Actor Ram Kapoor On Childhood Molestation: బుల్లితెరపై ఎంతో మంది అభిమానులను సంపాదించుకున్న సీనియర్ నటుడు రామ్ కపూర్ తన జీవితంలో జరిగిన ఒక భయంకరమైన సంఘటనను పంచుకున్నారు. బాలీవుడ్ హీరోయిన్ కంగనా రనౌత్ గతంలో హోస్ట్ చేసిన, ప్రస్తుతం సరికొత్తగా సాగుతున్న క్రేజీ రియాలిటీ ఓటీటీ షో 'లాకప్: సచ్ యా సజా' సీజన్ 2 లో ఈ ఘటన వెలుగుచూసింది.
రహస్యాన్ని పంచుకోవాలి
ఈ వారం ఎలిమినేషన్ గండం నుంచి తృటిలో తప్పించుకోవడానికి ఓటీటీ షో నిబంధనల ప్రకారం రామ్ కపూర్ తన మనసులోని ఒక రహస్యాన్ని ప్రేక్షకులతో పంచుకోవాల్సి వచ్చింది. ఈ క్రమంలో ఆయన చెప్పిన చేదు జ్ఞాపకాలు అక్కడున్న వారందరినీ షాక్కు గురిచేశారు. హోస్ట్ ఫరా ఖాన్తో పాటు తోటి కంటెస్టెంట్లు హర్షద్ చోప్రా, ధీరజ్ ధూపర్, సూఫీ మోతివాలా ఈ మాటలు విని కన్నీళ్లు ఆపుకోలేకపోయారు.
8వ తరగతిలోనే ఆ నరకం..
తమ హాస్టల్ రోజుల్లో జరిగిన ఆ భయానక రాత్రిని రామ్ కపూర్ లాకప్ 2 ఓటీటీ షోలో గుర్తుచేసుకున్నారు సీరియల్ నటుడు రామ్ కపూర్. అప్పట్లో తానొక చిన్న పిల్లాడినని, ఏం జరుగుతుందో కూడా అర్థం కాని వయసని ఆవేదన వ్యక్తం చేశారు.
"నేను ఎనిమిదో తరగతి చదువుతున్నప్పుడు, 13 ఏళ్ల వయసులో నాపై లైంగిక వేధింపులు జరిగాయి. స్కూల్ సమయం అయిపోయిన తర్వాత మేమంతా హాస్టల్ రూముల్లో కూర్చుని మాట్లాడుకునేవాళ్లం. ఆ సమయంలో టెన్త్ క్లాస్ చదువుతున్న ఒక సీనియర్ స్టూడెంట్ నా బెడ్పై వచ్చి కూర్చున్నాడు" అని రామ్ కపూర్ చెప్పారు.
40 మంది పిల్లలున్నప్పటికీ
"రూమ్లో దాదాపు 30-40 మంది పిల్లలు ఉన్నప్పటికీ, ఎవరూ చూడకుండా దుప్పటి లోపల నన్ను అసభ్యంగా తాకడం ప్రారంభించాడు. ఆ క్షణంలో నేను భయంతో పూర్తిగా గడ్డకట్టుకుపోయాను" అని రామ్ కపూర్ ఆనాటి భయానక అనుభవాన్ని వివరించారు.
ఆ సమయంలో తనకు ఏం చేయాలో అస్సలు అర్థం కాలేదని రామ్ కపూర్ పేర్కొన్నారు. గట్టిగా అరవాలో లేక మౌనంగా భరించాలో తెలియక కాసేపు అలాగే ఉండిపోయానని చెప్పారు. ఆ తర్వాత ధైర్యం తెచ్చుకుని, తనకు ఇది నచ్చడం లేదని చెప్పడంతో ఆ సీనియర్ వెంటనే అక్కడి నుంచి వెళ్లిపోయాడని రామ్ కపూర్ తెలిపారు.
ట్రామా నుంచి స్నేహం వైపు..
{{/usCountry}}ఆ సమయంలో తనకు ఏం చేయాలో అస్సలు అర్థం కాలేదని రామ్ కపూర్ పేర్కొన్నారు. గట్టిగా అరవాలో లేక మౌనంగా భరించాలో తెలియక కాసేపు అలాగే ఉండిపోయానని చెప్పారు. ఆ తర్వాత ధైర్యం తెచ్చుకుని, తనకు ఇది నచ్చడం లేదని చెప్పడంతో ఆ సీనియర్ వెంటనే అక్కడి నుంచి వెళ్లిపోయాడని రామ్ కపూర్ తెలిపారు.
ట్రామా నుంచి స్నేహం వైపు..
