్ట్కు విశాఖపట్నం పోలీస్ అధికారి వాసు (అజయ్), అతడి భార్య సుజాత (రాశి) వస్తారు.
{{/usCountry}}అనంత్ బెదిరింపుతో భయపడిపోయిన సన్నీ తన మిత్రుడు వర్మ (ప్రిన్స్)ను తీసుకుని కశ్మీర్ బయలుదేరతాడు. అక్కడ సన్నీకి కన్య (మెరిన్ ఫిలిప్) పరిచయమై, ఆ పరిచయం కాస్తా ప్రేమగా మారుతుంది. అంతా సవ్యంగా సాగుతోందనుకుంటున్న సమయంలో వర్మ ఊహించని విధంగా రిసార్ట్లో మరణిస్తాడు. సరిగ్గా అదే సమయంలో ఆ రిసార్ట్కు విశాఖపట్నం పోలీస్ అధికారి వాసు (అజయ్), అతడి భార్య సుజాత (రాశి) వస్తారు.
{{/usCountry}}సుజాతకు ఆత్మలతో మాట్లాడే ప్రత్యేక శక్తి ఉండటంతో కథ ఆసక్తికరంగా మారుతుంది. వర్మ మరణం వెనుక ఉన్న అసలు రహస్యమేంటి? ఈ అనుమానాల సుడిగుండం నుంచి సన్నీ ఎలా బయటపడ్డాడు? అనంత్కు సన్నీ వల్ల జరిగిన నష్టం ఏంటీ? ఆత్మలతో సుజాత ఎలా మాట్లాడగలుగుతుంది? అనేది వెండితెరపైనే చూడాలి.
దర్శకత్వ ప్రతిభ, నటీనటుల పనితీరు
సోషల్ మీడియా యుగంలో యువత వైఖరిని ఎండగడుతూనే, అతి అనుమానం మనిషి జీవితాన్ని ఎంతటి ప్రమాదంలోకి నెడుతుందో దర్శకుడు విమల్ కృష్ణ వినోదాత్మకంగా చూపించారు. హీరోగా రాగ్ మయూర్ తనదైన కామెడీ టైమింగ్, విభిన్నమైన డ్రెస్సింగ్ స్టైల్తో ఆకట్టుకున్నారు. కన్ఫ్యూజన్ సన్నివేశాల్లో ఆయన ఇచ్చిన హావభావాలు ప్రేక్షకులకు నవ్వులు పూయిస్తాయి.
విజువల్ ట్రీట్, టెక్నికల్ అంశాలు
హీరోయిన్గా మెరిన్ ఫిలిప్ కన్య పాత్రలో అందంగా కనిపిస్తూ మెప్పించింది. ఆత్మలతో మాట్లాడే మహిళగా సీనియర్ హీరోయిన్ రాశి, పోలీస్ ఆఫీసర్గా అజయ్ కనిపించిన సన్నివేశాలు కథలో ఉత్కంఠను పెంచాయి. ప్రిన్స్, చరిత్, బ్రహ్మాజీ తమ పాత్రలకు పూర్తి న్యాయం చేశారు.
కశ్మీర్ అందాలను కెమెరామెన్ అద్భుతంగా ఆవిష్కరించగా, శ్రీచరణ్ పాకాల అందించిన నేపథ్య సంగీతం థ్రిల్లర్ సన్నివేశాలకు బలాన్నిచ్చింది. రాజీవ్ చిలక, రాజేష్ జగ్తియాని, హిరాచంద్ దండ్ పాటించిన నిర్మాణ విలువలు సినిమాను రిచ్గా నిలబెట్టాయి.
తుది తీర్పు
కొత్త తరహా కాన్సెప్ట్లు, రాగ్ మయూర్ మార్క్ కామెడీ, కశ్మీర్ బ్యాక్డ్రాప్తో సాగే సస్పెన్స్ సినిమాలను ఇష్టపడేవారికి 'అనుమాన పక్షి' మంచి ఎంటర్టైనర్గా ఉంటుంది. అనుమాన పక్షిపై ఓసారి లుక్కేయొచ్చు.