OTT Crime Thriller Series Black Widows Release: ఓటీటీ ప్రియులకు థ్రిల్లర్, సస్పెన్స్ కథలంటే విపరీతమైన క్రేజ్. అందులోనూ కాస్త డార్క్, క్రైమ్, కామెడీ కలసిందంటే వీక్షకులు అస్సలు వదిలిపెట్టరు. అటువంటి విభిన్నమైన కథాంశంతో రూపొందిన ఓటీటీ సిరీస్ 'బ్లాక్ విడోస్'.
వైవాహిక బంధంలో వేధింపులు
వేధింపులతో కూడిన వైవాహిక బంధాల నుంచి బయటపడేందుకు భర్తలను హతమార్చాలని నిర్ణయించుకున్న ముగ్గురు భార్యల సంచలన కథ ఇది. ఇలాంటి బ్లాక్ విడోస్ ఓటీటీలో 2020 సంవత్సరం నుంచి ఆకట్టుకుంటోంది.
అసలు కథేంటంటే..
వీరా, జయంతి, కవిత అనే ముగ్గురు మహిళలు తమ భర్తల చేతిలో రోజూ మానసికంగా, శారీరకంగా నరకం చూస్తుంటారు. కేవలం విడాకులు తీసుకోవడం వల్ల తమ సమస్య పూర్తిగా తీరదని భావించిన ఈ ముగ్గురు, క్రూరమైన భర్తల పీడ శాశ్వతంగా వదిలించుకోవడానికి ఒక పక్కా ప్లాన్ వేస్తారు. వీకెండ్ సెలవుల కోసం సరస్సు ఒడ్డున గడుపుతున్న సమయంలో, భర్తలు ప్రయాణిస్తున్న స్పీడ్‌బోట్‌లో బాంబు అమర్చి పేల్చేస్తారు.
ట్విస్టులు.. ఊహించని మలుపులు!
భర్తల చావుతో తమకు స్వేచ్ఛ లభించిందని భావించిన ఆ ముగ్గురు మహిళలకు త్వరలోనే ఊహించని షాక్ ఎదురవుతుంది. వీరా భర్త జతిన్ ఆ బాంబు ప్రమాదం నుంచి ప్రాణాలతో బయటపడి రహస్యంగా దాక్కుంటాడు. మరోవైపు ఈ ఘోర ప్రమాదంపై పోలీసులు లోతుగా దర్యాప్తు ప్రారంభిస్తారు.
పోలీసుల విచారణను తిప్పికొట్టారా?
పైకి అమాయకంగా కనిపిస్తున్న ఈ ముగ్గురు భార్యల వెనుక ఉన్న అసలు రూపాన్ని పోలీసులు అనుమానిస్తారు. పోలీస్ విచారణలో ఎలాంటి సత్యాలు వెలుగు చూశాయి? భార్యల ప్లాన్‌ను పోలీసులు కనిపెట్టారా? పోలీసుల విచారణను భార్యలు తిప్పికొట్టారా? లేదా? అనేది మిగతా కథ.
నటీనటుల ప్రతిభ.. మేకింగ్ హైలైట్స్
ప్రధాన పాత్రల్లో నటించిన మోనా సింగ్, షమితా శెట్టి, స్వస్తిక ముఖర్జీ తమ అద్భుత నటనతో ఆకట్టుకున్నారు. ఒకవైపు భర్తల చేతిలో బాధితులుగా, మరొకవైపు పక్కా వ్యూహంతో నేరానికి పాల్పడే పాత్రల్లో వారి హావభావాలు ఆకట్టుకుంటాయి.
నటనతో మెప్పించిన శరద్కేల్కర్
{{/usCountry}}ప్రధాన పాత్రల్లో నటించిన మోనా సింగ్, షమితా శెట్టి, స్వస్తిక ముఖర్జీ తమ అద్భుత నటనతో ఆకట్టుకున్నారు. ఒకవైపు భర్తల చేతిలో బాధితులుగా, మరొకవైపు పక్కా వ్యూహంతో నేరానికి పాల్పడే పాత్రల్లో వారి హావభావాలు ఆకట్టుకుంటాయి.
నటనతో మెప్పించిన శరద్కేల్కర్
{{/usCountry}}తక్కువ సమయమే తెరపై కనిపించినా శరద్ కేల్కర్ తనదైన శైలిలో నటనతో మెప్పించారు. సబ్యసాచి చక్రవర్తి, అమీర్ అలీ, రాయ్మా సేన్ తదితరులు తమ పాత్రలకు తగిన రీతిలో న్యాయం చేశారు.
ఎక్కడ చూడవచ్చు?
క్రైమ్, డార్క్ కామెడీ, సస్పెన్స్ ఎలిమెంట్స్ నిండిన 'బ్లాక్ విడోస్' వెబ్ సిరీస్ ప్రముఖ ప్లాట్‌ఫామ్ జీ5 (ZEE5)లో ఓటీటీ స్ట్రీమింగ్ అవుతోంది. మొదటి సీజన్‌లో మొత్తం 12 ఎపిసోడ్‌లు ఓటీటీ రిలీజ్ అయ్యాయి. ప్రతి ఎపిసోడ్ దాదాపు 26 నుంచి 32 నిమిషాల నిడివితో ఉత్కంఠభరితంగా సాగుతుంది.
ఓటీటీలో వీకెండ్‌కి బెస్ట్
ఐఎమ్‌డీబీ (IMDb) లో ఈ ఓటీటీ సిరీస్‌కు 6.8 రేటింగ్ లభించింది. వీకెండ్‌లో క్రైమ్, కామెడీ, సస్పెన్స్ థ్రిల్లర్ ఎలిమెంట్స్ ఉన్న వెబ్ సిరీస్ చూడాలనుకునేవారికి జీ5 ఓటీటీలోని ఈ బ్లాక్ విడోస్ బెస్ట్ ఎంపిక.