E-Paper
OTT Release: ఓటీటీలో ఈ వారం చూడాల్సిన టాప్ 6 సినిమాలు- ఒక్కరోజే 5, తెలుగులో 5- మృణాల్ ఠాకూర్ క్రైమ్ థ్రిల్లర్ టు హారర్
OTT Release Movies This Week: అక్టోబర్ మొదటి వారంలో సినీ ప్రియులకు ఓటీటీ ప్లాట్ఫామ్లు వినోదాల విందు అందించనున్నాయి. నెట్ఫ్లిక్స్, జీ5, జియో హాట్స్టార్లలో ఓటీటీ స్ట్రీమింగ్ కానున్న టాప్ 6 సినిమాలపై లుక్కేద్దాం. వాటిలో మృణాల్ ఠాకూర్ క్రైమ్ థ్రిల్లర్ నుంచి హారర్ మూవీ వరకు ఓటీటీ రిలీజ్ కానున్నాయి.
Prefer HTon Google
Top 6 OTT Release Movies To Watch This Week: అక్టోబర్ ఆరంభంలోనే ఓటీటీ తెరపై వినోదాల పండుగ మొదలవుతోంది. ఇంట్లోనే కూర్చుని కొత్త సినిమాలు చూడాలనుకునే తెలుగు ప్రేక్షకులకు ఈసారి ఓటీటీల్లో వరుసగా డిఫరెంట్ జోనర్ సినిమాలు ముందుకు వస్తున్నాయి.
టాప్ 6 ఓటీటీ సినిమాలు
అయితే, వీటిలో ఈ వారం ఓటీటీలో చూడాల్సిన టాప్ 6 సినిమాల గురించి ఇక్కడ తెలుసుకుందాం. రొమాంటిక్ కామెడీలు, మైండ్ బెండింగ్ క్రైమ్ థ్రిల్లర్లు, భయపెట్టే హారర్ కథల వరకు ప్రతి ఒక్కరి అభిరుచికి తగ్గట్టుగా విభిన్నమైన ఈ టాప్ 6 ఓటీటీ సినిమాలపై లుక్కేద్దాం.
నవ్వులు పూయించే రొమాంటిక్ కామెడీలు
రోమాంచకం (నెట్ఫ్లిక్స్ - అక్టోబర్ 1):
'మేమ్ ఫేమస్' చిత్రంతో యూత్లో మంచి గుర్తింపు తెచ్చుకున్న సుమంత్ ప్రభాస్ కథానాయకుడిగా నటించిన సరికొత్త చిత్రం 'రోమాంచకం'. హైదరాబాద్లో స్టార్టప్ ప్రారంభించాలనుకునే ఒక ఇంజనీరింగ్ గ్రాడ్యుయేట్ అన్వేష్, చెన్నైకి చెందిన మైథిలి (అనంతిక సనీల్కుమార్)తో డేటింగ్ యాప్లో పరిచయం పెంచుకుంటాడు. ఆ తర్వాత వారిద్దరూ కలుసుకునే క్రమంలో స్నేహితుల వల్ల ఎదురయ్యే గందరగోళాలు, కామెడీ సన్నివేశాలు ప్రేక్షకులను నవ్విస్తాయి.
#లవ్ (నెట్ఫ్లిక్స్ - అక్టోబర్ 2):
ఓజీ విలన్ అర్జున్ దాస్, హీరోయిన్ ఐశ్వర్య లక్ష్మి ప్రధాన పాత్రల్లో తెరకెక్కిన రొమాంటిక్ డ్రామా ఓటీటీ సిరీస్ #లవ్ (#Love). డేటింగ్ యాప్ల పోటీ నేపథ్యంలో ఇద్దరు వ్యక్తులు తమ సిద్ధాంతాలను నిరూపించుకోవడానికి 60 రోజుల ఛాలెంజ్ స్వీకరిస్తారు. ఆ తర్వాత ఏమైందనేదే మిగతా కథ. తెలుగు సహా తమిళం, హిందీ, కన్నడ, మలయాళ 5 భాషల్లో నెట్ఫ్లిక్స్లో #లవ్ ఓటీటీ స్ట్రీమింగ్ కానుంది.
