Venkatesh Trivikram Aadarsha Kutumbam Trailer Released: టాలీవుడ్ ప్రేక్షకులకు కుటుంబ కథా చిత్రాలు అనగానే ముందుగా గుర్తుకువచ్చే కాంబినేషన్లలో విక్టరీ వెంకటేష్, మాటల మాంత్రికుడు త్రివిక్రమ్ శ్రీనివాస్‌ల జోడీ ఒకటి. 'నువ్వు నాకు నచ్చావ్', 'మల్లీశ్వరి' వంటి ఆల్‌టైమ్ క్లాసిక్ సినిమాల తర్వాత దాదాపు ఇరవై ఏళ్లకు వీరిద్దరి కాంబో మళ్లీ పట్టాలెక్కింది.
ఏకే 47 ట్రైలర్ రిలీజ్
హారిక అండ్ హాసిని క్రియేషన్స్ పతాకంపై ఎస్. రాధాకృష్ణ (చిన్నబాబు) నిర్మాణంలో తెరకెక్కిన 'ఆదర్శ కుటుంబం - హౌస్ నెం. 47' చిత్రంపై మొదటి నుంచీ భారీ అంచనాలు నెలకొన్నాయి. ఈ అంచనాలను మరింత పెంచేసేలా ఇవాళ ఆదర్శ కుటుంబం ట్రైలర్ విడుదలైంది. ఈ ఏకే 47 ట్రైలర్ సోషల్ మీడియాలో రికార్డు వ్యూస్‌తో దూసుకుపోతోంది.
ఫ్యామిలీ డ్రామాకు తోడైన సస్పెన్స్ క్రైమ్ థ్రిల్లర్
ఆదర్శ కుటుంబం ట్రైలర్‌ను పరిశీలిస్తే, కేవలం సాధారణ కుటుంబ కథ మాత్రమే కాకుండా అందులో అంతర్లీనంగా ఒక బలమైన క్రైమ్ థ్రిల్లర్ ఎలిమెంట్ దాగి ఉందనే విషయం తెలుస్తోంది. వెంకటేష్ తన మార్కు టైమింగ్‌తో కూడిన కామెడీతో నవ్విస్తూనే.. రఫ్ అండ్ టఫ్ యాక్షన్ అవతార్‌లో కనిపించి రక్తపాతం సృష్టించాడు.
"కుటుంబం అంటే కేవలం నవ్వులే కాదు, కష్టం వస్తే ఒకరికొకరు నిలబడటమే అసలైన బంధం" అనే రీతిలో సాగే త్రివిక్రమ్ మార్క్ సంభాషణలు ప్రేక్షకులను విశేషంగా ఆకట్టుకుంటున్నాయి. కథలోని మలుపులు, ఉత్కంఠ రేపే సన్నివేశాలు సినిమాపై ఆసక్తిని పెంచుతున్నాయి.
ఇదే కాకుండా వెంకటేష్, శ్రీనిధి శెట్టి ఏజ్ గ్యాప్ గురించి చెబుతూ "బొబ్బిలి రాజా సమయంలో నేను పడితే తను రాజా టైమ్లో పుట్టింది", "బొబ్బిలి రాజా టు రాజా చాలా గ్యాప్ ఉంది కదయ్యా" అంటూ వచ్చే డైలాగ్స్ నవ్వించాయి. మిడిల్ క్లాస్ కుటుంబం గురించే చెప్పే డైలాగ్ కూడా ఆకట్టుకునేలా ఉంది.
థమన్ మ్యూజిక్, సత్య-వెన్నెల కిషోర్ కామెడీ హంగామా
{{/usCountry}}ఇదే కాకుండా వెంకటేష్, శ్రీనిధి శెట్టి ఏజ్ గ్యాప్ గురించి చెబుతూ "బొబ్బిలి రాజా సమయంలో నేను పడితే తను రాజా టైమ్లో పుట్టింది", "బొబ్బిలి రాజా టు రాజా చాలా గ్యాప్ ఉంది కదయ్యా" అంటూ వచ్చే డైలాగ్స్ నవ్వించాయి. మిడిల్ క్లాస్ కుటుంబం గురించే చెప్పే డైలాగ్ కూడా ఆకట్టుకునేలా ఉంది.
థమన్ మ్యూజిక్, సత్య-వెన్నెల కిషోర్ కామెడీ హంగామా
{{/usCountry}}ఇప్పటికే విడుదలైన పాటలకు శ్రోతల నుంచి అద్భుతమైన స్పందన లభించగా, ట్రైలర్‌లో ఎస్.ఎస్. తమన్ అందించిన బ్యాక్‌గ్రౌండ్ స్కోర్ ప్రతీ సీన్‌ను నెక్ట్స్ లెవెల్‌కు తీసుకెళ్లింది. యాక్షన్, సస్పెన్స్ సన్నివేశాల్లో తమన్ ఇచ్చిన ఆర్‌ఆర్‌ థ్రిల్లింగ్ అనుభూతిని కలిగిస్తోంది.
శ్రీనిధి శెట్టి, నివేథా పేతురాజ్ హీరోయిన్స్‌గా నటిస్తుండగా, నారా రోహిత్ ఒక పవర్‌ఫుల్ పోలీస్ ఆఫీసర్ పాత్రలో మెరిసి సర్‌ప్రైజ్ చేశారు. రావు రమేష్ సీరియస్ లుక్‌తో అలరించారు. సత్య, బ్రహ్మాజీ, వెన్నెల కిషోర్, రఘుబాబు వంటి అనుభవజ్ఞులైన నటీనటులు ఉండటంతో వినోదానికి కొదవలేదని ట్రైలర్ చూస్తే అర్థమవుతోంది.
అక్టోబర్ 30న థియేటర్లలో గ్రాండ్ రిలీజ్
కామెడీ ట్రాక్ నుంచి సడెన్‌గా క్రైమ్ థ్రిల్లర్ జోనర్‌కు షిఫ్డ్ అవ్వడం, నవ్వించడంతోపాటు వయోలెంట్ యాక్షన్ సీన్లతో ట్రైలర్‌లో రక్తపాతం చూపించారు. అయితే, కుటుంబ సమేతంగా చూడదగ్గ క్లీన్ ఎంటర్‌టైనర్లను అందించడంలో వెంకటేష్, త్రివిక్రమ్‌లకు ప్రత్యేకమైన ట్రాక్ రికార్డ్ ఉంది.
రెండు తెలుగు రాష్ట్రాల బాక్సాఫీస్ వద్ద కుటుంబ ప్రేక్షకులను థియేటర్లకు రప్పించడంలో ఈ కాంబినేషన్‌కు తిరుగులేదు. అదే నమ్మకంతో నిర్మించిన 'ఆదర్శ కుటుంబం - హౌస్ నెం. 47' అక్టోబర్ 30న ప్రపంచవ్యాప్తంగా గ్రాండ్ రిలీజ్ కాబోతోంది. 20 ఏళ్ల తర్వాత వస్తున్న ఈ ఐకానిక్ కాంబినేషన్ బాక్సాఫీస్ వద్ద ఎలాంటి ప్రభంజనం సృష్టిస్తుందో చూడాలి.