{{/usCountry}}ఈ ఘటన తర్వాత రామ్ కపూర్ మానసికంగా తీవ్రమైన క్షోభ (ట్రామా) అనుభవించారు. హాస్టల్లో ఎవరితోనూ మాట్లాడకుండా చాలా సైలెంట్గా మారిపోయారు. అయితే, ఆ తప్పు చేసిన సీనియర్ కొన్ని వారాల తర్వాత రామ్ కపూర్ దగ్గరకు వచ్చి క్షమాపణలు చెప్పడంతో పరిస్థితుల్లో మార్పు వచ్చింది.
"నన్ను మానసిక వేధనకు గురిచేసిన ఆ వ్యక్తే, ఆ తర్వాత నేను ఆ భయం నుంచి బయటపడటానికి సహాయం చేశాడు. ఇది వినడానికి వింతగా అనిపించినా, కాలక్రమేణా మేమిద్దరం మంచి స్నేహితులమయ్యాం. నా జీవితంలో జరిగిన ఈ సంఘటన నా పిల్లలకు గానీ, తల్లిదండ్రులకు గానీ తెలియదు. కేవలం నా భార్య గౌతమికి మాత్రమే తెలుసు" అని రామ్ కపూర్ వెల్లడించారు.
ఆత్మీయంగా ఫీల్ అవుతాను
"ఈ రోజు ఇక్కడ మాట్లాడుతున్నప్పుడు కూడా ఆనాటి భయం నన్ను వెంటాడుతోంది. కానీ, ఈ అనుభవం వల్ల నాలో ఒక మంచి మార్పు వచ్చింది. నాకు ఎల్జీబీటీక్యూ (LGBTQ) కమ్యూనిటీపై ఎలాంటి చిన్నచూపు లేదా భయం లేదు. సూఫీ లాంటి వ్యక్తులను కలిసినప్పుడు నేను ఎంతో ఆత్మీయంగా ఫీలవుతాను" అని రామ్ కపూర్ స్పష్టం చేశారు.
ఆ సీనియర్ విద్యార్థి చెడ్డవాడు కాదని, టీనేజ్ హార్మోన్ల ప్రభావం, ఉత్సాహం వల్లే అలా చేశాడని రామ్ కపూర్ వెనకేసుకొచ్చారు. తన తప్పును తెలుసుకుని, తనను ఆ మానసిక స్థితి నుంచి బయటకు తీసుకురావడానికి అతను ఎంతో ప్రయత్నించాడని చెప్పారు. ఎవరి జీవితంలోనూ ఇలాంటి దారుణాలు జరగకూడదని ఆయన ఆకాంక్షించారు.
స్టేజ్ పైనే ఏడ్చేసిన ఫరా ఖాన్, రితేష్
రామ్ కపూర్ తన చేదు జ్ఞాపకాలను చెబుతుంటే తోటి కంటెస్టెంట్ సూఫీ మోతివాలా వెక్కి వెక్కి ఏడ్చారు. తన చిన్నతనంలో కూడా ఇలాంటి చేదు అనుభవమే ఎదురైందని గుర్తుచేసుకున్నారు. హర్షద్ చోప్రా, ధీరజ్ ధూపర్ కూడా కంటతడి పెట్టారు. స్టేజ్ మీదున్న ఫరా ఖాన్ ఎంతో భావోద్వేగానికి లోనై, రామ్ కపూర్ను గట్టిగా హత్తుకుని ఓదార్చారు. మరో కో-హోస్ట్ రితేష్ దేశ్ముఖ్ సైతం రామ్ కపూర్ ధైర్యాన్ని మెచ్చుకున్నారు.
"నీవు చాలా ధైర్యవంతుడివి. గత వారం నేను నీ నుంచి ఒక విషయం నేర్చుకున్నానని చెప్పాను, ఈ రోజు నీవు చెప్పిన మాటలు చూసి నాకు నీపై ఎంతో గర్వంగా ఉంది" అని రితేష్ దేశ్ముఖ్ ప్రశంసించారు.
డబుల్ ఎలిమినేషన్
ఇక 'లాకప్: సచ్ యా సజా' షో విషయానికి వస్తే, రెండు వారాలు పూర్తి చేసుకున్న ఈ రియాలిటీ షో ఓటీటీ స్క్రీన్స్పై దూసుకుపోతోంది. ఈ వారం డబుల్ ఎలిమినేషన్లో భాగంగా సునీతా అహుజా, రియాజ్ షో నుంచి బయటకు వచ్చారు.
నెట్ఫ్లిక్స్ ఓటీటీలో
సునీత ఆరోగ్య కారణాల వల్ల తప్పుకోగా, రియాజ్ తక్కువ ఓట్ల వల్ల ఎలిమినేట్ అయ్యారు. శ్రేయా కల్రా ఈ వారం సేఫ్ జోన్లోకి వెళ్లారు. ఈ క్రేజీ షో ప్రతి శనివారం నుంచి గురువారం వరకు రాత్రి 8 గంటలకు నెట్ఫ్లిక్స్ (Netflix)లో ఓటీటీ స్ట్రీమింగ్ అవుతోంది.