కుటుంబ కథనాలు, హృదయానికి హత్తుకునే డ్రామాలు
బెత్లెహెమ్ కుటుంబ యూనిట్ (జియో హాట్స్టార్ - అక్టోబర్ 2):
'ప్రేమలు' సినిమాతో తెలుగు ప్రేక్షకులకు బాగా దగ్గరైన మమితా బైజు, మలయాళ హీరో నివిన్ పౌలీ కాంబినేషన్లో తెరకెక్కిన అవుట్ అండ్ అవుట్ కామెడీ ఎంటర్టైనర్ ఇది. వయసులో చాలా తేడా ఉన్న ఇద్దరి మధ్య చిగురించిన ప్రేమ, దాంతో ఆ చిన్న ఊరిలో చెలరేగే వివాదాలను దర్శకుడు సరదాగా తెరకెక్కించారు. తెలుగు, మలయాళం, తమిళ భాషల్లో జియోహాట్స్టార్లో బెత్లెహెమ్ కుటుంబ యూనిట్ ఓటీటీ రిలీజ్ అవనుంది.
డూయింగ్ లైఫ్ (నెట్ఫ్లిక్స్ - అక్టోబర్ 2):
టేలర్ పెర్రీ దర్శకత్వంలో రూపొందిన ఈ ఇంగ్లీష్ చిత్రం ఒక ఒంటరి తల్లి జీవిత పోరాటాన్ని ఆవిష్కరిస్తుంది. జైలులో ఉన్న ఒక ఖైదీతో లేఖల ద్వారా ఏర్పడిన పరిచయం ఆమె జీవితాన్ని ఎలా మార్చింది, నమ్మకం, ఆశల చుట్టూ కథ ఎలా సాగిందనేది ఇందులో ప్రధానంగా చూపించారు. ఈ చిత్రం తెలుగు డబ్బింగ్తో కూడా నెట్ఫ్లిక్స్ ఓటీటీలో అక్టోబర్ 2న అందుబాటులోకి రానుంది.
థ్రిల్లింగ్ కోర్టు రూమ్ డ్రామా, గూస్బంప్స్ తెప్పించే హారర్
పూజ మేరీ జాన్ (జీ5 - అక్టోబర్ 2):
తెలుగు హీరోయిన్ మృణాల్ ఠాకూర్, హుమా ఖురేషీ ప్రధాన పాత్రల్లో నటించిన సైకలాజికల్ క్రైమ్ థ్రిల్లర్ కోర్ట్ రూమ్ డ్రామా పూజా మేరీ జాన్. ప్రేమను తిరస్కరించిన కారణంగా ఒక యువకుడు ఆత్మహత్య చేసుకోవడం, ఆ నేరం అతని లవర్ పూజపై పడటంతో కథ తీవ్రమైన మలుపు తిరుగుతుంది. నైతిక విలువలు, చట్టపరమైన పోరాటం చుట్టూ సాగే ఈ క్రైమ్ థ్రిల్లర్ డ్రామా ఓటీటీ ప్రియులను విశేషంగా ఆకట్టుకోనుంది.
ఈవిల్ డెడ్ బర్న్ (జీ5 - అక్టోబర్ 2):
హారర్ సినిమాలను ఇష్టపడేవారి కోసం 'ఈవిల్ డెడ్' ఫ్రాంచైజ్ నుంచి వచ్చిన సరికొత్త చిత్రం 'ఈవిల్ డెడ్ బర్న్'. సెబాస్టియన్ వానెక్ దర్శకత్వం వహించిన ఈ చిత్రంలో దురదృష్టవశాత్తూ విముక్తి పొందిన దెయ్యాలు ఒక కుటుంబంలో ఎలాంటి భయాందోళనలు సృష్టించాయో చూపించారు. ఇంగ్లీష్తో పాటు తెలుగు, హిందీ, తమిళ భాషల్లో జీ5లో ఈవిల్ డెడ్ బర్న్ ఓటీటీ రిలీజ్ కానుంది.
ఒక్కరోజే 5, తెలుగులో 5
ఇలా ఈ వారం చూడాల్సిన టాప్ 6 సినిమాలుగా ఉన్నాయి. వీటిలో ఒక్క పూజా మేరీ జాన్ తప్పా మిగతా ఐదు సినిమాలు తెలుగులో ఓటీటీలోకి అందుబాటులోకి రానున్నాయి. అలాగే, ఒక్క అక్టోబర్ 2 నుంచి 5 సినిమాలు ఓటీటీ స్ట్రీమింగ్ అవనున్నాయి.
