healthy food photos

హైదరాబాద్ అపోలో ఆసుపత్రికి చెందిన ప్రముఖ సీనియర్ న్యూరాలజిస్ట్ డాక్టర్ సుధీర్ కుమార్ ఈ విషయంపై శాస్త్రీయ ఆధారాలను వెల్లడించారు. ప్రపంచవ్యాప్తంగా 185 దేశాల్లో ఏకంగా 28 ఏళ్ల పాటు సాగిన ఒక భారీ అధ్యయనం వివరాలను ఆయన బయటపెట్టారు. "ఆహారంలో గుడ్లు ఎక్కువగా తీసుకునే వారిలో 'ఇస్కీమిక్ హార్ట్ డిసీజ్' (IHD) లేదా గుండెపోటు వచ్చే అవకాశాలు, దానివల్ల సంభవించే మరణాలు గణనీయంగా తక్కువగా ఉన్నట్లు ఈ అధ్యయనంలో తేలింది," అని డాక్టర్ సుధీర్ కుమార్ వివరించారు. సాధారణ భాషలో చెప్పాలంటే.. క్రమం తప్పకుండా గుడ్లు తినే వారిలో గుండెపోటు ముప్పు చాలా తక్కువగా ఉన్నట్లు ఈ పరిశోధన నిరూపించింది.