Ranbir Kapoor Buys 25 Acre Land: బాలీవుడ్ స్టార్ హీరో రణ్బీర్ కపూర్ కేవలం సినిమాలతోనే కాకుండా రియల్ ఎస్టేట్ పెట్టుబడుల్లోనూ దూసుకుపోతున్నారు. ముంబై వంటి కాంక్రీట్ జంగిల్ దాటి ప్రశాంతమైన వాతావరణంలో లగ్జరీ ఫామ్హౌస్లు, ఖరీదైన ల్యాండ్స్ కొనుగోలు చేసేందుకు బాలీవుడ్ ప్రముఖులు ఆసక్తి చూపిస్తున్నారు.
25.7 ఎకరాల భూమి కొనుగోలు
ఈ ట్రెండ్ను అనుసరిస్తూ యానిమల్ హీరో రణ్బీర్ తాజాగా పుణెలో ఒక భారీ స్థలాన్ని తన సొంతం చేసుకున్నారు. పుణె జిల్లా ముల్షీ తాలూకా పరిధిలో దాదాపు 25.7 ఎకరాల విస్తీర్ణం గల భూమిని రణ్బీర్ కపూర్ కొనుగోలు చేశారు.
రియల్ ఎస్టేట్ డేటా విశ్లేషణ సంస్థ 'సీఆర్ఈ మ్యాట్రిక్స్' (CRE Matrix) సేకరించిన అధికారిక పత్రాల ప్రకారం ఈ లావాదేవీ విలువ రూ. 16.42 కోట్లుగా నమోదైంది. పుణెలోని పింప్రి గ్రామంలో పక్కపక్కనే ఉన్న నాలుగు ల్యాండ్ పార్సళ్లను రణ్బీర్ కొనుగోలు చేయగా, వీటికి సంబంధించిన విక్రయ ఒప్పందం (Sale Agreement) ఈ ఏడాది ఏప్రిల్ 30న రిజిస్టర్ అయింది.
నాలుగు భాగాలుగా కొనుగోలు.. స్టాంప్ డ్యూటీ ఎంతంటే?
మొత్తం 1,04,000 చదరపు మీటర్ల (సుమారు 25.7 ఎకరాలు) విస్తీర్ణంలో ఉన్న ఈ స్థలాన్ని రణ్బీర్ కపూర్ నాలుగు భాగాలుగా రిజిస్టర్ చేయించుకున్నారు.
మొదటి భాగం (21,400 చ.మీ) రూ. 3.31 కోట్లకు కొనుగోలు చేశారు.
రెండో భాగం (29,900 చ.మీ) రూ. 4.62 కోట్లకు సొంతం చేసుకున్నారు.
మూడో భాగం (43,800 చ.మీ) రూ. 7.07 కోట్ల భారీ ధరకు కొన్నారు.
నాలుగో భాగం (8,900 చ.మీ) రూ. 1.39 కోట్లకు రిజిస్టర్ అయింది.
{{/usCountry}}నాలుగో భాగం (8,900 చ.మీ) రూ. 1.39 కోట్లకు రిజిస్టర్ అయింది.
{{/usCountry}}ఈ భారీ ల్యాండ్ డీల్ కోసం రణ్బీర్ కపూర్ ప్రభుత్వానికి రూ. 82.13 లక్షల రూపాయలను స్టాంప్ డ్యూటీ రూపంలో చెల్లించినట్లు రిజిస్ట్రేషన్ డాక్యుమెంట్లు స్పష్టం చేస్తున్నాయి.
అయోధ్యలోనూ కోట్ల విలువైన స్థలం
రణ్బీర్ కపూర్ కేవలం పుణెలోనే కాకుండా దేశంలోని ప్రముఖ ఆధ్యాత్మిక క్షేత్రమైన అయోధ్యలోనూ పెట్టుబడులు పెట్టారు. ఈ ఏడాది మే నెలలోనే 'ది హౌస్ ఆఫ్ అభినందన్ లోధా' (HoABL) ప్రతిష్టాత్మకంగా నిర్మిస్తున్న 'ది సరయు' ప్రాజెక్టులో రూ. 3.31 కోట్ల విలువైన స్థలాన్ని ఆయన కొనుగోలు చేశారు.
సరయు నదీ తీరంలో 75 ఎకరాల విస్తీర్ణంలో రూపుదిద్దుకుంటున్న ఈ లగ్జరీ వెంచర్లో 2,134 చదరపు అడుగుల ప్లాట్ను రణ్బీర్ సొంతం చేసుకున్నారు. పంచతార వెజిటేరియన్ హోటల్, అత్యాధునిక క్లబ్హౌస్తో పాటు ఎన్నో విలాసవంతమైన సదుపాయాలు ఈ ప్రాజెక్టులో రానున్నాయి.
ముంబై వదిలి బయటి ప్రాంతాలపై సెలబ్రిటీల కన్ను
ముంబై నగరంలో విపరీతంగా పెరిగిన ట్రాఫిక్, కాలుష్యం కారణంగా బాలీవుడ్ స్టార్స్ తమ పెట్టుబడులను పక్క రాష్ట్రాలు లేదా ముంబై వెలుపల ఉన్న ప్రశాంతమైన హిల్ స్టేషన్లకు మళ్లిస్తున్నారు. కేవలం ఫ్లాట్స్, కమర్షియల్ బిల్డింగ్స్ కాకుండా వ్యవసాయ భూములు, ప్లాట్లు కొనేందుకు ఇష్టపడుతున్నారు. ముంబైకి వీకెండ్ గేట్వేలుగా ఉన్న అలీబాగ్, లోనావాలా, పుణె, గోవా వంటి ప్రాంతాల్లో ల్యాండ్స్ కొనుగోలు చేస్తున్నారు.
ఇప్పటికే అమితాబ్ బచ్చన్, కార్తీక్ ఆర్యన్, కృతి సనన్, విరాట్ కోహ్లీ-అనుష్క శర్మ దంపతులు దేశంలోని వివిధ ప్రాంతాల్లో ల్యాండ్స్ కొనుగోలు చేశారు. ఇటీవల టీమిండియా క్రికెటర్ కేఎల్ రాహుల్, ఆయన మామ, సీనియర్ నటుడు సునీల్ శెట్టి కలిసి ముంబై సమీపంలో రూ. 9.85 కోట్ల విలువైన స్థలాన్ని కొనుగోలు చేయడం ఈ రియల్ ఎస్టేట్ క్రేజ్కు అద్దం పడుతోంది.