Vishwak Sen Released Rayavalasa Second Song: తెలుగు సినిమా ప్రచార శైలి మునుపటిలా లేదు. చిన్న సినిమా, పెద్ద సినిమా అనే తేడా లేకుండా వినూత్న ఆలోచనలతో చిత్రబృందాలు ప్రేక్షకుల ముందుకు వస్తున్నాయి. ఈ క్రమంలోనే గ్రామీణ నేపథ్యంలో తెరకెక్కుతున్న ‘రాయవలస’ చిత్రం టాలీవుడ్‌లో ప్రత్యేక ఆకర్షణగా నిలుస్తోంది.
తల్లికొడుకుల కాంబినేషన్
డెబ్యూ హీరో కార్తీక్ జయంతి, నూతన దర్శకురాలు రాధిక జయంతి తల్లికొడుకుల కాంబినేషన్‌లో రూపుదిద్దుకుంటున్న ఈ రాయవలస సినిమా ప్రమోషన్ల విషయంలో అంతర్జాతీయ స్థాయిలో హంగామా సృష్టిస్తోంది.
విశ్వక్ సేన్ చేతుల మీదుగా ‘మా ఊరు రాయవలస’ పాట విడుదల
రాయవలస సినిమా ప్రచారంలో భాగంగా రెండో పాటను మాస్ కా దాస్ విశ్వక్ సేన్ ఇటీవల విడుదల చేశారు. ‘మా ఊరు రాయవలస’ అంటూ సాగే ఈ గ్రామీణ గీతాన్ని ఆస్కార్ అవార్డు గెలుచుకున్న ‘నాటు నాటు’ పాటను ఆలపించిన ప్రముఖ సింగర్ రాహుల్ సిప్లిగంజ్ అద్భుతంగా ఆలపించారు. అర్జున్ బాల స్వరపరిచిన ఈ పాట పల్లెటూరి వాతావరణాన్ని, సొంత ఊరి బంధాలను కళ్లకు కట్టినట్లు చూపిస్తోంది.
పాటపై విశ్వక్ సేన్ కామెంట్స్
"రాయవలస సినిమా కంటెంట్ చాలా బాగుంది. పాట అద్భుతంగా వచ్చింది, రాహుల్ తన గొంతుతో పాటను మరో స్థాయికి తీసుకెళ్లారు. చిత్ర యూనిట్‌కు నా హృదయపూర్వక శుభాకాంక్షలు" అని సాంగ్ లాంచ్ సందర్భంగా విశ్వక్ సేన్ అన్నారు.
న్యూయార్క్ టైమ్స్ స్క్వేర్‌లో ‘రింగుడు రింగుడు’ జోరు
అలాగే, మన తెలుగు జానపద సోయగం ప్రపంచ ప్రసిద్ధ న్యూయార్క్ టైమ్స్ స్క్వేర్ దాకా వెళ్లింది. రాయవలస సినిమాలోని తొలి పాట ‘రింగుడు రింగుడు’ డిజిటల్ బిల్బోర్డ్పై ప్రదర్శితమై సరికొత్త రికార్డు సృష్టించింది.
యూట్యూబ్‌లో 12 లక్షలకుపైగా వ్యూస్
{{/usCountry}}అలాగే, మన తెలుగు జానపద సోయగం ప్రపంచ ప్రసిద్ధ న్యూయార్క్ టైమ్స్ స్క్వేర్ దాకా వెళ్లింది. రాయవలస సినిమాలోని తొలి పాట ‘రింగుడు రింగుడు’ డిజిటల్ బిల్బోర్డ్పై ప్రదర్శితమై సరికొత్త రికార్డు సృష్టించింది.
యూట్యూబ్‌లో 12 లక్షలకుపైగా వ్యూస్
{{/usCountry}}కొత్త దర్శకురాలు, కొత్త కథానాయకుడు ఉన్న చిత్రానికి ఈ స్థాయిలో గ్లోబల్ ప్రమోషన్ లభించడం అరుదైన విషయం. ధనుంజయ్, సాహితీ చాగంటి పాడిన ఈ జానపద గీతం ఇప్పటికే యూట్యూబ్‌లో 12 లక్షలకు పైగా వ్యూస్‌తో దూసుకుపోతోంది. ప్రవాస భారతీయులను సైతం ఈ పాట ఎంతగానో అలరిస్తోంది.
భావోద్వేగాల మేళవింపుగా ‘రాయవలస’
రేసన్ ప్రొడక్షన్స్ పతాకంపై గోపి కృష్ణ జయంతి నిర్మించిన రాయవలస చిత్రంలో కార్తీక్ జయంతి, శ్రీష నులు జంటగా నటించారు. సీనియర్ నటులు అనితా చౌదరి, రవివర్మ, జయప్రకాష్, కాశీ విశ్వనాథ్ కీలక పాత్రల్లో కనిపిస్తారు. పల్లెటూరి నేపథ్యం, స్వచ్ఛమైన ప్రేమ, స్నేహం, కుటుంబ అనుబంధాల చుట్టూ ఈ కథ తిరుగుతుంది.
డిసెంబర్ 11న రాయవలస రిలీజ్
సాంకేతిక విభాగంలో ప్రముఖ ఎడిటర్ గ్యారీ బీహెచ్ ఎడిటింగ్ బాధ్యతలు నిర్వర్తించగా, రాఖీ కథనందించారు. కిట్టు సినిమాటోగ్రఫీ అందించారు. నిర్మాణానంతర కార్యక్రమాలు వేగంగా జరుపుకుంటున్న ఈ చిత్రం డిసెంబర్ 11న థియేటర్లలో విడుదల కానుంది.