Rajinikanth Watch Jailer 2 With Fans After 40 Years: బాక్సాఫీస్ వద్ద 'తలైవర్' రజనీకాంత్ జాతర కొనసాగుతోంది. నెల్సన్ దిలీప్‌కుమార్ దర్శకత్వంలో తెరకెక్కిన యాక్షన్ ఎంటర్‌టైనర్ 'జైలర్ 2' దసరా కానుకగా ప్రేక్షకుల ముందుకు వచ్చి థియేటర్లలో సునామీ సృష్టిస్తోంది.
రూ. 600 కోట్ల క్లబ్‌లో జైలర్ 2
టైగర్ ముత్తువేల్ పాండియన్‌గా రజనీకాంత్ మరోసారి తన మార్క్ మేనియాతో థియేటర్లను ఊపేస్తున్నారు. విడుదలైన మొదటి వారంలోనే ప్రపంచవ్యాప్తంగా రూ. 500 కోట్ల కలెక్షన్స్ దాటిన ఈ సినిమా, ప్రస్తుతం రూ.600 కోట్ల క్లబ్‌లో ఘనంగా అడుగుపెట్టింది.
తెలుగు రాష్ట్రాల్లోనూ 'జైలర్ 2' హవా స్పష్టంగా కనిపిస్తోంది. రాయలసీమ నుంచి కోస్తా, తెలంగాణ వరకు థియేటర్లు హౌస్‌ఫుల్ బోర్డులతో దర్శనమిస్తున్నాయి. ఇదిలా ఉంటే.. జైలర్ 2 సినిమాను చూసేందుకు రజనీకాంత్ స్వయంగా థియేటర్‌కు రావడం, అభిమానుల కోలాహలం మధ్య సినిమా వీక్షించడం ఈ విజయానికి కొత్త ఉత్సాహాన్ని ఇచ్చింది.
40 ఏళ్ల తర్వాత మొదటిసారి థియేటర్‌లో తలైవర్!
శుక్రవారం (అక్టోబర్ 23) రాత్రి చెన్నైలోని ఒక ప్రముఖ థియేటర్‌లో అనూహ్య వాతావరణం నెలకొంది. రజనీకాంత్ ఏమాత్రం హడావుడి లేకుండా సైలెంట్‌గా థియేటర్‌లోకి అడుగుపెట్టారు.
సంగీత దర్శకుడు అనిరుధ్ రవిచందర్, దర్శకుడు నెల్సన్ దిలీప్‌కుమార్, తన మనవడు లింగాతో కలిసి ఆయన వెండితెరపై సినిమా చూస్తూ ఫ్యాన్స్ రెస్పాన్స్ గమనించారు. తలకు క్యాప్ ధరించి వచ్చిన రజనీకాంత్, సీన్లు పడుతున్న కొద్దీ అభిమానులు చేస్తున్న గోల, ఈలలను చూసి మురిసిపోయారు.
గత 40 ఏళ్ల సినీ ప్రయాణంలో రజనీకాంత్ ఇలా సాధారణ ప్రేక్షకుల మధ్య కూర్చుని థియేటర్‌లో సినిమా చూడడం ఇదే తొలిసారని నిర్మాణ సంస్థ స్పష్టం చేసింది. ఈ దృశ్యాలకు సంబంధించిన వీడియో సోషల్ మీడియాలో షేర్ చేయడంతో నిమిషాల్లోనే వైరల్గా మారింది.
"మాస్ థియేటర్లలో తలైవర్ మ్యాజిక్!"
{{/usCountry}}గత 40 ఏళ్ల సినీ ప్రయాణంలో రజనీకాంత్ ఇలా సాధారణ ప్రేక్షకుల మధ్య కూర్చుని థియేటర్‌లో సినిమా చూడడం ఇదే తొలిసారని నిర్మాణ సంస్థ స్పష్టం చేసింది. ఈ దృశ్యాలకు సంబంధించిన వీడియో సోషల్ మీడియాలో షేర్ చేయడంతో నిమిషాల్లోనే వైరల్గా మారింది.
"మాస్ థియేటర్లలో తలైవర్ మ్యాజిక్!"
{{/usCountry}}"థియేటర్లలో రచ్చ రంబోలా నడుస్తోంది. తలైవర్ మ్యాజిక్ వేరే స్థాయిలో ఉంది. జైలర్ 2కి ప్రేక్షకులు అందిస్తున్న అపూర్వ ఆదరణకు హృదయపూర్వక ధన్యవాదాలు" అని దర్శకుడు నెల్సన్ పేర్కొన్నారు.
అలరిస్తున్న కొత్త కథ, నటీనటుల ప్రతిభ
సన్ పిక్చర్స్ పతాకంపై కళానిధి మారన్ నిర్మించిన ఈ చిత్రంలో రమ్యకృష్ణ, యోగి బాబు, మీర్నా మీనన్, చైల్డ్ ఆర్టిస్ట్ రిత్విక్ తమ పాత పాత్రల్లో మెరిశారు. ఎస్‌జే సూర్య, మిథున్ చక్రవర్తి, సూరజ్ వెంజరమూడు, విద్యా బాలన్ కొత్తగా కీలక పాత్రల్లో చేరి కథకు మరింత బలాన్నిచ్చారు. వీరికి తోడు మోహన్‌లాల్, శివ రాజ్‌కుమార్, జాకీ ష్రాఫ్ సర్‌ప్రైజ్ క్యామియో పాత్రలతో థియేటర్లలో పూనకాలు తెప్పించారు.
విగ్రహాల అక్రమ రవాణా ముఠా
తొలి భాగం ముగింపు నుంచి 'జైలర్ 2' కథ రూపుదిద్దుకుంది. రిటైర్డ్ జైలర్ ముత్తువేల్ పాండియన్ విగ్రహాల అక్రమ రవాణా ముఠాను ఎలా అంతమొందించాడు. కొడుకు మరణం వెనుక ఉన్న నిజాలను దాస్తూ కుటుంబ రక్షణ కోసం ఎలాంటి పోరాటం చేశాడనేది ప్రధాన ఇతివృత్తం.
కథలోని భావోద్వేగాలు, అనిరుధ్ ఇచ్చిన బ్యాక్‌గ్రౌండ్ స్కోర్, రజనీకాంత్ స్వాగ్ కలగలిపి 'జైలర్ 2'ని ఈ ఏడాది అతిపెద్ద డిజిటల్, థియేట్రికల్ బ్లాక్‌బస్టర్‌గా నిలబెట్టాయి.