Mr Deyyam: ఎన్నడూ చూడని హారర్ ఎలిమెంట్స్‌తో మిస్టర్ దెయ్యం- కమెడియన్ అలీ తమ్ముడు ఖయ్యూమ్ ప్రధాన పాత్ర- పూజకు మంచు మనోజ్

Mr Deyyam Pooja Ceremony Manchu Manoj: విజయ్ శంకర్, సిరి చౌదరి, ఖయ్యూమ్ ప్రధాన పాత్రల్లో సంజన అన్నే దర్శకత్వంలో తెరకెక్కుతున్న నూతన చిత్రం ‘మిస్టర్ దెయ్యం’ పూజా కార్యక్రమాలతో ఇవాళ ఘనంగా ప్రారంభమైంది. ఈ కార్యక్రమానికి మంచు మనోజ్ నుంచి కొరియోగ్రాఫర్ విజయ్ పోలకి వరకు సెలబ్రిటీలు హాజరయ్యారు.

Mr Deyyam Pooja Ceremony Manchu Manoj: శౌర్య ఆర్య సమర్పణలో అన్నే క్రియేషన్స్ బ్యానర్ మీద వెంకట్ నిమ్మలపూడి, సింధు అన్నే నిర్మిస్తున్న సరికొత్త తెలుగు చిత్రం ‘మిస్టర్ దెయ్యం’. తాజాగా ఇవాళ శుక్రవారం (అక్టోబర్ 23) మిస్టర్ దెయ్యం సినిమా ప్రారంభోత్సవ పూజా కార్యక్రమాలు ఘనంగా జరిగాయి.

ప్రధాన పాత్రలో అలీ తమ్ముడు ఖయ్యూమ్

ఎన్నడూ చూడని హారర్ ఎలిమెంట్స్‌తో మిస్టర్ దెయ్యం- కమెడియన్ అలీ తమ్ముడు ఖయ్యూమ్ ప్రధాన పాత్ర- పూజకు మంచు మనోజ్

మిస్టర్ దెయ్యం సినిమాలో విజయ్ శంకర్, సిరి చౌదరి, కమెడియన్ అలీ తమ్ముడు ఖయ్యూమ్ ప్రధాన పాత్రల్లో నటిస్తున్నారు. ఈ సినిమాకు సంజన అన్నే దర్శకత్వం వహించనున్నారు.

మిస్టర్ దెయ్యం పూజా కార్యక్రమం

ఈరోజు నిర్వహించిన మిస్టర్ దెయ్యం పూజా కార్యక్రమానికి రాకింగ్ స్టార్ మంచు మనోజ్, కమెడియన్ అలీ, డైరెక్టర్ విజయ్ కనకమేడల, మ్యూజిక్ డైరెక్టర్ ఆర్పీ పట్నాయక్, పట్నం మహేందర్ రెడ్డి, రమేష్ పుప్పాల, నటుడు సమీర్, చింటు, వీర శంకర్, రాజా వన్నెం రెడ్డి, వీఎన్ ఆదిత్య, జ్యోత్స, లేబర్ కమిషనర్ గంగాధర్, కొరియోగ్రాఫర్ విజయ్ పోలకి ముఖ్య అతిథులుగా విచ్చేశారు.

సెలబ్రిటీల ఇంట్రెస్టింగ్ కామెంట్స్

ముహుర్తపు సన్నివేశానికి మంచు మనోజ్ క్లాప్ కొట్టగా, అలీ కెమెరా స్విచ్ ఆన్ చేశారు. విజయ్ కనకమేడల ఫస్ట్ షాట్‌కి డైరెక్షన్ చేయగా.. వీఎన్ ఆదిత్య, ఆర్పీ పట్నాయక్ స్క్రిప్ట్ అందజేశారు. ఈ పూజా కార్యక్రమం అనంతరం సెలబ్రిటీలంతా ఇంట్రెస్టింగ్ కామెంట్స్ చేశారు.

నా ప్రయాణంలో మీడియా సపోర్ట్

నటుడు ఖయ్యూమ్ మాట్లాడుతూ .. "‘మిస్టర్ దెయ్యం’ టైటిల్ బాగుంది. ఈ చిత్రంలో మంచి పాత్రను పోషించబోతోన్నాను. ఎప్పటిలానే నన్ను, నా ఈ మూవీని ఆదరిస్తారని కోరుకుంటున్నాను" అని తెలిపారు.

ఎప్పుడు చూడని హారర్ ఎలిమెంట్స్

విజయ్ శంకర్ మాట్లాడుతూ .. "‘మిస్టర్ దెయ్యం’ కోసం వచ్చిన ప్రతీ ఒక్కరికీ థాంక్స్. ఇలాంటి అద్భుతమైన సంస్థలో పని చేస్తుండటం ఆనందంగా ఉంది. సంజన గారు ఈ మూవీని అవుట్ అండ్ అవుట్ కామెడీ చిత్రంగా రానుంది. ఇది వరకెన్నడూ చూడనటువంటి హారర్ ఎలిమెంట్స్ ఉంటాయి. ఇదొక బెస్ట్ హారర్ మూవీగా నిలుస్తుంది" అని చెప్పుకొచ్చారు.

నవంబర్ మొదటి వారంలో షూటింగ్

సిరి చౌదరి మాట్లాడుతూ .. "‘మిస్టర్ దెయ్యం’ మూవీ ఓపెనింగ్‌కి వచ్చిన ప్రతీ ఒక్కరికీ థాంక్స్. నవంబర్ మొదటి వారంలో చిత్రీకరణ ప్రారంభం కానుంది. మా సినిమాను ఇలానే సపోర్ట్ చేయాలని కోరుకుంటున్నాను" అని కోరారు.

అందరిని భయపెడుతూ నవ్వించేలా

పింగ్ పాంగ్ సూర్య మాట్లాడుతూ .. "‘మిస్టర్ దెయ్యం’ అందరినీ భయపెడుతూ, నవ్వించేలా ఉంటుంది. సంజన గారితో ఇది వరకు నేను పని చేశాను. ఈ సినిమా అందరినీ అలరించేలా ఉంటుంది" అని పేర్కొన్నారు.