Project Hail Mary OTT Release: ప్రపంచవ్యాప్తంగా ఉన్న సినిమా ప్రియులను విశేషంగా ఆకట్టుకున్న ఈ ఏడాది బిగ్గెస్ట్ సైన్స్ ఫిక్షన్ అడ్వెంచర్ హిట్ మూవీ'ప్రాజెక్ట్ హెయిల్ మేరీ' (Project Hail Mary) ఎట్టకేలకు ఓటీటీ స్క్రీన్పై సందడి చేయడానికి సిద్ధమైంది. 8.2 ఐఎమ్డీబీ రేటింగ్ సాధించిన ఈ సినిమాకు 94 శాతం ఫ్రెష్ కంటెంట్గా గుర్తింపు వచ్చింది.
మరికొన్ని గంటల్లో ఓటీటీలోకి
హాలీవుడ్ స్టార్ హీరో ర్యాన్ గోస్లింగ్ ప్రధాన పాత్రలో నటించిన ఈ విజువల్ వండర్ థియేటర్లలో భారీ వసూళ్లు సాధించడమే కాకుండా విమర్శకుల ప్రశంసలు అందుకుంది. థియేటర్లలో మిస్ అయిన తెలుగు హాలీవుడ్ లవర్స్ కోసం ఈ గ్లోబల్ బ్లాక్బస్టర్ సినిమా మరికొన్ని గంటల్లో ఓటీటీ రిలీజ్ కానుంది.
కథేంటంటే?
భూమిని అంతరించిపోయే ప్రమాదం నుంచి రక్షించే బాధ్యతను ఒక సాధారణ సైన్స్ టీచర్ భుజానికెత్తుకుంటే ఎలా ఉంటుందనే ఆసక్తికరమైన కథాంశంతో ఈ సినిమా తెరకెక్కింది. రైలాండ్ గ్రేస్ (ర్యాన్ గోస్లింగ్) అనే సైన్స్ టీచర్ ఒక అంతరిక్ష నౌకలో కళ్లు తెరుస్తాడు. తనకు తాను ఎక్కడున్నాడో, అసలు అక్కడికి ఎలా వచ్చాడో అనే విషయాలు అతనికి గుర్తుండవు.
మెలమెల్లగా జ్ఞాపకాలు తిరిగి వచ్చే కొద్దీ.. సూర్యుడు అంతరించిపోవడానికి కారణమవుతున్న ఒక రహస్యమైన పదార్థం తాలూకు చిక్కుముడిని విప్పడమే తన మిషన్ అని గ్రేస్ తెలుసుకుంటాడు. తనకున్న సైన్స్ పరిజ్ఞానంతో, వినూత్నమైన ఆలోచనలతో భూమిని సర్వనాశనం కాకుండా కాపాడే క్రమంలో అతనికి ఒక వింత గ్రహాంతరవాసి (ఏలియన్) పరిచయమవుతుంది. ఆ అద్భుతమైన స్నేహంతో రైలాండ్ తన మిషన్ను ఎలా పూర్తి చేశాడనేదే అసలు కథ.
డైరెక్టర్ కామెంట్స్
"సాంప్రదాయకంగా చూస్తే ఆ ఏలియన్కు కళ్లు లేదా ముఖం లాంటి అందమైన ఫీచర్స్ ఏవీ ఉండవు. మొదటి చూపులో అది రాళ్ల గుట్టలాగానో లేదా ఒక పెద్ద సాలీడులాగానో కనిపిస్తుంది. కానీ దాని కదలికలు, జేమ్స్ ఓర్టిజ్ ఇచ్చిన అద్భుతమైన వాయిస్ పెర్ఫార్మెన్స్ ప్రేక్షకులను ఆ పాత్రతో ప్రేమలో పడేలా చేస్తాయి" అని దర్శకుడు క్రిస్టోఫర్ మిల్లర్ పేర్కొన్నారు.
