Bhairavi: టాలీవుడ్‌లోకి మరో రష్మిక మందన్నా? కొత్త మలుపుతో హీరోయిన్‌గా అస్సాం బ్యూటీ భైరవి- సింగర్ సునీత కొడుకు హీరో!

Kotha Malupu Heroine Bhairavi Compared To Rashmika Mandanna: సింగర్ సునీత కుమారుడు ఆకాష్ హీరోగా తెరకెక్కుతోన్న సినిమా కొత్త మలుపు. కొత్త మలుపు టీజర్, ట్రైలర్లతో అస్సాం భామ భైరవి టాలీవుడ్‌లో హాట్ టాపిక్‌గా మారింది. క్యూట్ లుక్స్‌తో కుర్రకారును కట్టిపడేస్తున్న ఈ న్యూ క్రష్ గురించిన ప్రత్యేక విశేషాలు.

Kotha Malupu Heroine Bhairavi: తెలుగు చలనచిత్ర పరిశ్రమకు కొత్త హీరోయిన్లను ఆదరించడం, వారికి స్టార్‌డమ్ ఇవ్వడం ఎప్పటి నుంచో ఉన్న ఆనవాయితీ. ముంబై, కేరళ, కర్ణాటక నుంచి వచ్చే భామలే కాకుండా ఇటీవల కాలంలో ఈశాన్య రాష్ట్రాల ముద్దుగుమ్మలు కూడా టాలీవుడ్ వైపు అడుగులు వేస్తున్నారు.

టాలీవుడ్‌లోకి మరో రష్మిక మందన్నా? కొత్త మలుపుతో హీరోయిన్‌గా అస్సాం బ్యూటీ భైరవి- సింగర్ సునీత కొడుకు హీరో!

అస్సాం నుంచి వచ్చిన బ్యూటీ

ఈ క్రమంలోనే 'కొత్త మలుపు' చిత్రంతో భైరవి అనే కొత్త హీరోయిన్ తెలుగు తెరకు పరిచయమవుతోంది. అస్సాం నుంచి వచ్చిన ఈ నయా బ్యూటీ, సినిమా విడుదలకు ముందే ఇండస్ట్రీ వర్గాలతో పాటు ప్రేక్షకుల దృష్టిని బాగా ఆకర్షించింది.

ఇటీవల విడుదలైన కొత్త మలుపు సినిమా టీజర్‌, ట్రైలర్‌లలో భైరవి కనిపించిన తీరు, స్క్రీన్‌ ప్రెజెన్స్ చూసిన వారంతా టాలీవుడ్‌కు మరో ప్రామిసింగ్ హీరోయిన్ దొరికిందంటూ ప్రశంసలు కురిపిస్తున్నారు.

సోషల్ మీడియాలో నేషనల్ క్రష్‌తో పోలికలు

కొత్త మలుపు ట్రైలర్‌లో భైరవి క్యూట్ లుక్స్, ఆమె పలికించిన నేచురల్ ఎక్స్‌ప్రెషన్స్ చూసిన కొందరు నెటిజన్లు అప్పుడే ఆమెను నేషనల్ క్రష్ రష్మిక మందన్నాతో పోల్చడం మొదలుపెట్టారు. ముఖ్యంగా భైరవి నవ్వు, ఆమె ఫేస్ కట్ రష్మికను పోలి ఉన్నాయంటూ సోషల్ మీడియాలో కామెంట్లు వెల్లువెత్తుతున్నాయి.

కేవలం గ్లామర్ బొమ్మలా కాకుండా, నటనకు ప్రాధాన్యమున్న పాత్రలోనే భైరవి కనిపించనుందని ట్రైలర్ ద్వారా హింట్ ఇచ్చింది. అందంతో పాటు అభినయం కూడా ఉన్న హీరోయిన్ అనే టాక్ అప్పుడే ట్రేడ్ వర్గాల్లో వినిపిస్తోంది. గతంలో కాయదు లోహర్ లాంటి పరభాషా నటీమణులను తెలుగు ప్రేక్షకులు గుండెల్లో పెట్టుకున్నట్లే, ఇప్పుడు భైరవి కూడా యువతకు కొత్త క్రష్‌గా మారిపోయింది.

తెలుగు భాషపై చూపించిన ప్రేమకు ప్రశంసలు

సాధారణంగా ఉత్తరాది నుంచి వచ్చే హీరోయిన్లు తెలుగు నేర్చుకోవడానికి కాస్త సమయం తీసుకుంటారు. కానీ, భైరవి మాత్రం సినిమా ప్రమోషనల్ ఈవెంట్‌లో ముద్దుముద్దుగా తెలుగులో మాట్లాడేందుకు చేసిన ప్రయత్నం అక్కడి వారందరినీ ఆకట్టుకుంది.

ఇతర భాషల నుంచి వచ్చినప్పటికీ స్థానిక ప్రేక్షకులను అలరించడానికి, వారి భాషలోనే మాట్లాడాలని భైరవి చూపించిన శ్రద్ధను నెటిజన్లు సైతం అభినందిస్తున్నారు. క్యూట్‌నెస్‌తో పాటు ఈ విధమైన డెడికేషన్ ఉంటే టాలీవుడ్‌లో లాంగ్ రన్ సొంతం చేసుకోవడం పెద్ద కష్టమేమీ కాదని అభిప్రాయాలు వ్యక్తమవుతున్నాయి.

సింగర్ సునీత కుమారుడు హీరోగా

టీజర్, ట్రైలర్లతో క్రియేట్ అయిన పాజిటివ్ వైబ్స్ కొత్త మలుపు సినిమాపై అంచనాలను పెంచేస్తున్నాయి. ఒకవేళ థియేటర్లలో కూడా భైరవి తన నటనతో మెప్పిస్తే తెలుగులో ఆమెకు మరిన్ని ఆఫర్లు రావడం ఖాయమని తెలుస్తోంది. టాలీవుడ్ స్టార్ సింగర్ సునీత కుమారుడు ఆకాష్ హీరోగా కొత్త మలుపు తెరకెక్కుతోంది.

జూన్ 12న వస్తున్న 'కొత్త మలుపు'

లవ్, ఎమోషన్స్ కలబోసిన ఈ 'కొత్త మలుపు' చిత్రం జూన్ 12న గ్రాండ్‌గా థియేటర్లలో విడుదల కానుంది. అటు ఫ్యామిలీ ఆడియన్స్‌కు, ఇటు యూత్‌కు కనెక్ట్ అయ్యే అంశాలు ఇందులో పుష్కలంగా ఉన్నాయని చిత్ర బృందం ధీమా వ్యక్తం చేస్తోంది. అస్సాం నుంచి టాలీవుడ్ అదృష్టాన్ని పరీక్షించుకోవడానికి వస్తున్న భైరవికి ఈ సినిమా ఎలాంటి బ్రేక్ ఇస్తుందో చూడాలి.