బాక్సాఫీస్ వద్ద కలెక్షన్ల సునామీ
{{/usCountry}}"సాంప్రదాయకంగా చూస్తే ఆ ఏలియన్కు కళ్లు లేదా ముఖం లాంటి అందమైన ఫీచర్స్ ఏవీ ఉండవు. మొదటి చూపులో అది రాళ్ల గుట్టలాగానో లేదా ఒక పెద్ద సాలీడులాగానో కనిపిస్తుంది. కానీ దాని కదలికలు, జేమ్స్ ఓర్టిజ్ ఇచ్చిన అద్భుతమైన వాయిస్ పెర్ఫార్మెన్స్ ప్రేక్షకులను ఆ పాత్రతో ప్రేమలో పడేలా చేస్తాయి" అని దర్శకుడు క్రిస్టోఫర్ మిల్లర్ పేర్కొన్నారు.
బాక్సాఫీస్ వద్ద కలెక్షన్ల సునామీ
{{/usCountry}}ఈ ఏడాది మార్చి 20న థియేటర్లలో విడుదలైన ప్రాజెక్ట్ హెయిల్ మేరీ చిత్రం బాక్సాఫీస్ వద్ద కాసుల వర్షం కురిపించింది. ప్రపంచవ్యాప్తంగా ఏకంగా 683 మిలియన్ డాలర్లు (భారతీయ కరెన్సీలో సుమారు రూ. 5,700 కోట్లకు పైగా) వసూలు చేసి సరికొత్త రికార్డులు సృష్టించింది.
ముఖ్యంగా ఐమాక్స్ (IMAX) స్క్రీన్లపై ఈ సినిమా అందించిన విజువల్ ఎఫెక్ట్స్, గ్రాఫిక్స్ ప్రేక్షకులకు ఒక సరికొత్త అనుభూతిని పంచాయి. ఇందులో 'రాకీ' అనే ఏలియన్ క్యారెక్టర్ డిజైన్ చేసిన విధానానికి ప్రపంచవ్యాప్తంగా ప్రశంసలు దక్కాయి. ఈ ఏడాది ఆస్కార్ అవార్డుల రేసులో కూడా ఈ సినిమా నిలిచే అవకాశం ఉందని అమెజాన్ ఎమ్జీఎమ్ స్టూడియోస్ ధీమా వ్యక్తం చేస్తోంది.
హాలీవుడ్ అగ్ర దర్శకుల కాంబినేషన్
పేరుగాంచిన దర్శకుల ద్వయం ఫిల్ లార్డ్, క్రిస్టోఫర్ మిల్లర్ ఈ అద్భుతమైన సైన్స్ ఫిక్షన్ డ్రామాను తెరకెక్కించారు. డ్రూ గొడ్దార్డ్ అందించిన స్క్రీన్ప్లే ఈ సినిమాకు ప్రధాన బలంగా నిలిచింది. అమీ పాస్కల్, ర్యాన్ గోస్లింగ్, ఆదిత్య సూద్ వంటి ప్రముఖులు ఈ భారీ బడ్జెట్ చిత్రాన్ని నిర్మించారు.
థియేటర్లలో సరికొత్త విజువల్ వండర్ను ఆస్వాదించిన సినీ ప్రియులు, ఇప్పుడు ఇంట్లోనే కూర్చుని చూసేందుకు ఓటీటీలోకి వచ్చేస్తోంది ప్రాజెక్ట్ హెయిల్ మేరీ. అమెజాన్ ప్రైమ్లో జూలై 3 నుంచి ప్రాజెక్ట్ హెయిల్ మేరీ ఓటీటీ స్ట్రీమింగ్ కానుంది.
అమెజాన్ ప్రైమ్ ఓటీటీలో
జూలై 3 అర్థరాత్రి ప్రాజెక్ట్ హెయిల్ మేరీ ఓటీటీ రిలీజ్ అవనుంది. అంటే, దానికి మరికొన్ని గంటల సమయం మాత్రమే ఉంది. డిఫరెంట్ కాన్సెప్ట్తో సైన్స్ ఫిక్షన్ సినిమాలను ఇష్టపడేవారికి అమెజాన్ ప్రైమ్ ఓటీటీలోకి రానున్న ప్రాజెక్ట్ హెయిల్ మేరీ బెస్ట్ ఛాయిస్ అని చెప్పుకోవచ్చు.